Galatɩ 2:2 - Farefare Ninkaré

² Nawẽnnɛ n daan puke pa'alɛ mam, tɩ mam sẽŋɛ. Mam daan pa'alɛ ba la kõ-yẽlga tɩ mam mõolɛ bɔ bu-zãŋsɩ la. La de la Azezi nẽrba nẽŋadõma la mã'a tɩ mam tɔgɛ bɔ ba. Mam daan ka boorɩ tɩ tõon-sɛka tɩ mam daan tõm, dee ken tõnna wã, wa dɛna zãŋa.

ZE'ELEGO PAALEGA

² Mam kiŋɛ la dela n nyɛ la lilegere. Ti mam paaɛ dikɛ sɛla woo biŋe ba nɛŋan (la dela mam la nɛheduma sɛba ti ba loohe la ma'a) doohe faarɛ yelehum la ti mam muula bɔ'ɔra sɛba en ka pa'ahɛ Yuuduma puan la, ti n baŋɛ ti mam tuni sɛla la, gee pun tum sɛla la, kan bahɛ yoo.

Galatɩ 2:2 ပူးပေါင်းရင်းမြစ်များ

Amatie 10:16

Azezi le yetɩ: «Bɩsɛ-ya, mam tõm ya wʋ piisi saasaadõma tẽŋasʋka. Bɛla ĩyã, dɛna-ya yɛm dõma wʋ bõnsɛ'ɛdõma, la ya ãna wʋ na'adawɛma n ka tarɩ yelle se'em na.

Tõoma 15:12

Tɩ nẽr-kʋʋŋɔ la wuu ãna sĩm sɛlsra Abarnabasɩ la Apolɩ n tɔgrɩ pa'ala tõon-yãlma, la yel-kɩrsɩ sɛba tɩ Nawẽnnɛ ẽŋɛ la bãma bu-zãŋsɩ tẽŋasʋka la.

Tõoma 15:2

Tɩ Apolɩ la Abarnabasɩ daan ka sakɛ ban yele se'em na, daan tĩi wẽ'era nõke'ene la ba. Tɩ karẽnbiisi la kʋ nõ-yẽnnɛ yetɩ, Apolɩ la Abarnabasɩ, la bãma nẽrba basɛba sẽŋɛ Tõntõnɩba la, la kẽma n boe Zerizalɛm na zẽ'am nõke'ene ẽŋa yelle.

Tõoma 15:4

La ban paagɛ Zerizalɛm na, Azezi Tõntõnɩba la, la Azezi nẽrba, la ba kẽma la wuu to'oge ba mɛ sõŋa sõŋa. Tɩ ba tɔgɛ pa'alɛ Nawẽnnɛ n ẽŋɛ se'em wuu la bãma.

Tõoma 18:9

Tɩ daarɛ ayɩla yʋ'ʋŋɔ, tɩ Apolɩ yẽ wʋ zãasŋɔ la, tɩ Zuudãana yele ẽ yetɩ: «Da zoe dabeem sĩna, ken tɔgra,

Tõoma 23:11

Tɩ daar-ẽŋa yʋ'ʋŋɔ, tɩ Zuudãana Azezi wa'am Apolɩ zẽ'am wa yele ẽ yetɩ: «Keŋe fʋ sũure, tɩ fõn tɔgɛ mam yɛla Zerizalɛm kalam se'em na, dẽnɩ tɩ fʋ ken tɔgɛ mam yɛla Rom tẽŋam bɛla.»

Tõoma 5:34

Tɩ bʋraa ayɩla yʋ'ʋrɛ n de Agamalɩyɛlɩ, a de la Farisi nẽra, a zãsnɩ la nẽrba Nawẽnnɛ lɔɔ yɛla, a de la nẽra tɩ ba wuu nannɩ. Tɩ a isge ze'ele nẽrba la n lagsɛ la tẽŋasʋka, bɔ nõorɛ yetɩ, ba yese Tõntõnɩba la yẽŋa tɩ la ẽŋɛ fẽe. Tɩ ba yese ba.

Aromduma 9:16

Bɛla, la dagɩ nẽrsaala n boorɩ se'em, bɩɩ ẽn mõrgrɩ se'em, la de la Nawẽnnɛ n zotɩ ninbãalga.

1 Korẽntɩ 1:23

Tõma nõo mõolɩ la Krisi n ki kũm dɔ-puurŋa zuo la kõ-yẽlga, kõ-yẽlga ẽŋa tɩ Zifdõma dɩkɛ tɩ a dɛna pɔ'ɔrɛ yetɔga, tɩ sɛba n dagɩ Zifdõma la dɩkɛ tɩ la dɛna yalnɛ.

1 Korẽntɩ 2:2

Se'ere n soe la, mam daan looge yɛm tɩ mam kãn mõolɛ sɛla sɛla yelle, sãn dagna Azezi-krisi yelle, ẽŋa n ki dɔ-puurŋa zuo la yelle.

1 Korẽntɩ 9:24

Yãma mi tɩ zʋa pʋam, zɔtba la wuu lagɩm zɔta mɛ, la ba nẽra ayɩla mã'a n wʋn zoe yãŋɛ to'oge bɔ'a. Bɛla, mõrgɛ-ya wʋ zɔtba n zotɩ se'em na, tɩ ya yãŋɛ to'oge bɔ'a Nawẽnnɛ zẽ'am.

1 Korẽntɩ 9:26

Bɛla n soe tɩ mam ka zɔta yoo yoo, la mam ka zɛbrɩ yoo yoo wʋ nẽra n wẽ'erɩ kʋsebgo.

2 Korẽntɩ 12:1

Dẽnɩ tɩ mam wẽ yõ'ogɔ, la yõ'ogɔ wẽ'a la ka tarɩ yõorɔ. La mam wʋn ba'asõm tɔgɛ la bõn-sɛba tɩ Zuudãana la puke pa'alɛ mam, tɩ mam yẽ wʋ zãasŋɔ la.

Galatɩ 1:12

La mam mẽ ka to'oge ẽ nẽra zẽ'am, la mẽ dagɩ nẽra n zãsʋm mam. La de la Azezi-krisi mẽŋa n puke ẽ pa'alɛ mam.

Galatɩ 1:16

Ẽŋa n daan wa bɩsɛ tɩ la ãn sõŋa, tɩ a puke a Dayʋa la pa'alɛ mam tɩ m mõolɛ a Dayʋa la kõ-yẽlga bɔ bu-zãŋsɩ la, mam daan ka sẽŋɛ nẽr-sɛka zẽ'am tɩ a zãsʋm mam.

Galatɩ 1:6

Mam ze la yɛrɩ la yãma n darɛ basɛ Nawẽnnɛ n wi ya Krisi yel-sõnnɛ ĩyã, dee to'oge kõa ayẽma wʋ kõ-yẽlga la.

Galatɩ 2:6

Nẽr-sɛba tɩ ba bɩsrɩ wʋ nẽŋadõma la, ba sãn dɛna nẽŋadõma bɩɩ ba dagɩ nẽŋadõma, la ka pakɛ mam, Nawẽnnɛ ka tũ'usri nẽrba. Nẽŋadõma bãma ka mõrgɛ mam tɩ m ẽŋɛ sɛla sɛla pa'asɛ mam zãsŋɔ la pʋam.

Galatɩ 2:9

La Azakɩ, la Apɩyɛɛrɩ, la Azã tɩ ba bɩsrɩ wʋ ba wuu kɛ'ɛndõma la, n bãŋɛ tɩ Nawẽnnɛ n ẽŋɛ mam yel-sõnnɛ dɩkɛ tõonɛ na ẽŋɛ mam nu'usum na, ba yõgɛ mam, la Abarnabasɩ nu'usi mɛ, pa'alɛ tɩ tɩ de la ayɩla lagɩm tõnna Nawẽnnɛ tõoma, tɩ tõma tõnna bu-zãŋsɩ zẽ'am, tɩ bãma mẽ tõnna Zifdõma zẽ'am.

Galatɩ 5:7

Yãma daan dolɩ Nawẽnnɛ sore mɛ sõŋa sõŋa, ãne n gu ya tɩ ya basɛ da le sakɛ sɩra la?

Filipi 2:16

wʋn pa'alɛ nẽrba yetɔga n bɔ'ɔrɩ vɔm. Ya sãn ẽŋɛ bɛla, ya wʋn botɩ mam zuugo zẽkɛ Krisi lemŋo daarɛ, pa'alɛ tɩ mam tõoma, la mam n mõrgrɩ la wuu dagɩ zãŋa.

Filipi 2:29

To'oge-ya ẽ la sũ-yẽlga wʋ lan masɛ, ẽn de tɩ sɔbia Zuudãana sore pʋam na. Nanna-ya nẽr-bãna taaba.

1 Tesaloniki 3:5

Bɛla tɩ mam ka tãna wʋn zĩ'ire, tɩ mam tõm Atimõtɩ tɩ a wa'am wa bãŋɛ yãma n ãn se'em Azezi sore doosgo la pʋam, mam zotɩ mɛ tɩ Asũtãana wʋn pã'asɛ ya tɩ tɩ tõoma la lebge zãŋa.

2 Timoti 4:7

Mam mẽ mẽerɛ sõŋa mɛ yãŋɛ, mam zoe paagɛ zʋa la tɛka mɛ, la mam bɔ Nawẽnnɛ sɩra mɛ ka basɛ.

Hiburuduma 12:1

Bɛla, tõma n tarɩ nẽrba zozo'e n gilge tõma pa'ala tɩ sore la, tɩ mẽ basɛ bõn-sɛba n gu'uri tɩ sẽnnɛ, la tõon-be'ero tɩ tɩ ɩtɩ nãana nãana la, dee mõrgɛ zɔta zʋa n boe tɩ nẽŋa na.