Galatɩ 4:9 - Farefare Ninkaré

⁹ La nãnannɛ wã tɩ ya mi Nawẽnnɛ na, la, lan gãnnɩ, Nawẽnnɛ n mi ya la, la ẽŋɛ la wãne tɩ yãma le dɔla bõn-yooro n ka tarɩ pãŋa dee ka tara võorɛ poore, le bɔɔra tɩ ya dɛna ba yamsɩ?

ZE'ELEGO PAALEGA

⁹ Gee Nananawa, ti ya nyaa wa'am na baŋɛ Yinɛ la, bii n yeti, Yinɛ n baŋɛ ya la, ŋwani ti yamam wan le ŋmɛregɛ dɔla tɔregɔ la, nɔŋɔ sɛɛhi se'ehi en sɔi timpaberɛ wa zuo wa? Ŋwani ti ya le bɔta ti ya dɛna da'aba bo' ba le yɛ'ɛha?

Galatɩ 4:9 ပူးပေါင်းရင်းမြစ်များ

Amatie 11:27

«Mam Sɔ dɩkɛ sɛla woo ẽŋɛ la mam nu'usum. La nẽra ka mi mam n de Nawẽnnɛ Dayʋa la n de sɛka, sãn dagna mam Sɔ la, la nẽra mẽ ka mi mam Sɔ la n de se'em, sãn dagna mam n de a Dayʋa la, la sɛba tɩ mam wʋn botɩ ba bãŋɛ ẽ na.»

Aluki 5:38

La masɛ tɩ ba dɩkɛ dã-paalga sũm na wɔ-paalsɩ pʋam.

Azã 10:14

Mam n de dũnsĩin-sõŋɔ la, la mam mi m piisi la mɛ, tɩ ba mẽ mina mam,

Azã 10:27

Mam piisi la wõnnɩ mam kõa mɛ, mam mi ba mɛ, la ba dolɩ mam mɛ.

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Aromduma 8:29

Nẽr-sɛba tɩ Nawẽnnɛ põn dẽŋɛ looge la, a põn dẽŋɛ looge la yɛm tɩ ẽŋa wʋn botɩ ba ãna wʋ a Dayʋa la, tɩ a Dayʋa la wʋn dɛna kẽema a sɔbiisi zozo'e zẽ'am.

Aromduma 8:3

Lɔɔ la ka tã wʋn fãagɛ nẽrsaalba basɛ, se'ere n soe la, nẽrsaalba ɩtɩ la ba mẽŋa n boorɩ se'em botɩ a ka tarɩ pãŋa. La sɛla tɩ lɔɔ la ka tã'agɛ ẽŋɛ la, Nawẽnnɛ ẽŋɛ mɛ. A tõm na a mẽŋa Dayʋa, tɩ a lebge nẽrsaala ãna wʋ nẽrsaalba n de tõon-be'ero dõma, tɩ a ki yese tõon-be'ero. A kũm na pʋam tɩ Nawẽnnɛ di tõon-be'ero sarɩya sã'am a pãŋa nẽrsaalba pʋam.

1 Korẽntɩ 13:12

Tõma n mi sɛla lɛɛlɛ wã, ãn wʋ tõma bɩsrɩ la bɩsga n ka yẽtɩ sõŋa pʋam. La wakat-ẽŋa tɩ wʋn yẽ sɛla woo sõŋa. Mam n mi sɛla la, nãn de la fẽe. La mam wʋn wa bãŋɛ ẽ sõŋa sõŋa wʋ Nawẽnnɛ n mi mam sõŋa se'em na.

1 Korẽntɩ 15:34

Basɛ-ya tẽ'esɛ yooro, dee da le tõnna tõon-be'ero. Mam yetɩ ya tɩ la de la yãnnɛ bɔ ya: Ya nẽrba basɛba ka mi Nawẽnnɛ.

1 Korẽntɩ 8:3

La nẽra sãn nõŋɛ Nawẽnnɛ, Nawẽnnɛ mi ẽ mɛ.

2 Korẽntɩ 11:20

Yãma sakrɩ mɛ tɩ ba kẽ'esra ya yamnɛ pʋam, sakɛ tɩ ba dita ya, fãara ya, ka nanna ya, sakɛ tɩ ba wẽ'era ya pɛgsɩ.

2 Korẽntɩ 4:6

Nawẽnnɛ n yʋʋn yetɩ: «Peelem nẽegɛ lika pʋam» na, la de la ẽŋa n botɩ peelem nẽegɛ tõma sũa pʋam, botɩ tõma bãŋɛ Nawẽnnɛ na'am pãŋa n nẽegɛ Krisi nẽŋa zuo.

Galatɩ 3:3

Yãma yɛm na pɔ'ɔgɛ paagɛ la wãna? Yãma n pɔsɛ lebge Nawẽnnɛ nẽrba la a Sɩa pãŋa la, yãma yãŋa boorɩ tɩ ya ba'asɛ la ya mẽŋa pãŋa?

Galatɩ 4:3

Tõma n mẽ daan ka bãŋɛ Nawẽnnɛ sɩra, ãna wʋ kɔma la, tõma daan de la dũnia wã yɛla yamsɩ.

Efɛɛzɩ 1:17

Mam sosrɩ la tɩ Zuudãana Azezi-krisi Sɔ n de Nawẽnnɛ n tarɩ na'am pãŋa la, tɩ a bɔ ya a yɛm Sɩa tɩ a vẽlgɛ ya yɛm, tɩ ya bãŋɛ ẽn ãn se'em.

2 Timoti 2:19

La baa bɛla, Nawẽnnɛ n looge sɛba la ken zɛ la kãŋkãŋɛ wʋ ẽbrɛ n tarɩ pãŋa la. Yetɔg-bãna n de dãalgɔ n pa'alɛ bɛla: «Zuudãana la mi sɛba n de a nẽrba mɛ», la «sɛba wuu n yetɩ bãma de la Nawẽnnɛ nẽrba la, dẽnɩ tɩ ba basɛ tõon-be'ero».

Hiburuduma 7:18

Bɛla tɩ kʋrʋm nõorɛ la n yele se'em na ka le tõnna, ẽn ka tarɩ pãŋa, dee ka tara yõorɔ la ĩyã.

2 Pita 2:20

Nẽr-sɛba n bãŋɛ Azezi-krisi n de tɩ Zuudãana, la tɩ Fãagra la, ba basɛ dũnia tõon-dẽgrɔ mɛ. Ba sãn le kẽ ba pʋam basɛ tɩ ba sɔna ba, ba poorʋm toogo la wʋn gãnna pɔspɔsɩ la.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.