Hiburuduma 13:4 - Farefare Ninkaré

⁴ Basɛ-ya tɩ pɔgdire tara nã'asgɔ, dee da basɛ tɩ dẽgrɔ tõoma bɔna mĩ, se'ere n soe la, Nawẽnnɛ wʋn di nẽr-sɛba n ɩtɩ yalsɩ, la nẽr-sɛba n tũuli la sarɩya mɛ.

ZE'ELEGO PAALEGA

⁴ Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

Hiburuduma 13:4 ပူးပေါင်းရင်းမြစ်များ

1 Korẽntɩ 6:18

Zoe-ya yalsɩ. Tõon-be'e-sɛba wuu tɩ nẽrsaala ɩtɩ la ka boe a ĩyã pʋam. La tõon-be'e-sɛka n de yalsɩ la boe la nẽrsaala ĩyã pʋam.

1 Korẽntɩ 6:9

Yãma ka mi tɩ tõon-be'ero dõma kãn yẽ zẽ'a Nawẽnnɛ so'olʋm pʋam? Da pã'asɛ ya mẽŋa. Nẽr-sɛba n ɩtɩ yalsɩ, bɩɩ sɛba n kãabrɩ baga, bɩɩ sɛba n gã la taaba pɔgba la taaba sɩrba, bɩɩ bʋra-sɛba n gã la taaba,

1 Korẽntɩ 7:38

Bɛla, nẽr-sɛka n di pɔga, a ẽŋɛ sõŋa. La nẽr-sɛka n mẽ ka di pɔga, a ẽŋɛ sõŋa gãnna.

1 Korẽntɩ 9:5

Tõma ka tarɩ sore wʋn di pɔgba n dolɩ Nawẽnnɛ sore tɩ ba dɔla tɩ ɛɛra wʋ tɩ Tõntõn-taaba, la Zuudãana yɩbsɩ, la Apɩyɛɛrɩ n ɩtɩ se'em na bɩɩ?

2 Korẽntɩ 5:10

Se'ere n soe la, tõma wuu wʋn ze'ele la Krisi nẽŋam tɩ a di tõma sarɩya, dee bɔ nẽra woo yɔɔrɔ tɩ la masɛ wʋ ẽn tõm se'em dũnia wã, a sãn tõm sõŋa, bɩɩ a sãn tõm be'em.

Galatɩ 5:19

Nẽrsaala mẽŋa yɛmleego n boorɩ se'em na de la vẽelga vẽelga. La de la yalsɩ, la tõon-dẽgrɔ, la tõon-yooro,

Galatɩ 5:21

La nõŋɛ bõnɔ, la dãam buka, la pʋyã'an-yooro, la bõnɔ basɛba n wõn na bõn-bãma. Mam dẽŋɛ kã'ana ya mɛ, wʋ mam n daan põn yele ya se'em na, tɩ nẽr-sɛka woo n ɩtɩ bõn-bãma kãn yẽ zẽ'am Nawẽnnɛ so'olʋm pʋam.

Efɛɛzɩ 5:5

Bãŋɛ-ya sõŋa, tɩ nẽra n ɩtɩ yalsɩ, bɩɩ tõon-dẽgrɔ dãana, bɩɩ nẽr-sɛka n nõŋɛ bõnɔ zozo'e kãn yẽ sɛla sɛla Krisi, la Nawẽnnɛ so'olʋm na pʋam. La sɛka n nõŋɛ bõnɔ zozo'e ãn wʋ nẽra n kãabrɩ baga dee basɛ Nawẽnnɛ pʋ'ʋsgɔ la.

1 Tesaloniki 4:6

Yel-ẽna pʋam, nẽra da kãn tõm a tadãana sɛla n ka ãn sõŋa, bɩɩ fã sɛla n de a bõnɔ. Tɩ daan põn dẽŋɛ yele ya, dee kã'an ya mɛ, tɩ Zuudãana wʋn sɩbgɛ sɛba n tõnnɩ tõon-be'ero bãma mɛ.

1 Timoti 3:12

Dẽnɩ tɩ yel-bɩsra dɛna pɔg-yẽŋa dãana, dee tãna bɩsra a kɔma, la a yir-dõma yelle sõŋa.

1 Timoti 3:2

La dẽnɩ tɩ nẽŋadãana dɛna nẽra n ka tarɩ dõrga, la a dɛna pɔg-yẽŋa dãana, la a dɛna nẽra n tarɩ a mẽŋa sõŋa, dee tara pʋtẽ'e-sõŋɔ, a dɛna nẽra tɩ ba nannɩ, la a dɛna nẽra n ɩtɩ nẽrba sãanɔ, dee tãna wʋn zãsʋm nẽrba.

1 Timoti 3:4

A dɛna nẽra n bɩsrɩ a yir-dõma yelle sõŋa, tɩ a kɔma sakra a yetɔga, nã'asra ẽ sɛla woo pʋam.

1 Timoti 4:3

Nẽr-bãma zãsnɩ nẽrba yetɩ, pɔgsɩ da ɛlla sɩrba, tɩ bʋraasɩ mẽ da dita pɔgba, la ba sisra dia basɛba da dita. La de la põmpɔrŋɔ, Nawẽnnɛ nãam bõn-bãma tɩ nẽr-sɛba n sakɛ ẽŋa mina sɩra la pʋ'ʋsra ẽ a yel-sõnnɛ dee dita ba.

1 Timoti 5:14

Bɛla, mam boorɩ tɩ pɔkõ-sɛba n ka kʋrgɛ la le ele dɔgɛ kɔma, bɩsra ba yir-dõma yelle, da basɛ tɩ bɛ'ɛba yẽ folle tɔgɛ tɩ be'em.

Taitusi 1:6

Kẽema masɛ tɩ a dɛna la nẽra n ka tarɩ dõrga, la a dɛna pɔg-yẽŋa dãana, tɩ a kɔma bɔ Azezi-krisi sɩra, ka ɩta yooryooro, dee nanna nẽrba.

Hiburuduma 12:16

Da basɛ-ya tɩ ya nẽra nẽra ɩta yalsɩ, bɩɩ nẽra n pɔ'ɔrɩ sɛla n de Nawẽnnɛ bõnɔ, wʋ A'eso n yʋʋn dɩkɛ a kẽnnɔ bõnɔ teege dia laaga ayɩla la.

Lilegere 22:15

La nẽr-sɛba n tõnnɩ tõon-dẽgrɔ, la sɛba n tõnnɩ tɩɩm tõoma, la sɛba n tõnnɩ yalsɩ tõoma, la nẽr-kʋʋrba, la sɛba n nã'asrɩ bõndõma tɩ ba mãalɛ, la nẽr-sɛba wuu n nõŋɛ põmpɔrŋɔ dee parna la, wʋn weege la yẽŋa, ba kãn kẽ tẽŋa la pʋam.