Galatɩ 4:4 - Farefare Ninkaré

⁴ La wakat-sɛka tɩ Nawẽnnɛ looge la n paagɛ la, a tõm na a mẽŋa Dayʋa, tɩ pɔka dɔgɛ ẽ, tɩ a dɔla Zifdõma lɔɔ la,

ZE'ELEGO PAALEGA

⁴ Gee Yinɛ saŋa la en daa ta pirɛ paaɛ la, Yinɛ tum la a Dayua, ti pɔka dɔgɛ ka, dɔgɛ ka doohe ze'elego la,

Galatɩ 4:4 ပူးပေါင်းရင်းမြစ်များ

Aromduma 1:3

La de la Nawẽnnɛ Dayʋa n de tɩ Zuudãana Azezi-krisi la yelle. Ẽŋa n lebge nẽrsaala la, a de la naba Adavidi yɩɩŋa.

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Amarkɩ 1:15

«Wakatɛ paagɛ mɛ, Nawẽnnɛ so'olʋm lɛm mɛ. Teege-ya yɛm basɛ tõon-be'ero dee sakɛ kõ-yẽlga la.»

Azã 3:16

Nawẽnnɛ nõŋɛ nẽrsaalba mɛ halɩ, tɩ a tõm a Bi-yẽŋa dũnia zuo, tɩ nẽr-sɛka woo n bɔ ẽ sɩra kãn sã'am, la a wʋn yẽ vɔm n ka ba'asrɩ.

Amatie 1:23

«Bɩsɛ-ya, pugla n nãn ka mi bʋraaga wʋn yõkɛ pʋʋrɛ dɔgɛ budibla, tɩ ba wi'ira a yʋ'ʋrɛ tɩ A'emanuwɛlɩ.» A võorɛ de la Nawẽnnɛ boe la tɩ lɛ.

1 Zã 4:14

La tõma yẽ mɛ, tɩ tõma tɔgra yetɩ, Nawẽnnɛ n de Sɔ la tõm na a Dayʋa, tɩ a dɛna dũnia Fãagra.

Efɛɛzɩ 1:10

Wakatɛ la sãn wa paagɛ, Nawẽnnɛ wʋn ẽŋɛ ẽŋa n looge yɛm tɩ a ẽŋɛ se'em na mɛ, a wʋn lagsɛ sɛla wuu n boe saazuum, la dũnia zuo, tɩ ba sakɛ Zuudãana ayɩla n de Krisi.

Aluki 2:7

Tɩ a dɔgɛ a budib-kẽema, vile ẽ na fuugo gã'arɛ dũnsi yɔnnɔ daka pʋam. Se'ere n soe la, zẽ'a n ka boe sãama yire la pʋam tɩ ba wʋn gã'arɛ.

Aromduma 8:3

Lɔɔ la ka tã wʋn fãagɛ nẽrsaalba basɛ, se'ere n soe la, nẽrsaalba ɩtɩ la ba mẽŋa n boorɩ se'em botɩ a ka tarɩ pãŋa. La sɛla tɩ lɔɔ la ka tã'agɛ ẽŋɛ la, Nawẽnnɛ ẽŋɛ mɛ. A tõm na a mẽŋa Dayʋa, tɩ a lebge nẽrsaala ãna wʋ nẽrsaalba n de tõon-be'ero dõma, tɩ a ki yese tõon-be'ero. A kũm na pʋam tɩ Nawẽnnɛ di tõon-be'ero sarɩya sã'am a pãŋa nẽrsaalba pʋam.

Aluki 1:35

Tɩ malɛka la lerge ẽ yetɩ: «Nawẽnnɛ n gãnnɩ sɛla wuu Sɩa wʋn sige fʋ zuo, la Nawẽnnɛ pãŋa wʋn bɔna la fɔ, bɛla bia la tɩ fʋ wʋn dɔgɛ la wʋn welge la to'ore, ba wʋn wi'ira ẽ tɩ Nawẽnnɛ Dayʋa.

Azã 6:38

Se'ere n soe la, mam ka ze'ele Nawẽnnɛ yire sigum tɩ m ẽŋɛ mam n boorɩ se'em, mam sigum tɩ m tõm na sɛka n tõm mam na n boorɩ se'em.

Hiburuduma 2:14

Kɔma la tɩ a tɔgrɩ la n de nẽrsaalba tara ĩyã la zɩɩm na, bɛla tɩ Azezi mẽ lebge nẽrsaala wʋ bãma la ki, tɩ a kũm na sã'am Asũtãana n de sɛka n basɛ tɩ nẽrba kiira la pãŋa.

Azã 10:36

La mam tɩ Nawẽnnɛ looge tõm dũnia zuo wã, yãma yele mam tɩ m sã'anɩ la Nawẽnnɛ yʋ'ʋrɛ, mam n yele tɩ mam de la Nawẽnnɛ Dayʋa la ĩyã?

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

Aromduma 15:8

Mam yetɩ ya mɛ tɩ Krisi lebge la Zifdõma tõntõnna, tɩ a ẽŋɛ Nawẽnnɛ n yʋʋn bĩŋe a nõorɛ la tɩ yaabdõma se'em na, pa'alɛ tɩ Nawẽnnɛ de la sɩra dãana.

Tõoma 1:7

Tɩ Azezi lerge ba yetɩ: «La ka de ya bãŋɛ wakatɛ la dabs-sɛba tɩ mam Sɔ Nawẽnnɛ looge la a mẽŋa pãŋa.

Aluki 1:31

Fʋ wʋn yõkɛ la pʋʋrɛ dɔgɛ budibla, sɩ a yʋ'ʋrɛ tɩ Azezi.

Amatie 3:15

Tɩ Azezi lerge ẽ yetɩ: «Basɛ tɩ la ẽŋɛ bɛla lɛɛlɛ wã, tɩ la de la bɛla tɩ tɩ wʋn ẽŋɛ lan masɛ Nawẽnnɛ n boorɩ se'em na wuu.» Azezi n yele bɛla la, tɩ Azã sakɛ

1 Zã 4:2

Bõn-sɛka n wʋn basɛ tɩ ya bãŋɛ Sɩa sɛka n de Nawẽnnɛ Sɩa n wãna: Nẽr-sɛka woo n yetɩ Azezi-krisi n wa'am dũnia zuo, la a tarɩ la nẽrsaala ĩyã, ẽŋa n tarɩ Nawẽnnɛ Sɩa.

Hiburuduma 9:10

Ba de la dia, la bõn-yũula, la ko'om peere buuri to'oto'ore yelle mã'a. Ɩrgɔ bãma de la ĩyã yɛla n de dũnia wã bõnɔ n yʋʋn boe tɩ nẽrba dɔla, halɩ wa paagɛ wakat-sɛka tɩ Nawẽnnɛ malɩn malgɛ sɛla woo sõŋa.

Kolɔsɩ 2:14

Tõma daan sɩ'ɩsɛ la Nawẽnnɛ lɔɔ, tõm tõon-be'ero n pa'alɛ tɩ tõma masɛ la sɩbgrɛ. La ban ka Krisi kũm dɔ-puurŋa zuo la, Nawẽnnɛ basɛ yel-ẽŋa taalɛ mɛ, tɩ a ka le bɔna tõma zuo.

Aromduma 9:5

Ba buuri la ze'ele la tɩ sɔ-yaaba Abraham, la a yɩɩsɩ la pʋam. La Krisi n lebge nẽrsaala la, de la bãma buuri nẽra. Ẽŋa n de Nawẽnnɛ n gãnnɩ sɛla woo la n soe pẽka wakatɛ n ka tarɩ ba'asgɔ. Amina.

Azã 8:42

Tɩ Azezi yele ba yetɩ: «Nawẽnnɛ sãn de nɩ ya sɔ, ya wʋn nõŋɛ nɩ mam, se'ere n soe la, mam ze'ele la Nawẽnnɛ zẽ'am wa'am. Mam ka wa'am m mẽŋa, ẽŋa n tõm mam.

Amatie 5:17

«Da tẽ'esɛ-ya tɩ mam wa'am tɩ m sã'am na Nawẽnnɛ lɔɔ, bɩɩ a nõtɔ'ɔsrɩba yetɔga la. Mam ka wa'am tɩ m sã'am ba, mam wa'am tɩ m pa'alɛ la ba võorɛ ba'asɛ, dee ẽŋɛ ban yele se'em na.

Aromduma 5:6

Se'ere n soe la, tõma n daan ka tã wʋn looge yelle la, Nawẽnnɛ n looge yɛm wakat-sɛka la n paagɛ la, Krisi ki mɛ tõon-be'ero dõma ĩyã.

1 Timoti 2:6

La de la ẽŋa n dɩkɛ a vɔm yɔ to'oge nẽrba wuu basɛ, bɛla de la kaseto n pa'alɛ tɩ Nawẽnnɛ n boorɩ tɩ a fãagɛ nẽrba wuu, a pa'alɛ bɛla la wakat-sɛka tɩ a looge la.

Aluki 20:44

La Adavidi mẽŋa sãn wi ẽ yetɩ ‹Zuudãana›, la wʋn ẽŋɛ la wãne tɩ a dɛna Adavidi yɩɩŋa?»