Filipi 4:5 - Farefare Ninkaré

⁵ Basɛ-ya tɩ nẽrba wuu bãŋɛ ya sũ-bʋgsʋm yelle. Zuudãana la lemŋo lɛm mɛ.

ZE'ELEGO PAALEGA

⁵ Bahɛ ya ti ya sigehe n mɛŋa la niiɛ bo' nɛra woo. Daana la pɔri na.

Filipi 4:5 ပူးပေါင်းရင်းမြစ်များ

Amatie 6:25

Bɛla n soe tɩ mam yele ya yetɩ, ya da fabla ya vɔm yelle, yãma n wʋn di sɛla, bɩɩ ya wʋn yũ sɛla, la ya da fabla ya ĩyã yelle, ya wʋn yɛ sɛla. Vɔm ka gãnnɩ dia? Bɩɩ ĩyã ka gãnnɩ futo?

Amatie 6:34

Da fabla-ya beere yelle, tɩ beere ya wʋn bãŋɛ ya wʋn ẽŋɛ se'em, daarɛ woo n bɩsrɩ a mẽŋa yelle.»

Aluki 21:34

Guuse ya mẽŋa tɩ ya yɛm da yɔɔra la di tɩgɛ, la dã-yũure, la dũni-ẽna vɔm yɛla, tɩ Nẽrsaala Dayʋa la lemŋo daarɛ da wa di'ige ya

1 Korẽntɩ 16:22

Nẽr-sɛka n ka nõŋɛ Zuudãana la, kã'a-be'ego wʋn bɔna a dãana zuo. Maranata.

1 Korẽntɩ 6:7

Yãma n tarɩ taaba sẽnna sarɩyadia zẽ'am na, la põn pa'alɛ tɩ ya tuuge mɛ zozo'e. Nẽra sãn ẽŋɛ ya be'em, bɩɩ zũ ya, bẽm tɩ yãma ka ɩta sugri, dee tara taaba sẽnna sarɩyadia zẽ'am?

1 Korẽntɩ 8:13

Bɛla, la sãn dɛna dia n wʋn basɛ tɩ mam sɔbia tõm tõon-be'ero, mam kãn le malɩn di ẽ, tɩ m da basɛ tɩ m sɔbia tõm tõon-be'ero.

1 Korẽntɩ 9:25

Zɔtba wuu yõkrɩ ba mẽŋa mɛ sɛla woo pʋam tɩ ba to'oge bɔ'a n kãn yuuge dee sã'am. La tõma yõkrɩ tɩ mẽŋa tɩ tɩ wa to'oge la bɔ'a n kãn malɩn sã'am.

2 Korẽntɩ 10:1

Mam Apolɩ tɩ ya yetɩ, mam sãn bɔna yãma zẽ'am, mam de la nẽr-bʋgsgɔ, la mam sãn ka bɔna yãma zẽ'am, mam tarɩ la bʋraanɛ tɔgra la, mam belnɩ ya mɛ la Krisi sũ-bʋgsʋm, la a sõŋa.

2 Tesaloniki 2:2

tɩ ya da basɛ tɩ ya yɛm yɔɔra tɩ dabeem tara ya, ya sãn wõm tɩ nẽrba yetɩ Zuudãana la lemŋo daarɛ paagɛ mɛ. Baa nẽra sãn yele ya yetɩ la de la Nawẽnnɛ Sɩa n pa'alɛ ẽŋa, bɩɩ a sãn yetɩ tõma n tɔgɛ, bɩɩ a sãn yetɩ tõma n gʋlsɛ gõŋɔ, da kãn sakɛ-ya.

Taitusi 3:2

Ba da tɔgra nẽrba be'em, ba da dɛna zɛbzɛbrɩba, la ba dɛna nẽrba n tarɩ sũ-mã'asʋm, dee ɩta sũ-bʋgsʋm la nẽrba wuu.

Hiburuduma 10:25

Tɩ da basɛ taaba lagsgɔ wʋ nẽrba basɛba n ɩtɩ se'em na, tɩ bɔ'ɔra-ya taaba bʋraanɛ, yãma n yẽ tɩ Azezi lemŋo daarɛ la lɛm mɛ na.

Hiburuduma 10:37

La gʋlsɛ tɩ Nawẽnnɛ yetɩ: «La deege la fẽe, fẽfẽe mã'a, tɩ sɛka n sẽm na wʋn wa'am, a kãn yuuge.

1 Pita 1:11

Azezi-krisi Sɩa yʋʋn boe la ba mɛ, dẽŋɛ pa'alɛ ba yetɩ Krisi wʋn wa yẽ la nãmsgɔ dee yãŋa yẽ na'am pãŋa. Tɩ ba yʋʋn ɛɛra tɩ ba bãŋɛ wakatɛ sɛka tɩ bõn-bãma wʋn ẽŋɛ, la lan wʋn wa doose se'em tɩ la ẽŋɛ.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

Lilegere 22:20

Sɛka n tɔgɛ yetɔg-bãna bɔ la yetɩ la de la sɩra, a yetɩ: «Asɩra, la kãn yuuge dee tɩ mam wa'am.» Amina! La dɛna bɛla. Zuudãana Azezi, wa'am.

Lilegere 22:7

Azezi yetɩ: «Selse-ya! La kãn yuuge dee tɩ mam wa'am. Sɛka n sakrɩ gõŋɔ wã yetɔga tɩ ba to'osrɩ Nawẽnnɛ zẽ'am tɔgra la tarɩ zu-yẽlga.»