Hiburuduma 10:1 - Farefare Ninkaré

¹ Amoyisi lɔɔ la yɛla yʋʋn mãmsrɩ la bõn-sõma n sẽm na mã'a, ba ka de sɛla n de sɩra la mẽŋa mẽŋa. A botɩ nẽrba kãabra la kãabgɔ bãma mẽŋa yʋʋnɛ woo bɔ'ɔra Nawẽnnɛ ka ba'asra. La a ka tã wʋn botɩ nẽr-sɛba n kãabrɩ bɛla la lɛm Nawẽnnɛ masɛ sɛla woo pʋam.

ZE'ELEGO PAALEGA

¹ Bala, ze'elego la en yeen dɛna yinyiligo bo' yelesuma la en kini na la, gee dagi yelesuma la yelemɛŋerɛ naanɛ n bala la, kaabegɔ yiŋɔ la en kaaberi yuunɛ woo kan ta'am bahɛ ti sɛba en dole ku la dɛna nɛreba en bi'ɛ kahegɛ.

Hiburuduma 10:1 ပူးပေါင်းရင်းမြစ်များ

Aromduma 8:3

Lɔɔ la ka tã wʋn fãagɛ nẽrsaalba basɛ, se'ere n soe la, nẽrsaalba ɩtɩ la ba mẽŋa n boorɩ se'em botɩ a ka tarɩ pãŋa. La sɛla tɩ lɔɔ la ka tã'agɛ ẽŋɛ la, Nawẽnnɛ ẽŋɛ mɛ. A tõm na a mẽŋa Dayʋa, tɩ a lebge nẽrsaala ãna wʋ nẽrsaalba n de tõon-be'ero dõma, tɩ a ki yese tõon-be'ero. A kũm na pʋam tɩ Nawẽnnɛ di tõon-be'ero sarɩya sã'am a pãŋa nẽrsaalba pʋam.

Kolɔsɩ 2:17

Bõn-bãma de la sɛla n sẽm na mãmsgɔ mã'a, la sɛla la mẽŋa de la Krisi.

Hiburuduma 10:22

Bɛla ĩyã, basɛ-ya tɩ tɩ lɛm Nawẽnnɛ zẽ'am la pʋpeelem, la sũure n bɔ sɩra zõnzõnnɔ, la sũure n peege tɩ tɩ mina tɩ tõon-be'ero ka le bɔna, la ĩyã n peege la ko-sõma.

Hiburuduma 7:11

Lɔɔ la tɩ Nawẽnnɛ yʋʋn bɔ a nẽrba la ẽebɛ la Leviti dõma kãabgɔ tõoma la zuo. Leviti dõma kãabgɔ tõoma la yʋʋn ka tã wʋn basɛ tɩ sɛla woo masɛ ãna wʋ Nawẽnnɛ n boorɩ se'em na. A sãn tã nɩ, la ka le de nɩ tɩ kãabgɔ kẽema buuri ayẽma wa'am wʋ Amelkisedɛkɩ la dagna Aarõ buuri.

Hiburuduma 8:5

Bãma n tõnnɩ tõon-sɛka la de la sɛla n ɩtɩ Nawẽnnɛ yire la wõnnɛ, la a mãmsgɔ. La ãn wʋ Amoyisi n yʋʋn yetɩ a tĩ zẽ'e-sɛka tɩ ba pʋ'ʋsra Nawẽnnɛ na, Nawẽnnɛ yʋʋn yele ẽ yetɩ: «Bɩsɛ sõŋa sõŋa tɩ fʋ wʋn tĩ ẽ tɩ a ãna wʋ mam n pa'alɛ fʋ tãŋa zuo se'em na.»

Hiburuduma 9:11

La Krisi n wa'am na, a de la kãabgɔ kẽma nẽŋadãana, ẽŋa n bɔ tõma bõn-sõma tɩ tɩ tarɩ wã, ẽŋa n kẽ zẽ'e-sõŋɔ n masɛ sɛla woo pʋam n gãnnɩ na, la dagɩ fuugo deego tɩ nẽrsaalba tĩ, a dagɩ dũnia wã bõnɔ.

Hiburuduma 9:23

Lan yʋʋn masɛ tɩ ba dɩkɛ dũnsi zɩɩm malgɛ bõn-sɛba n mãmsrɩ sɛla n boe Nawẽnnɛ yire la, tɩ ba le ãna sõŋa bɛla la, la sãn dɛna bõnɔ la mẽŋa n boe Nawẽnnɛ yire la, dẽnɩ tɩ la dɛna kãabgɔ n ãn sõŋa gãnna bɛla.

Hiburuduma 9:25

Krisi ka kẽ nõorɛ faa wʋ kãabgɔ kẽma nẽŋadãana la n kẽ'erɩ zẽ'e-sõŋɔ la yʋʋnɛ woo la zɩɩm n dagɩ a mẽŋa zɩɩm na, a kẽ la nõorɛ ayɩla mã'a dɩkɛ a mẽŋa kãabɛ bɔ Nawẽnnɛ.