Galatɩ 3:9 - Farefare Ninkaré

⁹ La de la bɛla, Abraham n yʋʋn bɔ Nawẽnnɛ sɩra yẽ yel-sõnnɛ na, nẽr-sɛba n mẽ bɔ Nawẽnnɛ sɩra wʋn lagɩm na Abraham yẽ yel-sõnnɛ.

ZE'ELEGO PAALEGA

⁹ Dina wa zuo, sɛba en nam la nyɛti sum mɛ la Aberaham se'em en daa nam la.

Galatɩ 3:9 ပူးပေါင်းရင်းမြစ်များ

Aromduma 4:16

Bɛla, la de la bɔ sɩra ĩyã, tɩ Nawẽnnɛ nõor-bĩŋre la wʋn dɛna yel-sõnnɛ bɔ'a n tarɩ yõorɔ bɔ Abraham yɩɩsɩ la wuu. La, la ka de a yɩɩsɩ sɛba n dolɩ lɔɔ la mã'a ĩyã, la de la nẽr-sɛba wuu n bɔ Nawẽnnɛ sɩra wʋ Abraham n yʋʋn bɔ sɩra se'em na. Abraham n de tɩ wuu sɔ-yaaba.

Galatɩ 3:29

Yãma n lagɩm na Krisi la, ya de la Abraham yɩɩsɩ, wʋn to'oge sɛla tɩ Nawẽnnɛ bĩŋe nõorɛ tɩ a bɔ la.

Aromduma 4:24

La po dɛna la tõma mẽ ĩyã. Tõma n bɔ Nawẽnnɛ n vo'oge tɩ Zuudãana Azezi sɩra la ĩyã, tɩ Nawẽnnɛ yetɩ tɩ masɛ ẽŋa zẽ'am.

Galatɩ 4:28

La sãn dɛna yãma, m sɔbiisi, yãma de la Nawẽnnɛ kɔma, ẽn bĩŋe a nõorɛ la ĩyã, wʋ A'izakɩ tɩ ba dɔgɛ Nawẽnnɛ n bĩŋe a nõorɛ ĩyã la.

Aromduma 4:11

Bɛla poorʋm tɩ Abraham yãŋa yʋʋn wã, tɩ la dɛna dãalgɔ pa'alɛ tɩ Nawẽnnɛ yetɩ a de la nẽra n masɛ ẽŋa zẽ'am, ẽn bɔ sɩra la ĩyã, wakatɛ sɛka tɩ a nãn ka wã la. Bɛla tɩ Abraham dɛna sɛba wuu n bɔ Nawẽnnɛ sɩra dee ka wã la sɔ-yaaba, tɩ Nawẽnnɛ yetɩ ba de la nẽrba n masɛ ẽŋa zẽ'am.

Galatɩ 3:14

Krisi ẽŋɛ bɛla tɩ yel-sõnnɛ na tɩ Nawẽnnɛ bĩŋe nõorɛ tɩ a bɔ Abraham na, mẽ wʋn dɛna bu-zãŋsɩ bõnɔ, bãma n lagɩm na Azezi-krisi dɛna ayɩla la ĩyã, dee tɩ tõma mẽ to'oge Nawẽnnɛ Sɩa la tɩ a bĩŋe nõorɛ tɩ a bɔ tɔ, tõma n bɔ ẽ sɩra la ĩyã.