Filipi 4:7 - Farefare Ninkaré

⁷ Tɩ Nawẽnnɛ wʋn bɔ ya sũ-mã'asʋm n gãnnɩ nẽrsaalba bãŋrɛ wuu, tɩ a gu'ura ya sũure, la ya tẽ'esgɔ Azezi-krisi doosgo pʋam.

ZE'ELEGO PAALEGA

⁷ Ti Yinɛ suma'ahum la n gani bɔkerɛ za'a la, gu'ura ya suya la ya ti'ihegɔ sɛ ti zɛ'a kankaŋi Yezu Kiresta puan.

Filipi 4:7 ပူးပေါင်းရင်းမြစ်များ

Aluki 1:79

nẽegɛ bɔ nẽr-sɛba n boe lika pʋam, la nẽr-sɛba n zotɩ kũm dabeem na, dee pa'alɛ tɩ so-sɛka tɩ tɩ wʋn doose yẽ sũ-mã'asʋm.»

Aluki 2:14

«Nawẽnnɛ n boe saazuum n soe pẽka, la nẽr-sɛba tɩ a nõŋɛ la tarɩ sũ-mã'asʋm dũnia zuo.»

Azã 14:27

Mam basrɩ sũ-mã'asʋm bɔ ya, mam mẽŋa sũ-mã'asʋm tɩ mam bɔ'ɔrɩ ya. Mam ka bɔ'ɔrɩ ya wʋ dũnia n bɔ'ɔrɩ se'em na. Da basɛ-ya tɩ ya sũure sã'am, da zɔta-ya dabeem.

Azã 16:33

Mam yele ya bɛla tɩ ya tara la sũ-mã'asʋm mam yetɔga la ĩyã. Dũnia wã pʋam ya tarɩ la nãmsgɔ, la keŋe ya sũure, tɩ mam yãŋɛ dũnia mɛ.»

Aromduma 1:7

Mam gʋlsɛ gõŋɔ wã bɔ'ɔra la yãma sɛba wuu n boe Rom, tɩ Nawẽnnɛ nõŋɛ ya, wi ya tɩ ya welge to'ore dɛna a nẽrba la. Tɩ Sɔ Nawẽnnɛ, la tɩ Zuudãana Azezi-krisi wʋn ẽŋɛ ya yel-sõnnɛ, dee bɔ ya sũ-mã'asʋm.

Aromduma 14:17

Bẽm ĩyã, Nawẽnnɛ so'olʋm na dagɩ dia, la bõn-yũula yelle, la de la sɛla n masɛ, la sũ-mã'asʋm, la sũ-yẽlga tɩ Nawẽnnɛ Sɩa bɔ'ɔrɩ.

Aromduma 15:13

Nawẽnnɛ n botɩ tõma tara pʋtẽ'erɛ la ẽ na wʋn bɔ ya sũ-yẽlga, la sũ-mã'asʋm zozo'e, yãma n bɔ Krisi sɩra la ĩyã, tɩ a Sɩa pãŋa wʋn botɩ yan tara pʋtẽ'erɛ a zẽ'am na zo'oge gãŋɛ.

Aromduma 5:1

Bɛla, Nawẽnnɛ botɩ tõma dɛna sɛba n masɛ a zẽ'am na, tõma n bɔ ẽ sɩra la ĩyã. La tõma tarɩ sũ-mã'asʋm mɛ naagɛ la Nawẽnnɛ tõma Zuudãana Azezi-krisi ĩyã.

Aromduma 8:6

Nẽrsaala mẽŋa yɛmleego n boorɩ se'em, sẽm na kũm. La a sãn dɔla Nawẽnnɛ Sɩa n boorɩ se'em na, la bɔ'ɔrɩ la vɔm, la sũ-mã'asʋm.

2 Korẽntɩ 10:5

la bõn-sɛba wuu n zẽkrɩ ba mẽŋa botɩ nẽrba ka bãŋra Nawẽnnɛ pãŋa. Dee yãŋra tẽ'esgɔ buuri wuu botɩ ba sakra Krisi.

2 Korẽntɩ 13:11

Sɛla n deege, m sɔbiisi, tara-ya sũ-yẽlga, mõrgɛ-ya tõm masɛ sɛla woo pʋam, bɔ'ɔra-ya taaba bʋraanɛ, tara-ya nõorɛ ayɩla la taaba, vɔa-ya la sũ-mã'asʋm la taaba, tɩ Nawẽnnɛ n de nõŋlʋm, la sũ-mã'asʋm dãana la wʋn bɔna la ya lɛ.

Galatɩ 5:22

La Nawẽnnɛ Sɩa tõoma de la nõŋlʋm, la sũ-yẽlga, la sũ-mã'asʋm, la sũ-mã'arɛ, la sõŋa, la ɩr-sõŋɔ, la ẽŋɛ sɩra,

Efɛɛzɩ 3:19

la ya bãŋɛ a nõŋlʋm na n gãŋɛ tɩ nẽrba ka tãna wʋn bãŋɛ ba'asɛ la. Tɩ bõn-sɛba wuu n ze'etɩ Nawẽnnɛ zẽ'am wʋn pɩrɛ ya.

Filipi 1:1

Mam Apolɩ la Atimõtɩ n de Azezi-krisi tõntõnɩba n gʋlsɛ gõŋɔ wã bɔ'ɔra yãma sɛba wuu n bɔ Azezi-krisi sɩra dɛna Nawẽnnɛ nẽrba, la ya nẽŋadõma, la ya yel-bɩsrɩba n boe Filipi.

Filipi 1:2

Tɩ Sɔ Nawẽnnɛ la tɩ Zuudãana Azezi-krisi wʋn ẽŋɛ ya yel-sõnnɛ, dee bɔ ya sũ-mã'asʋm.

Filipi 4:19

Mam dãana Nawẽnnɛ n tarɩ bõn-sõma wuu tɩ la zo'oge gãŋɛ la, wʋn bɔ ya sɛla woo n wʋn sõŋɛ ya Azezi-krisi ĩyã.

Filipi 4:21

Pʋ'ʋsɛ-ya Nawẽnnɛ nẽrba la wuu n dolɩ Azezi-krisi la. Tɩ sɔbi-sɛba n boe la mam na pʋ'ʋsrɩ ya.

Filipi 4:9

Ɩta-ya bõn-sɛba tɩ mam zãsʋm ya, tɩ ya to'oge, sɛla tɩ ya wõm dee yẽ mam zẽ'am na, tɩ Nawẽnnɛ n bɔ'ɔrɩ sũ-mã'asʋm na wʋn bɔna la ya lɛ.

Kolɔsɩ 3:15

Basɛ-ya tɩ Krisi sũ-mã'asʋm la sɔna ya sũure, Nawẽnnɛ wi ya tɩ ya tara la sũ-mã'asʋm ẽŋa, lagɩm taaba dɛna ayɩla. Mina-ya yel-sõnnɛ pʋ'ʋsgɔ.

2 Tesaloniki 3:16

Zuudãana mẽŋa n de sũ-mã'asʋm dãana la wʋn bɔ ya sũ-mã'asʋm wakatɛ woo la sɛla woo pʋam. Zuudãana wʋn bɔna la ya wuu.

Hiburuduma 13:20

La de la Nawẽnnɛ n de sũ-mã'asʋm dãana n vo'oge tɩ Zuudãana Azezi, tɩ a bɩsra tõma yelle wʋ dũnsĩin-kɛ'ɛma, a zɩɩm na tɩ Nawẽnnɛ dɩkɛ bĩŋe nõorɛ la tõma wakatɛ n ka ba'asrɩ la ĩyã.

Azudi 1:1

Mam Azudi n de Azezi-krisi tõntõnna, la Azakɩ yɩbga la n gʋlsɛ gõŋɔ wã bɔ'ɔra yãma sɛba tɩ tɩ Sɔ Nawẽnnɛ wi tɩ ya dɛna a nẽrba, nõŋɛ ya, tɩ Azezi-krisi gu'ura ya la.

Lilegere 1:4

Mam Azã n gʋlsɛ gõŋɔ wã bɔ'ɔra tẽnsɩ bayopɔɩ n boe Azi so'olʋm pʋam na Wẽndeto nẽrba. Zuudãana Nawẽnnɛ n daan boe, n ken bɔna, dee wʋn bɔna wakatɛ wuu la, la sɩɩsɩ bayopɔɩ n boe a na'am bĩmbĩnne nẽŋam, la Azezi-krisi n tɔgrɩ Nawẽnnɛ yelle sɩra, ẽŋa n ki dee dɛna pɔspɔsɩ dãana n vo'oge, dɛna dũnia na'adõma naba la, wʋn ẽŋɛ ya yel-sõnnɛ, dee bɔ ya sũ-mã'asʋm. Azezi-krisi nõŋɛ tõma mɛ, ki tɩ a zɩɩm fãagɛ tõma tõon-be'ero pʋam,

Lilegere 2:17

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa. Sɛka n yãŋɛ, mam wʋn bɔ ẽ dia n sʋgɛ yʋ'ʋrɛ n de mannɩ n ze'ele saazuum tɩ a di, la mam wʋn bɔ ẽ kug-pɛɛlga. Kug-ẽŋa zuo yʋ'ʋr-paalɛ n gʋlsɛ mĩ, tɩ nẽra nẽra ka mina ẽ, sãn dagna sɛka n to'oge ẽ na mã'a.› »