Hiburuduma 3:1 - Farefare Ninkaré

¹ Bɛla m sɔbiisi, yãma tɩ Nawẽnnɛ wi tɩ ya welge to'ore dɛna a nẽrba la, bɩsra-ya Azezi, ẽŋa n de sɛka tɩ Nawẽnnɛ tõm, la ẽŋa n de tõma kãabgɔ kẽma nẽŋadãana Nawẽnnɛ sore doosgo la pʋam.

ZE'ELEGO PAALEGA

¹ Bala zuo n suurɔ, n tuulum nɛre tadaanduma Yinɛ saazuo yi'a wa puan wa, bihɛ ya suŋa suŋa Yezu en de tuntuna, gee dɛna malema kiima bo' tumam sakerɛ yelehum la wa la,

Hiburuduma 3:1 ပူးပေါင်းရင်းမြစ်များ

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Azã 20:21

Tɩ Azezi le yele ba yetɩ: «Sũ-mã'asʋm wʋn bɔna la ya. Mam mẽ tõnnɩ ya, wʋ mam Sɔ la n tõm mam se'em na.»

Azã 20:27

Dee yele Atoma yetɩ: «Dɩkɛ fʋ nu'ubiire kalʋm mam nu'usi la, dee tẽegɛ fʋ nu'ugo kalʋm mam lʋgrɛ la bɩsɛ. Da kãn sẽ'ena, bɔ sɩra.»

Tõoma 1:15

La daarɛ ayɩla, sɛba n bɔ Azezi sɩra la daan lagsɛ mɛ, ba kãllɛ daan de wʋ kɔbga la pisyi. Tɩ Apɩyɛɛrɩ isge ze'ele ba tẽŋasʋka yetɩ:

Aromduma 11:17

Ɩsrayɛlɩ dõma la ãn wʋ Oliivi tɩa tɩ ba sele, tɩ ba kʋ'ʋsɛ a wila basɛ. La fõn de bu-zãŋka la ãn wʋ Oliivi tɩa n boe weem wille tɩ ba kʋ'ʋgɛ, dɩkɛ toŋe la tɩa tɩ ba sele la wila. Fõn ãn wʋ wille la n to'orɩ sõŋrɛ tɩa tɩ ba sele la yẽga zẽ'am na.

Aromduma 15:27

La de la ba mẽŋa n looge yɛm, la, la de la ba ẽŋɛ bɛla. Zifdõma la n botɩ sɛba n dagɩ Zifdõma po lagɩm to'oge bõn-sõma tɩ Nawẽnnɛ Sɩa bɔ ba la. Bɛla, dẽnɩ tɩ ba mẽ sõŋɛ Zifdõma, la ban tarɩ sɛla.

Aromduma 15:8

Mam yetɩ ya mɛ tɩ Krisi lebge la Zifdõma tõntõnna, tɩ a ẽŋɛ Nawẽnnɛ n yʋʋn bĩŋe a nõorɛ la tɩ yaabdõma se'em na, pa'alɛ tɩ Nawẽnnɛ de la sɩra dãana.

Aromduma 9:24

La de la tõma sɛba tɩ a looge la, la dagɩ Zifdõma la mã'a, la po dɛna la sɛba n dagɩ Zifdõma la.

1 Korẽntɩ 1:2

bɔ'ɔra yãma sɛba n de Nawẽnnɛ nẽrba n boe Korẽntɩ la. Nawẽnnɛ wi yãma tɩ ya welge la to'ore dɛna a nẽrba Azezi-krisi ĩyã. Gõŋɔ la ken dɛna la sɛba wuu n boe zẽ'a woo pʋ'ʋsra Azezi-krisi n de bãma la tõma Zuudãana la ĩyã.

1 Korẽntɩ 10:17

Borborɩ la n de ayɩla la, tõma mẽ de la ĩyã ayɩla, baa tõma n zo'oge la. Se'ere n soe la, tɩ wuu lagɩm ɔbra la borbor-ẽŋa ayɩla.

1 Korẽntɩ 9:23

Nawẽnnɛ kõ-yẽlga la ĩyã tɩ mam ɩta bɛla wuu tɩ m wa po to'oge a pʋrɛ.

2 Korẽntɩ 1:7

Tõma tarɩ pʋtẽ'erɛ la yãma mɛ, mina sõŋa sõŋa tɩ yãma n po nãmsra la tõma la, yãma mẽ wʋn po yẽ bʋraanɛ la tõma.

2 Korẽntɩ 9:13

Ba sãn to'oge sõŋrɛ ẽŋa, ba wʋn pẽgɛ Nawẽnnɛ mɛ yãma n pa'alɛ tɩ yãma sakrɩ Krisi kõ-yẽlga la, la yãma n tarɩ yɛmleego, tara ya bõntarsõm pʋta la bãma, la Nawẽnnɛ nẽrba wuu la ĩyã.

Efɛɛzɩ 3:6

Yel-ẽŋa n sʋgɛ la de la kõ-yẽlga mõolgɔ n botɩ bu-zãŋsɩ wuu lagɩm na Zifdõma tara pʋrɛ, lagɩm taaba dɛna ayɩla, dee lagɩm tɔ'ɔra sɛla tɩ Nawẽnnɛ bĩŋe nõorɛ Azezi-krisi ĩyã.

Efɛɛzɩ 4:1

Mam n boe yʋ'a deem Zuudãana doosgo yelle la, mam sosrɩ ya tɩ ya dɔla sorɔɔgɔ la sõŋa, wʋ lan masɛ Nawẽnnɛ n wi ya tɩ ya ãna se'em na.

Efɛɛzɩ 4:4

Azezi nẽrba de la ĩyã ayɩla, tɩ Nawẽnnɛ Sɩa ayɩla mã'a bɔna, la Nawẽnnɛ n wi ya tɩ ya tara pʋtẽ'erɛ gu'ura bõn-sɛba la de la bõn-yẽnnɛ.

Filipi 3:14

Mam zotɩ wɛ'ɛsa la nẽŋa tɩ m paagɛ a tɛka to'oge bɔ'a la tɩ Nawẽnnɛ wi mam tɩ m to'oge a yire Azezi-krisi ĩyã la.

Kolɔsɩ 1:12

Pʋ'ʋsra-ya tɩ Sɔ Nawẽnnɛ a yel-sõnnɛ la sũ-yẽlga, ẽŋa n basɛ tɩ ya tãna wʋn po to'oge bõn-sõma tɩ a bĩŋe tɩ a bɔ a nẽrba a so'olʋm n de peelem pʋam na.

Kolɔsɩ 1:22

La lɛɛlɛ wã, Nawẽnnɛ naagɛ ya mɛ la ẽŋa, a Dayʋa n lebge nẽrsaala ki la ĩyã, tɩ a tarɩ ya sẽŋɛ ka ze'ele Nawẽnnɛ nẽŋam la pʋpeelem, tɩ ya ka tara yelle, tɩ dõrga kana.

Kolɔsɩ 3:12

Yãma de la nẽr-sɛba tɩ Nawẽnnɛ looge, a nõŋɛ ya mɛ, welge ya to'ore tɩ ya dɛna a nẽrba. Bɛla, zɔta-ya taaba ninbãalga, ɩta taaba sõŋa, sikra ya mẽŋa, dee tara sũ-bʋgsʋm, la sũ-mã'arɛ.

1 Tesaloniki 2:12

Tõma keŋe ya sũure mɛ, bɔ ya bʋraanɛ, pa'alɛ ya yetɩ ya dɔla so-sɛka n masɛ Nawẽnnɛ yɛm, ẽŋa n wi ya tɩ ya kẽ a so'olʋm pʋam po dita na'am.

1 Tesaloniki 5:27

Mam sosrɩ ya la Zuudãana yʋ'ʋrɛ tɩ ya karẽŋɛ gõŋɔ ẽna wã tɩ sɔbiisi la wuu wõm.

2 Tesaloniki 1:11

Bɛla ĩyã tɩ tõma pʋ'ʋsra Nawẽnnɛ wakatɛ wuu ya ĩyã, tɩ a basɛ tɩ ya ãna sõŋa masɛ wʋ ẽŋa n wi ya tɩ ya ãna se'em na. La a wʋn bɔ ya pãŋa tɩ ya ɩta bõn-sõma sɛba wuu tɩ ya boorɩ tɩ ya ẽŋɛ, dee basɛ tɩ yãma n bɔ sɩra tõnna tõon-sɛba la tõm ba'asɛ.

2 Tesaloniki 2:14

La de la bɛla ĩyã tɩ Nawẽnnɛ doose la tõma kõ-yẽlga la wi ya tɩ ya po yẽ tɩ Zuudãana Azezi-krisi na'am pãŋa la.

1 Timoti 6:12

Mõrgɛ mẽ mẽerɛ sõŋa Nawẽnnɛ sore doosgo la pʋam yẽ vɔm n ka ba'asrɩ, tɩ la de la bɛla ĩyã tɩ Nawẽnnɛ looge fo, tɩ fʋ daan tɔgɛ yetɔg-sõŋɔ yetɩ fõn bɔ Azezi sɩra nẽrba zozo'e nẽŋam na.

1 Timoti 6:2

La yam-sɛba zuudãandõma n bɔ Azezi sɩra la, la ka masɛ tɩ ba ka nanna ba yetɩ bãma de la sɔbiisi. La de la ba tõn malɩn tõnna bɔ'ɔra ba gãnna bɛla, se'ere n soe la, sɛba tɩ ya tõnnɩ bɔ'ɔra la, de la nẽrba n bɔ Azezi sɩra dee tɩ Nawẽnnɛ nõŋɛ ba. La de la bõn-bãna tɩ fʋ wʋn zãsʋm ba, dee kã'an ba tɩ ba ɩta.

2 Timoti 1:9

Ẽŋa n fãagɛ tɔ, wi to tɩ tɩ dɛna a nẽrba, la dagɩ tɩn tõm tõon-sõma ĩyã, la de la a mẽŋa n boorɩ se'em, la a yel-sõnnɛ tɩ a ẽŋɛ bɔ tɔ Azezi-krisi ĩyã, halɩ lan dẽŋɛ dũnia pĩ'iluŋo.

2 Timoti 2:7

Wõm mam n yele se'em na võorɛ, tɩ Zuudãana wʋn basɛ tɩ fʋ bãŋɛ sɛla woo võorɛ.

Hiburuduma 10:19

M sɔbiisi, tõma mi tɩ Azezi zɩɩm na ĩyã, tõma tarɩ nõorɛ mɛ tɩ tɩ kẽ Nawẽnnɛ zẽ'e-sõŋɔ mẽŋa mẽŋa la pʋam.

Hiburuduma 10:21

Tõma tarɩ la kãabgɔ kẽma nẽŋadãana n bɩsrɩ Nawẽnnɛ nẽrba yelle.

Hiburuduma 10:23

Tɩ pa'alɛ-ya tɩn tarɩ pʋtẽ'erɛ gu'ura sɛla la da basɛ, se'ere n soe la, Nawẽnnɛ de la sɩra dãana, a wʋn ẽŋɛ ẽŋa n bĩŋe a nõorɛ se'em na.

Hiburuduma 13:22

M sɔbiisi, mam sosrɩ ya tɩ ya sakɛ to'oge kã'aŋɔ yetɔg-bãna wã, tɩ mam n gʋlsɛ ya gõn-sɛka wã ka zo'oge.

Hiburuduma 2:11

Azezi n malgrɩ nẽrba tɩ ba dɛna pʋpeelem dõma, la sɛba tɩ a malgɛ tɩ ba dɛna pʋpeelem dõma la lagɩm tara la Sɔ ayɩla. Bɛla n soe tɩ a ka zɔta yãnnɛ tɩ a wi ba tɩ a sɔbiisi.

Hiburuduma 2:17

Bɛla n soe tɩ la daan masɛ tɩ a lebge nẽrsaala ãna wʋ a sɔbiisi la sɛla woo pʋam, tã'agɛ dɛna ba kãabgɔ kẽma nẽŋadãana n de ninbãal-zɔta, dee dɛna sɩra dãana Nawẽnnɛ tõoma pʋam. A ẽŋɛ la bɛla yese nẽrba tõon-be'ero, naagɛ ba la Nawẽnnɛ.

Hiburuduma 3:12

M sɔbiisi, guuse-ya ya mẽŋa tɩ ya nẽr-sɛka da tara pʋtẽ'e-be'ero n wʋn basɛ tɩ a ka bɔ Nawẽnnɛ sɩra, tɩ bõn-ẽŋa basɛ tɩ a welge la Nawẽnnɛ n de vɔm dãana la.

Hiburuduma 3:14

Tõma sãn ze'ele kãŋkãŋɛ wʋ tõma n bɔ sɩra se'em pɔspɔsɩ la ka paagɛ ba'asgɔ, tɩ wʋn lagɩm na Krisi to'oge pʋrɛ.

Hiburuduma 6:20

La de la zẽ'e-ẽŋa tɩ Azezi dẽŋɛ tõma kẽ, bɔna mĩ tõma ĩyã, dɛna kãabgɔ kẽma nẽŋadãana wakatɛ wuu ĩyã, wʋ Amelkisedɛkɩ n ãn se'em na.

Hiburuduma 7:26

La de la kãabgɔ kẽma nẽŋadãana n ãn wãna n masɛ tɩ tɩ tara: A de la pʋpeelem dãana, ka tara yelle, ka tara dõrga, a welge a mẽŋa mɛ la tõon-be'ero dõma, tɩ Nawẽnnɛ zẽkɛ ẽ sẽŋɛ saazuum-zuum.

Hiburuduma 7:28

Amoyisi lɔɔ la yʋʋn loorɩ la nẽrsaalba pãŋa n pɔ'ɔgɛ tɩ ba dɛna kãabgɔ kẽma nẽŋadõma. La Nawẽnnɛ n bĩŋe a nõorɛ dee pɔɩ bɛla poorʋm na, a looge la a Dayʋa n masɛ sɛla woo pʋam wakatɛ n ka ba'asrɩ ĩyã.

Hiburuduma 9:11

La Krisi n wa'am na, a de la kãabgɔ kẽma nẽŋadãana, ẽŋa n bɔ tõma bõn-sõma tɩ tɩ tarɩ wã, ẽŋa n kẽ zẽ'e-sõŋɔ n masɛ sɛla woo pʋam n gãnnɩ na, la dagɩ fuugo deego tɩ nẽrsaalba tĩ, a dagɩ dũnia wã bõnɔ.

Hiburuduma 9:15

La de la bɛla ĩyã tɩ Nawẽnnɛ bĩŋe nõor-paalga ẽŋa ĩyã. Ẽn ki la ĩyã, a yɔ fãagɛ nẽr-sɛba n tuuge pɔspɔsɩ nõorɛ bĩŋre la pʋam mɛ, tɩ Nawẽnnɛ n wi ba la, ba wʋn to'oge bõn-sõma tɩ a bĩŋe nõorɛ tɩ a bɔ a nẽrba la wakatɛ n ka ba'asrɩ ĩyã.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.

1 Pita 3:5

Kʋrʋm kʋrʋm, pɔg-sɛba n yʋʋn de Nawẽnnɛ nẽrba tara pʋtẽ'erɛ gu'ura sɛla Nawẽnnɛ zẽ'am na, sõŋa mẽ yʋʋn ãn na bɛla, sakra ba sɩrba.

1 Pita 5:1

Mam yetɩ m kã'an na sɛba n de Nawẽnnɛ nẽrba kẽma bɔna ya pʋam na. Mam mẽ de la kẽema, dee dɛna Krisi nãmsgɔ la kaset-dãana, la mam wʋn po yẽ a na'am pãŋa n wʋn wa puke la mɛ.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.

1 Zã 1:3

Sɛla tɩ tõma yẽ dee wõm na, tõma tɔgrɩ la ẽŋa bɔ'ɔra yãma, tɩ yãma wʋn lagɩm na tõma, mẽ naagɛ la tõma tara lagɩmtaarɛ la tɩ Sɔ Nawẽnnɛ, la a Dayʋa Azezi-krisi.

Azudi 1:1

Mam Azudi n de Azezi-krisi tõntõnna, la Azakɩ yɩbga la n gʋlsɛ gõŋɔ wã bɔ'ɔra yãma sɛba tɩ tɩ Sɔ Nawẽnnɛ wi tɩ ya dɛna a nẽrba, nõŋɛ ya, tɩ Azezi-krisi gu'ura ya la.

Lilegere 17:14

Ba wʋn zɛbɛ la Pebila la mɛ, la Pebila la wʋn zɛbɛ yãŋɛ ba mɛ, ẽŋa n de zuudãandõma Zuudãana, la na'adõma Naba la ĩyã. Pebila la, la nẽr-sɛba tɩ a wi, looge ba tɩ ba dɛna sɩra dõma la, n wʋn zɛbɛ yãŋɛ ba.»

Lilegere 18:20

«Sɛba n boe Nawẽnnɛ yire, ẽŋɛ-ya sũ-yẽlga sɛla n paagɛ ẽ na ĩyã. Yãma n welge to'ore dɛna Nawẽnnɛ nẽrba, a Tõntõnɩba, la a nõtɔ'ɔsrɩba, ẽŋɛ-ya sũ-yẽlga. Se'ere n soe la, Nawẽnnɛ di tẽŋa la sarɩya sã'am ẽ mɛ, be'em sɛka tɩ a ẽŋɛ ya la ĩyã.»