Hiburuduma 2:9 - Farefare Ninkaré

⁹ La tõma yẽ tɩ la de la Azezi tɩ Nawẽnnɛ sike tɩ a ka paagɛ malɛkadõma wakatɛ fẽfẽe, dee yãŋa nã'asɛ ẽ, bɔ ẽ na'am pãŋa la pẽka ẽn nãmsɛ ki la ĩyã. La de la Nawẽnnɛ yel-sõnnɛ ĩyã, tɩ a ki nẽrsaalba wuu ĩyã.

ZE'ELEGO PAALEGA

⁹ gee tu nyɛ Yezu, se'em ti saŋa fii wa, Yinɛ iŋɛ en ti a bɔna suŋereba la tiŋa, gee nananawa nyaa vuge suŋa la na'ahegɔ muŋa doohe a namehegɔ kum la zuo, ti Yinɛ zu'uhegɔ la zuo,Yezu wan lem kum bo' nɛra woo.

Hiburuduma 2:9 ပူးပေါင်းရင်းမြစ်များ

Amatie 16:28

Mam yetɩ ya la sɩra, tɩ nẽr-sɛba n ze kalam wã basɛba kãn ki, sãn dagna tɩ ba wa yẽ la Nẽrsaala Dayʋa la n sẽm, la a na'am.»

Amatie 6:28

La bẽm tɩ ya fabla futo yelle? Bɩsɛ-ya mõ-puuro n ãn sõŋa se'em, ba ka tõnnɩ, ba mẽ ka wʋgrɩ futo.

Amarkɩ 9:1

La a le yele ba yetɩ: «Mam yetɩ ya la sɩra, tɩ yãma nẽr-sɛba n boe kalam wã, basɛba kãn ki, sãn dagna tɩ ba wa yẽ la Nawẽnnɛ so'olʋm n sẽm na pãŋa.»

Aluki 9:27

Mam yetɩ ya la sɩra sɩra, tɩ yãma nẽr-sɛba n boe kalam wã basɛba kãn ki, sãn dagna tɩ ba wa yẽ la Nawẽnnɛ so'olʋm.»

Azã 1:29

Tɩ beere wiige, tɩ Azã yẽ Azezi n sẽm a zẽ'am. Tɩ a yetɩ: «Bɩsɛ-ya, ẽna n de Nawẽnnɛ Pebila n yesrɩ nẽrsaalba tõon-be'ero basra.

Azã 10:17

Mam Sɔ nõŋɛ mam mɛ, mam n dɩkɛ m vɔm bɔ'ɔra nẽrsaalba, dee wʋn le to'oge ẽ na ĩyã.

Azã 12:32

La ba sãn wa zẽkɛ mam saazuum, mam wʋn tarɩ nẽrba wuu wa'am mam zẽ'am.»

Azã 3:16

Nawẽnnɛ nõŋɛ nẽrsaalba mɛ halɩ, tɩ a tõm a Bi-yẽŋa dũnia zuo, tɩ nẽr-sɛka woo n bɔ ẽ sɩra kãn sã'am, la a wʋn yẽ vɔm n ka ba'asrɩ.

Azã 8:51

Mam yetɩ ya la sɩra sɩra, tɩ nẽra sãn sakɛ mam yetɔga, a kãn malɩn ki.»

Azã 8:52

Tɩ Zifdõma yele ẽ yetɩ: «Nãnannɛ wã tõma bãŋɛ mɛ tɩ kʋlkã'arga n sɩrɩ dolɩ fo. Abraham la Nawẽnnɛ nõtɔ'ɔsrɩba la ki mɛ. Tɩ fõn yetɩ, nẽra sãn sakɛ fõn yetɔga, a kãn malɩn ki.

Tõoma 2:33

Nawẽnnɛ yãŋa zẽkɛ ẽ mɛ ka zĩ'ire a zʋʋgɔ bɔba, tɩ a to'oge a Sɔ Nawẽnnɛ Sɩa la tɩ a yʋʋn bĩŋe nõorɛ tɩ a wʋn bɔ tõma wuu la. Bõn-ẽŋa n wãna tɩ ya yẽtɩ dee wõnna lɛɛlɛ wã.

Tõoma 3:13

La de la Nawẽnnɛ tɩ tɩ yaabdõma Abraham, la A'izakɩ, la Azakɔbɩ yʋʋn pʋ'ʋsrɩ la, n zẽkɛ a tõntõnna Azezi la yʋ'ʋrɛ. Ẽŋa tɩ ya daan yõkɛ sẽŋɛ ka ẽŋɛ sɛba n soe pãŋa la nu'usum, tɩ baa gɔmna Apilatɩ n daan boorɩ tɩ a basɛ ẽ na, ya daan zagsɛ mɛ a nẽŋam.

Aromduma 5:18

Bɛla, nẽra ayɩla tuure n botɩ Nawẽnnɛ dita nẽrba wuu sarɩya sɩbgra ba la, bɛla mẽ, nẽra ayɩla mã'a tõonɛ n masɛ la ĩyã n botɩ nẽrba wuu masɛ Nawẽnnɛ zẽ'am tara vɔm.

Aromduma 5:8

La Nawẽnnɛ pa'alɛ ẽŋa n nõŋɛ tõma zozo'e se'em mɛ, tɩ tõma n daan ken dɛna tõon-be'ero dõma la, tɩ Krisi ki tõma ĩyã.

Aromduma 8:3

Lɔɔ la ka tã wʋn fãagɛ nẽrsaalba basɛ, se'ere n soe la, nẽrsaalba ɩtɩ la ba mẽŋa n boorɩ se'em botɩ a ka tarɩ pãŋa. La sɛla tɩ lɔɔ la ka tã'agɛ ẽŋɛ la, Nawẽnnɛ ẽŋɛ mɛ. A tõm na a mẽŋa Dayʋa, tɩ a lebge nẽrsaala ãna wʋ nẽrsaalba n de tõon-be'ero dõma, tɩ a ki yese tõon-be'ero. A kũm na pʋam tɩ Nawẽnnɛ di tõon-be'ero sarɩya sã'am a pãŋa nẽrsaalba pʋam.

Aromduma 8:32

Nawẽnnɛ ka basɛ a mẽŋa Dayʋa la tɩ a põsɛ kũm. A basɛ mɛ tɩ ba kʋ ẽ tõma wuu ĩyã. A wʋn ẽŋɛ la wãne kãn bɔ tõma sɛla wuu la a Dayʋa la?

2 Korẽntɩ 5:15

A ki nẽrba wuu ĩyã tɩ nẽr-sɛba n vɔa la, da le vɔa ba mẽŋa n boorɩ se'em, ba vɔa wʋ sɛka n ki ba ĩyã dee vo'oge la n boorɩ se'em.

2 Korẽntɩ 5:21

Krisi ka tõm tõon-be'ero. La Nawẽnnɛ basɛ mɛ tɩ a lebge wʋ tõon-be'ero dãana tõma ĩyã, tɩ tõma wʋn lebge nẽrba n masɛ Nawẽnnɛ zẽ'am ẽŋa ĩyã.

Galatɩ 4:4

La wakat-sɛka tɩ Nawẽnnɛ looge la n paagɛ la, a tõm na a mẽŋa Dayʋa, tɩ pɔka dɔgɛ ẽ, tɩ a dɔla Zifdõma lɔɔ la,

1 Timoti 2:6

La de la ẽŋa n dɩkɛ a vɔm yɔ to'oge nẽrba wuu basɛ, bɛla de la kaseto n pa'alɛ tɩ Nawẽnnɛ n boorɩ tɩ a fãagɛ nẽrba wuu, a pa'alɛ bɛla la wakat-sɛka tɩ a looge la.

Hiburuduma 1:9

Fõn nõŋɛ la sɛla n masɛ, dee sisra be'em. Bɛla n soe tɩ fʋ Nawẽnnɛ welge fʋ to'ore, bɔ fɔ pẽka, la sũ-yẽlga gãnna basɛba wuu.»

Hiburuduma 10:5

Bɛla n soe tɩ Krisi n daan sẽm dũnia zuo la, a daan yele Nawẽnnɛ yetɩ: «Fõn ka boorɩ kãabgɔ, la bɔ'a, la fõn ẽŋɛ la ĩyã bɔ mam.

Hiburuduma 11:5

La de la A'enõkɩ n bɔ sɩra la ĩyã, tɩ Nawẽnnɛ yʋʋn zẽkɛ ẽ sẽŋɛ a yire, tɩ a ka ki, tɩ ba yʋʋn ka le yẽ ẽ, Nawẽnnɛ n zẽkɛ ẽ na ĩyã. Lan dẽŋɛ a zẽkrɛ la, la gʋlsɛ a yelle yetɩ, a paagɛ Nawẽnnɛ yɛm mɛ.

Hiburuduma 12:2

Tɩ bɩsra-ya Azezi, ẽŋa n botɩ tɩ bɔ sɩra, dee wʋn tarɩ tɩ paagɛ a ba'asgɔ zẽ'am. A wĩbe mɛ ki dɔ-puurŋa zuo ka zoe yãnnɛ, se'ere n soe la, a yẽ sũ-yẽlga sɛka n gu'uri ẽ na mɛ, la a yãŋa zĩ la Nawẽnnɛ na'am bĩmbĩnne zʋʋgɔ.

Hiburuduma 2:7

Fõn basɛ mɛ tɩ a ka paagɛ malɛkadõma wakatɛ fẽe mã'a, dee yãŋa nã'asɛ ẽ, bɔ ẽ na'am pãŋa la pẽka.

Hiburuduma 7:25

La de la bɛla tɩ a tãna wʋn fãagɛ sɛba wuu n doose la ẽŋa lɛnna Nawẽnnɛ zẽ'am na, wakatɛ wuu ĩyã. Se'ere n soe la, a vɔa mɛ wakatɛ wuu yõkra Nawẽnnɛ sɩa bɔ'ɔra ba.

Hiburuduma 8:3

Ba loorɩ kãabgɔ kẽma nẽŋadãana woo tɩ a bɔ'ɔra la Nawẽnnɛ bɔ'a, la a kãabra bɔ'ɔra ẽ. Bɛla tɩ la mẽ masɛ tɩ ẽŋa tara sɛla bɔ Nawẽnnɛ.

1 Pita 1:21

Krisi ĩyã tɩ ya bɔ Nawẽnnɛ sɩra, Nawẽnnɛ n vo'oge Krisi, bɔ ẽ na'am pãŋa, bɛla tɩ ya dɩkɛ ya bɔ sɩra, la yan tara pʋtẽ'erɛ gu'ura sɛla la te'ege Nawẽnnɛ.

1 Zã 2:2

La de la ẽŋa n dɩkɛ a mẽŋa bɔ tɩ la dɛna kãabgɔ, tɩ Nawẽnnɛ basɛ tõma tõon-be'ero taalɛ. La, la dagɩ tõma mã'a tõon-be'ero taalɛ, la de la dũnia nẽrba wuu tõon-be'ero taalɛ.

Lilegere 19:12

A nini ãn wʋ bugwitum na, dee vuge mũnsi zozo'e a zuum. A tarɩ la yʋ'ʋrɛ n gʋlsɛ tɩ nẽra ka mina ẽ, sãn dagna a mẽŋa mã'a.

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.