Hiburuduma 3:6 - Farefare Ninkaré

⁶ La Krisi de la Nawẽnnɛ Dayʋa n de sɩra dãana sɔna deego la. A deego la de la tõma, tõma sãn ze'ele kãŋkãŋɛ la bʋraanɛ, dee tara pʋtẽ'erɛ gu'ura sɛla tɩ tɩ bɔ sɩra la, la sũ-yẽlga, ka paagɛ ba'asgɔ.

ZE'ELEGO PAALEGA

⁶ Gee Kiresta en de se'em la, yuum tari la sakerɛ la Yinɛ lageŋɔ la, dɛna dayua, ti tumam dɛna yire la, tu han gurɛ tu inkpeŋere wa la tu nyu'ɔ ŋma'a sɛka en de tu beere puti'irɛ zuo wa kankaŋi.

Hiburuduma 3:6 ပူးပေါင်းရင်းမြစ်များ

Amatie 10:22

Nẽrba wuu wʋn sise ya mam yʋ'ʋrɛ la ĩyã. La sɛka n ze'ele kãŋkãŋɛ ka paagɛ ba'asgɔ, a wʋn yẽ fãarɛ.

Amatie 16:18

Mam yetɩ fʋ tɩ fʋ de la Apɩyɛɛrɩ, a võorɛ de la tãmpĩa, la tãmpĩ-ẽna zuo tɩ mam wʋn vigle m nẽrba lagsgɔ zẽ'a. La kũm pãŋa kãn tã'agɛ ẽ.

Amatie 24:13

La nẽr-sɛka n wʋn mõrgɛ ze'ele kãŋkãŋɛ ka paagɛ ba'asgɔ wʋn yẽ fãarɛ.

Aromduma 11:22

Bɩsɛ Nawẽnnɛ n ɩtɩ sõŋa se'em, dee tɔɩ se'em. A tɔɩ mɛ la sɛba n ka sakrɩ ẽ na, dee ɩta fʋ sõŋa, fʋ sãn ken bɔna a sõŋa la pʋam. Sãn dagna bɛla, a mẽ wʋn kʋ'ʋgɛ fʋ basɛ mɛ.

Aromduma 12:12

Ɩta-ya sũ-yẽlga yãma n tarɩ pʋtẽ'erɛ gu'ura sɛla la ĩyã. Mã'agɛ-ya ya sũure toogo pʋam, mõrgɛ-ya sẽŋɛ nẽŋa la Nawẽnnɛ pʋ'ʋsgɔ wakatɛ wuu.

Aromduma 15:13

Nawẽnnɛ n botɩ tõma tara pʋtẽ'erɛ la ẽ na wʋn bɔ ya sũ-yẽlga, la sũ-mã'asʋm zozo'e, yãma n bɔ Krisi sɩra la ĩyã, tɩ a Sɩa pãŋa wʋn botɩ yan tara pʋtẽ'erɛ a zẽ'am na zo'oge gãŋɛ.

Aromduma 5:2

Azezi-krisi n botɩ tɩ tãna wʋn kẽ Nawẽnnɛ zẽ'am yẽ a yel-sõnnɛ, tõma n bɔ ẽ sɩra la ĩyã. Yel-sõnnɛ ẽŋa tɩ tõma te'ege zɛ kãŋkãŋɛ, dee ɩta sũ-yẽlga tara pʋtẽ'erɛ gu'ura tɩ tɩ wʋn yẽ na'am pãŋa Nawẽnnɛ zẽ'am.

1 Korẽntɩ 3:16

Ya ka mi tɩ ya de la Nawẽnnɛ deego tɩ a Sɩa bɔna ya pʋam?

1 Korẽntɩ 6:19

Ya ka mi tɩ ya ĩyã la de la Nawẽnnɛ Sɩa deego? Nawẽnnɛ Sɩa la tɩ a bɔ ya la boe ya pʋam mɛ, ya ka soe ya mẽŋa.

2 Korẽntɩ 6:16

Bẽm lagŋɔ n boe Wẽnnaam deego, la baga tɩ ba mãalɛ tẽŋasʋka? La sãn dɛna tõma, tõma de la Nawẽnnɛ n vɔa la deego wʋ Nawẽnnɛ n yele yetɩ: «Mam wʋn bɔna la ba, kẽ'era la ba. Mam wʋn dɛna ba Nawẽnnɛ, tɩ ba dɛna mam nẽrba.»

Galatɩ 6:10

Bɛla, tɩn yẽ folle sɛka woo, tɩ tõm ẽŋɛ nẽrba wuu sõŋa, lan gãnnɩ wuu, tɩ ɩta sɛba n lagɩm na tõma bɔ Krisi sɩra la sõŋa.

Galatɩ 6:9

Bɛla, tɩ da targɛ-ya la tõon-sõma tõoma. Tɩ sãn ɩta dee ka basɛ, wakatɛ la sãn wa paagɛ, tɩ wʋn yẽ a yõorɔ.

Efɛɛzɩ 3:12

Tõma n bɔ Krisi sɩra lagɩm na ẽ dɛna ayɩla la, sore boe mɛ tɩ tõma tãna wʋn paagɛ Nawẽnnɛ zẽ'am tɩ dabeem ka tara tõma.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

1 Tesaloniki 5:16

Tara-ya sũ-yẽlga daarɛ woo.

2 Tesaloniki 2:16

Tõma pʋ'ʋsrɩ tɩ Zuudãana Azezi-krisi, la tɩ Sɔ Nawẽnnɛ n nõŋɛ tɔ dee ẽŋɛ tɩ yel-sõnnɛ bɔ tɔ bʋraanɛ n ka ba'asrɩ, dee botɩ tɩ tara pʋtẽ'erɛ gu'ura bõn-sõma sɛba tɩ tɩ sakɛ la.

1 Timoti 3:15

tɩ mam sãn yuuge, fʋ tã'agɛ bãŋɛ nẽra n wʋn ãna se'em Nawẽnnɛ nẽrba tẽŋasʋka, nẽr-sɛba n de vɔm dãana Nawẽnnɛ mẽŋa nẽrba n tarɩ Nawẽnnɛ sɩra wʋ zẽerɛ n sõŋrɩ deego se'em na.

Hiburuduma 1:2

La lɛɛlɛ wã n de ba'asgɔ wakatɛ la, Nawẽnnɛ botɩ a Dayʋa la n tɔgɛ bɔ tɔ. La doose la ẽŋa tɩ a nãam dũnia la saazuum wuu, la a botɩ ẽŋa n sɔna sɛla woo.

Hiburuduma 10:19

M sɔbiisi, tõma mi tɩ Azezi zɩɩm na ĩyã, tõma tarɩ nõorɛ mɛ tɩ tɩ kẽ Nawẽnnɛ zẽ'e-sõŋɔ mẽŋa mẽŋa la pʋam.

Hiburuduma 10:21

Tõma tarɩ la kãabgɔ kẽma nẽŋadãana n bɩsrɩ Nawẽnnɛ nẽrba yelle.

Hiburuduma 10:23

Tɩ pa'alɛ-ya tɩn tarɩ pʋtẽ'erɛ gu'ura sɛla la da basɛ, se'ere n soe la, Nawẽnnɛ de la sɩra dãana, a wʋn ẽŋɛ ẽŋa n bĩŋe a nõorɛ se'em na.

Hiburuduma 10:35

Bɛla, da basɛ-ya sũ-ke'eŋo sɛka tɩ ya tarɩ la, tɩ ya wʋn yẽ yɔɔrɔ zozo'e.

Hiburuduma 11:1

Bɔ sɩra de la fõn mi sɩra sɩra tɩ fõn tarɩ pʋtẽ'erɛ gu'ura sɛla la, fʋ wʋn yẽ, a botɩ fʋ mina la sɛla n ka yẽtɩ la nini.

Hiburuduma 3:14

Tõma sãn ze'ele kãŋkãŋɛ wʋ tõma n bɔ sɩra se'em pɔspɔsɩ la ka paagɛ ba'asgɔ, tɩ wʋn lagɩm na Krisi to'oge pʋrɛ.

Hiburuduma 4:11

Bɛla, tɩ wɩsgɛ tɩ mẽŋa yẽ vo'osgo ẽna, tɩ guuse tɩ nẽra baa ayɩla da doose sɩ'ɩsgɔ la sore koŋe ka kẽ.

Hiburuduma 4:14

Tõma tarɩ la kãabgɔ kẽma nẽŋadãana n de Nawẽnnɛ Dayʋa Azezi n zom saazuum Nawẽnnɛ yire. Bɛla, tɩ ze'ele-ya kãŋkãŋɛ Nawẽnnɛ sore la doosgo pʋam.

Hiburuduma 4:16

Bɛla, basɛ-ya tɩ tɩ lɛm Nawẽnnɛ n de yel-sõnnɛ dãana la na'am bĩmbĩnne na zẽ'am la bʋraanɛ, tɩ a zoe tɩ ninbãalga ẽŋɛ tɩ yel-sõnnɛ, dee sõŋɛ tɔ wakat-sɛka tɩ tɩ boorɩ.

Hiburuduma 6:11

Bɛla tõma n boorɩ se'em de la ya nẽra woo keŋe a mẽŋa bɛla, sẽnna nẽŋa ka paagɛ ba'asgɔ, yẽ bõn-sɛba tɩ a tarɩ pʋtẽ'erɛ gu'ura la.

Hiburuduma 6:18

Nawẽnnɛ n ka parnɩ na, n ẽŋɛ bõn-bãma bayi n ka viiri. Bɛla n bɔ'ɔrɩ tõma bʋraanɛ zozo'e, tõma sɛba n basɛ sɛla woo, dee tara pʋtẽ'erɛ gu'ura sɛla tɩ a yetɩ a ẽŋɛ bɔ tɔ la.

Hiburuduma 7:19

Se'ere n soe la, Amoyisi lɔɔ la ka tã'agɛ basɛ tɩ sɛla sɛla masɛ wʋ Nawẽnnɛ n boorɩ se'em na. La lɛɛlɛ wã, Nawẽnnɛ ẽŋɛ la so-paalɛ, tɩ tõma n tarɩ pʋtẽ'erɛ gu'ura sɛla n ãn sõŋɔ gãnna la basɛ tɩ tõma lɛnna Nawẽnnɛ.

1 Pita 1:8

Yãma nãn ka yẽ ẽ, dee nõŋɛ ẽ, ya nãn ka yẽtɩ ẽ, dee bɔ ẽ sɩra, bɛla tɩ ya ɩta sũ-yẽlga zozo'e n ka tã wʋn pa'alɛ.

1 Pita 2:5

Yãma mẽ vɔa mɛ. Basɛ-ya tɩ Nawẽnnɛ dɩkɛ ya tɩ ya ãna wʋ kuga mẽ deego tɩ a Sɩa bɔna mĩ, tɩ ya ãna wʋ kãabgɔ kẽma bɔna mĩ tõnna wʋ Nawẽnnɛ Sɩa n boorɩ se'em, tɩ la paara a yɛm, Azezi-krisi ĩyã.

1 Pita 4:17

Wakatɛ paagɛ mɛ tɩ Nawẽnnɛ wʋn di sarɩya, la a wʋn pɔsɛ la a mẽŋa nẽrba. La sãn dɛna tɩ a wʋn dẽŋɛ di la tõma sarɩya pɔspɔsɩ, sɛba n ka sakɛ Nawẽnnɛ kõ-yẽlga la ba'asgɔ wʋn ãna la wãne?

Lilegere 2:18

«Gʋlsɛ bɔ Tiyatiiri Wẽndeego nẽrba la gu'ura yetɩ: Nawẽnnɛ Dayʋa la nini n ãn wʋ bugwitum, tɩ a nãma yẽgra wʋ zũuro tɩ ba zuge bugum pʋam na n yele se'em n wãna:

Lilegere 2:25

La gʋrɛ-ya sɛla tɩ ya tarɩ la kãŋkãŋɛ halɩ tɩ mam wa wa'am.

Lilegere 2:26

Nẽr-sɛka n yãŋɛ ẽŋɛ mam n boorɩ se'em ka paagɛ ba'asgɔ, mam wʋn botɩ a sɔna so'olʋm buuri wuu.

Lilegere 3:11

Mam sẽm na lɛɛlɛ, gʋrɛ-ya sɛla tɩ ya tarɩ la kãŋkãŋɛ, tɩ nẽra da to'oge ya yɔɔrɔ.