Filipi 4:8 - Farefare Ninkaré

⁸ M sɔbiisi, sɛla n deege, basɛ-ya tɩ ya pʋtẽ'era tẽ'esra sɛla woo n de sɩra, la sɛla woo n narɩ nã'asgɔ, la sɛla woo n masɛ, la sɛla woo n tarɩ pʋpeelem, la sɛla woo n ɩtɩ sũure yẽlʋm, la sɛla woo tɩ nẽrba yetɩ la ãn sõŋa, tẽ'esra-ya bõn-sɛba wuu n ãn sõŋa masɛ pẽka yelle.

ZE'ELEGO PAALEGA

⁸ Ba'ahegɔ za'a, n suurɔ, sɛla woo en de yelemɛŋerɛ, sɛla woo en tari na'ahegɔ, sɛla woo en de ma'a, sɛla woo en ka tari dɛgerɔ, sɛla woo en peere puurɛ, sɛla woo n nari. Sɛla han bɔna di mi'a, sɛla en boi nara pɛka, ti'iheri ya yele ana wa yele.

Filipi 4:8 ပူးပေါင်းရင်းမြစ်များ

Amatie 22:16

Bɛla tɩ ba daan tõm ba karẽnbiisi, la naba A'erɔdɩ nẽrba tɩ ba sẽŋɛ Azezi zẽ'am ka yele ẽ yetɩ: «Karẽnsãama, tõma mi tɩ fõn de la sɩra dãana, dee zãsna nẽrba Nawẽnnɛ sore yɛla la sɩra. Fõn ka fablɩ nẽrba n tɔgrɩ fõn yelle se'em na, la fõn ka tũ'usri nẽrba.

Amarkɩ 6:20

A'erɔdɩ daan zotɩ Azã mɛ, a daan mi tɩ a de la nẽr-sõŋɔ, dee dɛna pʋpeelem dãana, bɛla ĩyã tɩ a gu'ura ẽ tɩ sɛla da ẽŋɛ ẽ. A daan sãn ẽn sɛlsra Azã yetɔga, la dãanɩ ẽ mɛ zozo'e, la baa bɛla, a ẽn sɛlsra ẽ mɛ la sũ-yẽlga.

Aluki 16:15

Tɩ Azezi yele ba yetɩ: «Yãma pa'alɩ ya mẽŋa nẽrba nẽŋam wʋ ya de la nẽr-sõma. La Nawẽnnɛ mi ya pʋtẽ'era n ãn se'em mɛ. Bõn-sɛka tɩ nẽrsaalba pẽgrɩ la, de la bõn-dẽgrɔ Nawẽnnɛ zẽ'am.

Aluki 2:25

Wakat-ẽŋa tɩ bʋraa daan boe Zerizalɛm tɩ a yʋ'ʋrɛ dɛna Asimeyõ. A de la nẽr-sõŋɔ dee sakra Nawẽnnɛ sõŋa, dee gu'ura Ɩsrayɛlɩ Fãagra la n sẽm na. Tɩ Nawẽnnɛ Sɩa bɔna la ẽ.

Aluki 23:50

Bʋraaga ayɩla yʋ'ʋrɛ n daan de Azozɛfʋ. A de la Arimate tẽŋa nẽra, dee dɛna Zifdõma sarɩyaditba nẽra ayɩla. A de la nẽr-sõŋɔ tɩ a ɩrgɔ wuu masɛ,

Azã 7:18

Nẽr-sɛka n tɔgrɩ la a mẽŋa pãŋa, eerɩ la a mẽŋa pẽka. La nẽr-sɛka n eerɩ sɛka n tõm ẽ na pẽka, ẽŋa de la sɩra dãana, la sɛla n ka masɛ ka boe a pʋam.

Tõoma 10:22

Tɩ ba yele ẽ yetɩ: «Akɔrnɛlɩ, a de la sʋda-kɛ'ɛma, tɩ a ɩrgɔ masɛ, tɩ a nanna Nawẽnnɛ, tɩ Zifdõma wuu tɔgra a yelle sõŋa. Tɩ Nawẽnnɛ daan tõm a malɛka tɩ a wa'am wa yele ẽ yetɩ, a botɩ fõn wa'am a yire wa yele ẽ fõn tarɩ yetɔg-sɛka la.»

Tõoma 22:12

La bʋraa n daan boe mĩ tɩ a yʋ'ʋrɛ dɛna Ananiyasɩ. A daan sakrɩ la Nawẽnnɛ lɔɔ sõŋa sõŋa, tɩ Zifdõma sɛba n boe Damaasɩ la wuu tɔgra a yelle sõŋa.

Tõoma 6:3

Bɛla tɩ sɔbiisi, bɩsɛ ya pʋam looge bʋraasɩ bayopɔɩ n de nẽr-sõma, dee dɛna yɛm dõma, tɩ Nawẽnnɛ Sɩa bɔna la ba lɛ zozo'e, tɩ tɩ dɩkɛ tõon-ẽna wã ẽŋɛ ba nu'usum.

Aromduma 13:13

Basɛ-ya tɩ tɩ tõnna la pʋpeelem wʋ nẽrba n sẽnnɩ wʋntɛɛŋa. Tɩ basɛ-ya pʋyã'an-yooro, la dãam buka, la tũulgo, la yalsɩ, la zɛbrɛ, dee da ɩta sũure la taaba.

Aromduma 13:3

Nẽr-sɛba n ɩtɩ sõŋa la ka zotɩ dabeem la sɛba n bɩsrɩ tẽŋa la, la de la nẽr-sɛba n ɩtɩ be'em na n zotɩ dabeem. Fõn boorɩ tɩ fʋ da zɔta nẽr-sɛba n soe ke'eŋo la mɛ bɩɩ? Ɩta sõŋa tɩ ba pẽgɛ fɔ.

Aromduma 14:18

Nẽr-sɛka woo n dolɩ Krisi wãna, ẽŋa dãana n paarɩ Nawẽnnɛ yɛm, la nẽrba mẽ yetɩ mɛ tɩ ẽn ɩtɩ se'em na ãn sõŋa.

Aromduma 2:29

Zifu sɩra sɩra de la sɛka n de Zifu a sũure pʋam. Wãaga sɩra sɩra de la Nawẽnnɛ Sɩa n ɩtɩ sũure pʋam, la dagɩ wãaga wʋ lɔɔ n gʋlsɛ se'em na. Nawẽnnɛ n pẽgrɩ nẽr-ẽŋa, la dagɩ nẽrsaalba.

1 Korẽntɩ 4:5

Bɛla, da dẽŋɛ-ya di nẽra sarɩya dee tɩ Zuudãana la nãn ka leme. A sãn wa leme, a wʋn dɩkɛ sɛla n sʋgɛ lika pʋam yese peelem pʋam, dee botɩ bõn-sɛba wuu tɩ nẽrsaalba tẽ'esrɩ ba sũure pʋam puke. Wakat-ẽŋa, Nawẽnnɛ wʋn pẽgɛ nẽra woo wʋ lan masɛ tɩ a pẽgɛ ẽ se'em.

2 Korẽntɩ 13:7

Tõma pʋ'ʋsrɩ Nawẽnnɛ mɛ ya ĩyã tɩ ya da ẽŋɛ sɛla n de be'em. La dagɩ tɩ tõma boorɩ tɩ tɩ pa'alɛ tɩ tõma yãŋɛ mɛ, la de la tɩ yãma wʋn ẽŋɛ sɛla n ãn sõŋa, baa la tõma sãn ãna wʋ tõma koŋe mɛ.

2 Korẽntɩ 6:8

Nẽrba basɛba nã'asrɩ tõma mɛ, tɩ basɛba pɔ'ɔra tõma, basɛba sã'anɩ tõma yʋ'ʋrɛ mɛ, tɩ basɛba pẽgra tõma. Ba bɩsrɩ tõma wʋ tõma de la põmpɔrndõma, baa la tõma n tɔgrɩ sɩra la.

2 Korẽntɩ 8:18

Tõma tõm na tɩ sɔbia ayɩla tɩ Wẽndeto nẽrba la wuu pẽgrɩ ẽ, ẽn tõnnɩ kõ-yẽlga la tõoma ĩyã, tɩ ẽŋa la Atiti wa'am.

2 Korẽntɩ 8:21

Tõma boorɩ tɩ tɩ ẽŋɛ la sɛla n ãn sõŋa Nawẽnnɛ zẽ'am, la nẽrsaalba mẽ zẽ'am.

Galatɩ 5:22

La Nawẽnnɛ Sɩa tõoma de la nõŋlʋm, la sũ-yẽlga, la sũ-mã'asʋm, la sũ-mã'arɛ, la sõŋa, la ɩr-sõŋɔ, la ẽŋɛ sɩra,

Efɛɛzɩ 4:25

Bɛla ĩyã, basɛ-ya põmpɔrŋɔ, tɩ ya nẽra woo tɔgra sɩra bɔ'ɔra a tadãana, tɩ tɩ wuu lagɩm dɛna la ĩyã ayɩla la taaba.

Efɛɛzɩ 5:9

Peelem tõoma de la sɛla woo n ãn sõŋa, la sɛla n masɛ, la sɩra.

Efɛɛzɩ 6:14

Bɛla, mãasʋm-ya zɛ, tara-ya sɩra tɩ a ãna wʋ sagãnnɛ tɩ ya lʋ ya sɩa la, la ya ɩta sɛla n masɛ tɩ la ãna wʋ kuto fuugo tɩ ya yɛ pĩ ya yõ'ogɔ,

Filipi 3:1

Sɛla n deege, m sɔbiisi, ɩta-ya sũ-yẽlga Zuudãana doosgo la pʋam. La ka nãmsrɩ mam tɩ m le gʋlsɛ bõn-bãna bɔ ya, se'ere n soe la, ba wʋn sõŋɛ ya mɛ tɩ sɛla da ẽŋɛ ya.

Kolɔsɩ 4:5

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Azezi la tẽŋasʋka, dɩkɛ-ya fol-sɛka tɩ ya tarɩ la wuu tõm sõŋa.

1 Tesaloniki 4:12

Ɩta-ya bɛla, tɩ ya yel-ɩrɛ la basɛ tɩ ya yẽ nã'asgɔ nẽr-sɛba n ka dolɩ Nawẽnnɛ na zẽ'am. La ya da zɛ gu'ura tɩ nẽra bɔ ya sɛla.

1 Timoti 2:2

Sɔsra-ya Nawẽnnɛ bɔ'ɔra na'adõma, la sɛba wuu n tarɩ ke'eŋo, tɩ tɩ tã'agɛ vɔa la laafɛ, tɩ dãaŋɔ da bɔna, tɩ tɩ tã'agɛ dɔla Nawẽnnɛ sore sõŋa, tɩ tɩ yel-ɩrɛ ãna sõŋa.

1 Timoti 3:11

La ba pɔgba mẽ masɛ tɩ ba dɛna la nẽrba tɩ ba nannɩ, ba da dɛna nẽrba n tɔgrɩ nẽrba be'em, ba tara ba mẽŋa sõŋa, dee dɛna sɩra dõma sɛla woo pʋam.

1 Timoti 3:4

A dɛna nẽra n bɩsrɩ a yir-dõma yelle sõŋa, tɩ a kɔma sakra a yetɔga, nã'asra ẽ sɛla woo pʋam.

1 Timoti 4:12

Da basɛ tɩ nẽra zɛɛn fɔ, fõn de bõnbɩ'a la ĩyã, basɛ tɩ fʋ yetɔga, la fʋ yel-ɩrɛ, la fʋ nõŋlʋm, la fõn bɔ Nawẽnnɛ sɩra se'em, la fʋ pʋpeelem ãna sõŋa, tɩ la pa'alɛ Nawẽnnɛ nẽrba, bãma n wʋn vɔa se'em.

1 Timoti 5:10

La dẽnɩ tɩ nẽrba mina tɩ a de la tõon-sõma dãana, la a uge kɔma sõŋa, la a de la nẽra n ẽŋɛ nẽrba sãanɔ, la a peege Nawẽnnɛ nẽrba nãma, la a sõŋɛ nẽr-sɛba n nãmsɛ, dee dɛna nẽra n tõm tõon-sõma buuri wuu.

1 Timoti 5:2

la fʋ kã'an pɔg-yã'asɩ wʋ fʋ madõma la, dee kã'an pug-sarsɩ wʋ fʋ tãpa la, la pʋpeelem.

Taitusi 1:8

La masɛ mɛ tɩ a ɩta sãama sãanɔ, la a dɛna nẽra n nõŋɛ sɛla n ãn sõŋa ɩrgɔ, la a tara pʋtẽ'e-sõŋɔ, la a dɛna nẽra n masɛ sɛla woo pʋam, la a dɛna pʋpeelem dãana, la a tãna a mẽŋa yõkra.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Taitusi 2:2

Zãsʋm bʋra-yã'asɩ tɩ ba tara ba mẽŋa sõŋa, ba dɛna nẽrba tɩ ba nannɩ, ba tara pʋtẽ'e-sõŋɔ, la ba dɛna nẽrba n dolɩ Nawẽnnɛ sɩra la sõŋa, ba tara nõŋlʋm, dee dɛna nẽrba n mã'agɛ ba sũure sẽnna nẽŋa.

Taitusi 2:7

Fõn mẽŋa botɩ fʋ yel-ɩrɛ wuu ãna sõŋa, pa'alɛ ba ban wʋn ãna se'em, la fʋ zãsʋm nẽrba Nawẽnnɛ yetɔga la sɩra, la ninmõ'orɛ.

Taitusi 3:14

Tõma nẽrba la masɛ mɛ tɩ ba zãsʋm tõnna tõon-sõma tɩ la sõŋɛ sɛba n boorɩ sõŋrɛ la, dee da vɔa vɔm n ka tarɩ yõorɔ.

Hiburuduma 11:2

La de la kʋrʋm kʋrʋm dõma n yʋʋn bɔ Nawẽnnɛ sɩra la ĩyã, tɩ a tɔgɛ ba yelle sõŋa.

Hiburuduma 13:18

Pʋ'ʋsra-ya Nawẽnnɛ bɔ'ɔra tɔ. Tõma mi tɩ sũure pʋam mɛ tɩ tõma ka ẽŋɛ be'em, tõma boorɩ mɛ tɩ tɩ yel-ɩrɛ ãna sõŋa sɛla woo pʋam.

Yemesi 1:27

Tɩ Sɔ Nawẽnnɛ n boorɩ tɩ tɩ dɔla ẽ se'em tɩ la ãna sõŋa ka tara dẽgrɔ n wãna: La de la fʋ bɩsɛ kɩɩbsɩ la pɔkõpa yelle ba nãmsgɔ pʋam, la fʋ guuse fʋ mẽŋa la dũnia wã tõon-dẽgrɔ.

Yemesi 3:17

La yɛm n ze'ele Nawẽnnɛ zẽ'am ãn na sõŋa ka tara dẽgrɔ, dee botɩ nẽra tara sũ-mã'asʋm la a taaba, la sũ-bʋgsʋm, ɩta sugri, zɔta nẽrba ninbãalga zozo'e, tõnna tõon-sõma zozo'e, ka bɔkra nẽrba, dee ka dɛna pʋlibsum dãana.

1 Pita 1:22

Yãma n sakɛ sɩra la, ya lebge la pʋpeelem dõma, tɩ ya nõŋɛ ya sɔbiisi la nõŋlʋm sɩra sɩra. Bɛla, nõŋɛ-ya taaba zozo'e la ya sũure wuu.

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 4:8

Sɛla n gãnnɩ wuu de la ya nõŋɛ taaba zozo'e, se'ere n soe la, nõŋlʋm n botɩ tɩ basra taaba tõon-be'ero zozo'e taalɛ.

2 Pita 3:1

M sɩr-nõŋrɩsɩ, la de la gõŋɔ bʋyi dãana n wãna tɩ mam gʋlsɛ bɔ'ɔra ya. Gõnnɔ bayi la pʋam, mam tẽegɛ ya la sɛla tɩ ya dẽŋɛ bãŋɛ la, tɩ m puke ya pʋtẽ'era sõŋa.

1 Zã 3:18

M kɔma, da basɛ-ya tɩ tɩ nõŋlʋm dɛna yetɔga, la nõ-yẽlʋm mã'a, tɩ basɛ tɩ la dɛna nõŋlʋm sɩra sɩra n lagɩm na tõoma.

1 Zã 3:3

Nẽr-sɛka woo n tarɩ pʋtẽ'erɛ gu'ura bõn-ẽŋa Krisi ĩyã, malgrɩ a mẽŋa mɛ dɛna pʋpeelem dãana, wʋ Azezi-krisi mẽŋa n de pʋpeelem dãana se'em na.

1 Zã 4:1

M sɩr-nõŋrɩsɩ, da bɔ-ya nẽr-sɛba wuu n yetɩ bãma tarɩ la Nawẽnnɛ Sɩa la sɩra, magɛ-ya ba bɩsɛ la sãn dɛna Nawẽnnɛ Sɩa. Se'ere n soe la, põmpɔrŋɔ nõtɔ'ɔsrɩba zozo'e n boe dũnia wã zuo.