Hiburuduma 13:9 - Farefare Ninkaré

⁹ Da basɛ-ya tɩ zãsŋɔ sãasɩ buuri to'oto'ore botɩ ya tuuge. Sɛla n ãn sõŋa de la tɩ basɛ tɩ Nawẽnnɛ yel-sõnnɛ bɔ'a la keŋe tɩ sũure, la, la da dɛna ɩrgɔ sɔa n de dia yelle, sɛba n dolɩ ɩrgɔ bãma la ka yẽ yõorɔ.

ZE'ELEGO PAALEGA

⁹ Da bahɛ ya ti pa'ali yooro yima yima ziira ya kaara zi'an woo, se'ere en sɔi la, la ani suŋa ti zu'uhegɔ kpemehe suure la, nyana dia kihega yɛla, yele sɛ'a en ka suŋɛ sɛba en dole a la.

Hiburuduma 13:9 ပူးပေါင်းရင်းမြစ်များ

Amatie 24:24

Nẽrba wʋn wa'am wa parɩm tɩ bãma n de Krisi, la nẽrba wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõnna tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge.

Amatie 24:4

Tɩ a yele ba yetɩ: «Guuse ya mẽŋa tɩ nẽra da pã'asɛ ya tɩ ya tuuge.

Aluki 5:38

La masɛ tɩ ba dɩkɛ dã-paalga sũm na wɔ-paalsɩ pʋam.

Tõoma 20:30

La nẽrba basɛba wʋn wa isge ya pʋam tɔgra põmpɔrŋɔ yetɔga, pã'asɛ karẽnbiisi la tɩ ba doose ba.

Tõoma 20:32

La lɛɛlɛ wã, mam dɩkɛ ya ẽŋɛ la Nawẽnnɛ nu'usum, la a yel-sõnnɛ yetɔga la pʋam. Ẽŋa n tã wʋn sõŋɛ ya tɩ ya yẽ pãŋa pa'asɛ, dee wʋn botɩ ya po lagɩm to'oge bõn-sõma tɩ a bĩŋe tɩ a bɔ a nẽrba la.

Aromduma 14:17

Bẽm ĩyã, Nawẽnnɛ so'olʋm na dagɩ dia, la bõn-yũula yelle, la de la sɛla n masɛ, la sũ-mã'asʋm, la sũ-yẽlga tɩ Nawẽnnɛ Sɩa bɔ'ɔrɩ.

Aromduma 14:2

Nẽr-sɛka tẽ'esɛ mɛ tɩ ẽŋa tã wʋn di sɛla woo mɛ, tɩ sɛka pãŋa n pɔ'ɔrɩ la dita bõnkɔɔla la zẽerɔ mã'a.

Aromduma 14:6

Nẽr-sɛka n tẽ'esrɩ dabsa n ãn sõŋa yelle la, ɩtɩ bɛla nã'asra la Zuudãana. La nẽr-sɛka n diti sɛla woo la, mẽ bɔ'ɔrɩ la Zuudãana nã'asgɔ, ẽn pʋ'ʋsrɩ Nawẽnnɛ a yel-sõnnɛ dia la ĩyã la. La sɛka n ka diti dia basɛba la, ɩtɩ bɛla mẽ bɔ'ɔra la Zuudãana nã'asgɔ, ẽŋa mẽ pʋ'ʋsrɩ la Nawẽnnɛ a yel-sõnnɛ.

1 Korẽntɩ 6:13

Yãma yetɩ, dia boe la pʋʋrɛ ĩyã, tɩ pʋʋrɛ mẽ bɔna dia ĩyã. La de la sɩra, la Nawẽnnɛ wʋn sã'am bãma bayi la wuu mɛ. La nẽrsaala ĩyã ka boe yalsɩ ĩyã, a boe la Zuudãana ĩyã. Tɩ Zuudãana mẽ sɔna ĩyã la.

1 Korẽntɩ 8:8

La dagɩ dia n wʋn botɩ tɩ lɛm Nawẽnnɛ. Tɩ sãn ka di, sɛla ka pɔ'ɔrɩ tɔ, la tɩ sãn di, a ka pa'asrɩ tɩ sɛla.

2 Korẽntɩ 1:21

La de la Nawẽnnɛ mẽŋa n botɩ tõma la yãma lagɩm zɛ kãŋkãŋɛ Krisi doosgo pʋam, la ẽŋa n looge to, welge tɩ to'ore.

Galatɩ 6:1

M sɔbiisi, ya sãn yẽ nẽra tɩ a tõnnɩ tõon-be'ero, yãma sɛba tɩ Nawẽnnɛ Sɩa boe la ya lɛ la, pa'alɛ-ya ẽ la sũ-bʋgsʋm tarɩ ẽ leme so-sõŋɔ la zuo. La guuse fʋ mẽŋa, tɩ fʋ mẽ da po tõm a tõon-be'ero la.

Efɛɛzɩ 4:14

Bɛla tɩ kãn le ãna wʋ kɔma tɩ nẽrba zãsnɩ zãsŋɔ buuri to'oto'ore pã'asra ba, ɩta yɛm tɩ ba botɩ ba tuuge, wʋ kʋsebgo, la ko-mĩ'isi n wẽ'erɩ õorŋɔ tɩ a yɛgna se'em na.

Efɛɛzɩ 5:6

Da basɛ-ya tɩ nẽra pã'asɛ ya la yetɔg-yooro, tɩ la de la bõn-bãma n isgri Nawẽnnɛ sũure tɩ a sɩbgra sɛba n zagsɛ a nõorɛ la.

Kolɔsɩ 2:4

Mam yele ya wãna tɩ nẽra n da wa tɔgɛ nõ-yẽlʋm yetɔga pã'asɛ ya.

2 Tesaloniki 2:17

A wʋn keŋe ya sũure, dee bɔ ya pãŋa tɩ ya ẽŋɛ sɛla wuu n ãn sõŋa, la ya tɔgɛ sɛla n ãn sõŋa.

2 Tesaloniki 2:2

tɩ ya da basɛ tɩ ya yɛm yɔɔra tɩ dabeem tara ya, ya sãn wõm tɩ nẽrba yetɩ Zuudãana la lemŋo daarɛ paagɛ mɛ. Baa nẽra sãn yele ya yetɩ la de la Nawẽnnɛ Sɩa n pa'alɛ ẽŋa, bɩɩ a sãn yetɩ tõma n tɔgɛ, bɩɩ a sãn yetɩ tõma n gʋlsɛ gõŋɔ, da kãn sakɛ-ya.

1 Timoti 6:20

Fõn Atimõtɩ, bɩsra sɛla tɩ Nawẽnnɛ dɩkɛ gu'ule fo la, mõrgɛ zãagɛ fʋ mẽŋa la yetɔg-yooro n ka dolɩ Nawẽnnɛ sore, zãagɛ fʋ mẽŋa la nõke'ene wẽ'a tɩ nẽrba tẽ'esrɩ tɩ la de la bãŋrɛ dee tɩ la dagna bɛla la.

1 Zã 4:1

M sɩr-nõŋrɩsɩ, da bɔ-ya nẽr-sɛba wuu n yetɩ bãma tarɩ la Nawẽnnɛ Sɩa la sɩra, magɛ-ya ba bɩsɛ la sãn dɛna Nawẽnnɛ Sɩa. Se'ere n soe la, põmpɔrŋɔ nõtɔ'ɔsrɩba zozo'e n boe dũnia wã zuo.

Azudi 1:12

Ba sãn lagɩm na ya dita nõŋlʋm dia, la de la yãnnɛ bɔ ya. Ba ka zotɩ yãnnɛ, ba kɔ'ɔn dita mɛ ɩta sũ-yẽlga ba mẽŋa ĩyã. Ba ãn wʋ sawara n ka tarɩ ko'om tɩ kʋsebgo pe'erɩ, ba ãn wʋ tɩɩsɩ n ka tarɩ biɛ ba wɔŋa wakatɛ, tɩ ba võ, basɛ tɩ ba võorɔ, la ba yẽga wuu kʋɩ.

Azudi 1:3

M sɩr-nõŋrɩsɩ, mam daan boorɩ mɛ tɩ m gʋlsɛ ya la m sũure wuu tɔgɛ fãarɛ la tɩ tɩ wuu lagɩm yẽ la yelle. Mam bɩsɛ mɛ tɩ la de la pẽrgrɛ tɩ mam gʋlsɛ kã'an ya, tɩ ya mõrgɛ zɛbɛ ze'ele kãŋkãŋɛ yetɔga la tɩ ya bɔ sɩra la pʋam. Nawẽnnɛ dɩkɛ yetɔg-bãma bɔ a nẽrba la nõorɛ ayɩla mã'a wakatɛ wuu ĩyã.