Filipi 4:6 - Farefare Ninkaré

⁶ Da fabla-ya sɛla sɛla yelle, la sɛla woo pʋam pʋ'ʋsra-ya sɔsra Nawẽnnɛ, la ya pʋ'ʋsra ẽ a yel-sõnnɛ, pa'alɛ-ya ẽ yãma n boorɩ sɛla.

ZE'ELEGO PAALEGA

⁶ Da fabele ya sɛsɛla yele, gee sɛla woo puan, doohe ya pu'uhegɔ, gee suhega, la fara bu'a puan, bahɛ ti Yinɛ baŋɛ yan boti sɛla la.

Filipi 4:6 ပူးပေါင်းရင်းမြစ်များ

Amatie 10:19

La ba sãn tarɩ ya sẽŋɛ, da fabla-ya yãma n wʋn tɔgɛ se'em, bɩɩ yãma n wʋn tɔgɛ sɛla yelle. Se'ere n soe la, wakat-ẽŋa mẽŋa Nawẽnnɛ Sɩa wʋn bɔ ya bõn-sɛka tɩ ya wʋn tɔgɛ.

Amatie 13:22

La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, tɩ a yɛm yɔɔra la dũnia wã yɛla, tɩ bõntarsõm yɛla pã'asra ẽ, botɩ yetɔga la ka tãna wʋn wɔm biɛ a sũure pʋam.

Amatie 6:34

Da fabla-ya beere yelle, tɩ beere ya wʋn bãŋɛ ya wʋn ẽŋɛ se'em, daarɛ woo n bɩsrɩ a mẽŋa yelle.»

Amatie 6:8

Bɛla, da ãna-ya wʋ bãma n ãn se'em na, se'ere n soe la, lan dẽŋɛ ya wʋn sose ya Sɔ Nawẽnnɛ, a põn mina yãma n boorɩ sɛla mɛ.

Aluki 10:41

Tɩ Zuudãana Azezi lerge ẽ yetɩ: «Amartɩ, Amartɩ, fõn botɩ fʋ yɛm n yɔɔra la yɛla zozo'e yelle.

Aluki 12:22

Bɛla poorʋm, Azezi yele a karẽnbiisi la yetɩ: «Bɛla ĩyã, mam yetɩ ya tɩ ya da fabla ya vɔm yelle, ya wʋn di sɛla, bɩɩ ya wʋn yɛ fu-sɛba la yelle.

Aluki 12:29

Da basɛ-ya tɩ yan wʋn di sɛla, bɩɩ yan wʋn yũ sɛla yelle pakɛ ya.

Aluki 18:1

Tɩ Azezi makɛ makrɛ pa'alɛ ba tɩ ba sɔsra Nawẽnnɛ wakatɛ wuu da basɛ,

Aluki 18:7

La sãn dɛna bɛla, Nawẽnnɛ kãn sõŋɛ nẽr-sɛba tɩ a looge la n sosrɩ ẽ wʋntɛɛŋa la yʋ'ʋŋɔ la, bɔ ba bʋʋrɔ gãnna bɛla? A wʋn yuuge mɛ dee sõŋɛ ba bɩɩ?

1 Korẽntɩ 7:21

Fʋ daan sãn dɛna la yamŋa tɩ Nawẽnnɛ wi fo, da basɛ tɩ fʋ yɛm yɔɔra. La sore sãn wa bɔna tɩ fʋ wʋn to'oge fʋ mẽŋa, fʋ doose bilam to'oge fʋ mẽŋa.

1 Korẽntɩ 7:32

Mam ka boorɩ tɩ ya yɛm yɔɔra la sɛla sɛla. Sɛka n ka tarɩ pɔga dɩkrɩ a pʋtẽ'erɛ wuu tõnna la Zuudãana la tõoma, a eerɩ la ẽŋa n wʋn ẽŋɛ se'em tɩ la ãna Zuudãana la sũure yẽlʋm.

2 Korẽntɩ 1:11

Yãma n sõŋrɩ tõma pʋ'ʋsra Nawẽnnɛ bɔ'ɔra tõma la, Nawẽnnɛ wʋn lerge nẽrba pãɩ pʋ'ʋsgɔ sõŋɛ tõma, tɩ nẽrba zozo'e wʋn pʋ'ʋsɛ Nawẽnnɛ a yel-sõnnɛ tõma ĩyã.

Efɛɛzɩ 5:20

Pʋ'ʋsra-ya tɩ Sɔ Nawẽnnɛ a yel-sõnnɛ sɛla woo pʋam wakatɛ wuu, la tɩ Zuudãana Azezi-krisi yʋ'ʋrɛ.

Efɛɛzɩ 6:18

Pʋ'ʋsra-ya Nawẽnnɛ sɛla woo pʋam, pʋ'ʋsra-ya dee sɔsra ẽ wakatɛ wuu la a Sɩa pãŋa. Nargɛ-ya pãŋa pʋ'ʋsra Nawẽnnɛ nẽrba wuu ĩyã da basɛ.

Kolɔsɩ 3:15

Basɛ-ya tɩ Krisi sũ-mã'asʋm la sɔna ya sũure, Nawẽnnɛ wi ya tɩ ya tara la sũ-mã'asʋm ẽŋa, lagɩm taaba dɛna ayɩla. Mina-ya yel-sõnnɛ pʋ'ʋsgɔ.

Kolɔsɩ 3:17

Bõn-sɛba wuu tɩ ya ɩtɩ, la sãn dɛna la tõoma bɩɩ yetɔga, ɩta-ya la Zuudãana Azezi-krisi yʋ'ʋrɛ, dee pʋ'ʋsra tɩ Sɔ Nawẽnnɛ a yel-sõnnɛ Azezi-krisi yʋ'ʋrɛ ĩyã.

Kolɔsɩ 4:2

Pʋ'ʋsra-ya Nawẽnnɛ da basɛ, mõrgɛ-ya la pʋ'ʋsgɔ, pʋ'ʋsra-ya ẽ a yel-sõnnɛ.

1 Timoti 2:1

Mam yetɩ ya mɛ lan gãnnɩ wuu, tɩ ya sɔsra dee kã'ara Nawẽnnɛ, dee pʋ'ʋsra ẽ a yel-sõnnɛ nẽrba wuu ĩyã.

1 Timoti 5:5

Pɔkõ-sɛka n boe ayɩla mã'a ka tara nẽra nẽra la, a te'ege la Nawẽnnɛ pʋ'ʋsra sɔsra wʋntɛɛŋa la yʋ'ʋŋɔ.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

1 Pita 5:7

Basɛ-ya ya fablɩgɔ la wuu bɔ ẽ, tɩ a bɩsrɩ ya yelle mɛ.