Filipi 4:19 - Farefare Ninkaré

¹⁹ Mam dãana Nawẽnnɛ n tarɩ bõn-sõma wuu tɩ la zo'oge gãŋɛ la, wʋn bɔ ya sɛla woo n wʋn sõŋɛ ya Azezi-krisi ĩyã.

ZE'ELEGO PAALEGA

¹⁹ Bala zuo, Mam Yinɛ wa wan tigeha ya sɛla woo ti ya bɔta, doohe la a tarega sum sebo n boi Yezu Kiresta puan la.

Filipi 4:19 ပူးပေါင်းရင်းမြစ်များ

Amatie 6:32

La de la nẽr-sɛba n ka mi Nawẽnnɛ n eerɩ bõn-bãma wuu. La yãma Sɔ Nawẽnnɛ mi tɩ yãma boorɩ bõn-bãma wuu mɛ.

Azã 20:17

Tɩ Azezi yele ẽ yetɩ: «Da kalʋm ma, mam nãn ka zom m Sɔ la zẽ'am. Sẽŋɛ m sɔbiisi la zẽ'am ka yele ba yetɩ: ‹Mam zonnɩ na mam Sɔ Nawẽnnɛ n de yãma Sɔ, la yãma Nawẽnnɛ na zẽ'am.› »

Azã 20:27

Dee yele Atoma yetɩ: «Dɩkɛ fʋ nu'ubiire kalʋm mam nu'usi la, dee tẽegɛ fʋ nu'ugo kalʋm mam lʋgrɛ la bɩsɛ. Da kãn sẽ'ena, bɔ sɩra.»

Aromduma 1:8

Pɔspɔsɩ, Azezi-krisi ĩyã mam pʋ'ʋsrɩ mam Zuudãana Nawẽnnɛ a yel-sõnnɛ yãma wuu ĩyã, se'ere n soe la, ba tɔgrɩ yãma n bɔ Azezi sɩra se'em mɛ dũnia wã wuu.

Aromduma 11:33

Nawẽnnɛ yel-sõnnɛ, la a yɛm, la a bãŋrɛ la zo'oge mɛ. Nẽra ka tã wʋn bãŋɛ a pʋtẽ'erɛ. La nẽra ka tã wʋn bãŋɛ a sorɔɔrɔ tɩ a dolɩ la võorɛ.

Aromduma 2:4

Bɩɩ fõn ka nannɩ la Nawẽnnɛ ɩr-sõŋɔ, la a sũ-bʋgsʋm, la a sũ-mã'arɛ n zo'oge la? Fʋ mi tɩ Nawẽnnɛ ɩr-sõŋɔ la boorɩ tɩ fʋ teege la yɛm basɛ tõon-be'ero.

Aromduma 8:18

Mam mi mɛ tɩ nãmsgɔ sɛba tɩ tõma tarɩ zĩna wã de la fẽe, ka tã wʋn dɩkɛ makɛ la nã'asgɔ sɛka tɩ tõma wʋn wa yẽ la.

Aromduma 9:23

La a ken bɔɔra tɩ a pa'alɛ la a nã'asgɔ n zo'oge se'em nẽr-sɛba tɩ a zotɩ ba ninbãalga la zẽ'am. Bãma de la sɛba tɩ a põn mãasʋm tɩ ba po yẽ a nã'asgɔ.

2 Korẽntɩ 12:21

Mam zotɩ mɛ tɩ mam sãn wa wa'am yãma zẽ'am, mam dãana Nawẽnnɛ wʋn botɩ yãnnɛ yõkɛ mam yãma ĩyã, tɩ m sũure sã'am la ya nẽr-sɛba n daan tõm tõon-be'ero, dee ka teege yɛm basɛ tõon-dẽgrɔ, la yalsɩ, la tõon-yooro sɛba tɩ ba ẽŋɛ la.

2 Korẽntɩ 4:17

Nãmsgɔ sɛka tɩ tõma yẽtɩ wakatɛ fẽfẽe wã de la pɩka ka tãna wʋn dɩkɛ makɛ la nã'asgɔ zozo'e n ka tarɩ ba'asgɔ tɩ a wʋn botɩ tõma yẽ la.

Efɛɛzɩ 1:18

Mam ken sɔsra Nawẽnnɛ tɩ a botɩ ya pʋtẽ'era like tɩ ya bãŋɛ ẽn wi ya tɩ ya tara pʋtẽ'erɛ gu'ura sɛla, dee bãŋɛ bõn-sõma sɛba tɩ a bĩŋe nõorɛ tɩ a bɔ a nẽrba la n ba ãna sõŋa, dee zo'oge se'em.

Efɛɛzɩ 1:7

La de la Krisi n ki tɩ a zɩɩm yese la ĩyã tɩ Nawẽnnɛ basɛ tõma tõon-be'ero taalɛ, tɩ tõma yẽ fãarɛ, tɩ la masɛ wʋ Nawẽnnɛ yel-sõnnɛ n zo'oge pãɩ se'em na.

Efɛɛzɩ 2:7

A ẽŋɛ tõma sõŋa Krisi ĩyã, tɩ a pa'alɛ la nẽrba wakatɛ n sẽm a yel-sõnnɛ n zo'oge gãŋɛ se'em.

Efɛɛzɩ 3:16

Mam sosrɩ ẽ tɩ a Sɩa bɔ ya pãŋa ya sũure pʋam zozo'e wʋ a na'am pãn-kãtɛ la n zo'oge se'em na,

Efɛɛzɩ 3:8

Mam n de nẽra n pɔ'ɔgɛ Nawẽnnɛ nẽrba la wuu pʋam, la bɛla wuu Nawẽnnɛ ẽŋɛ la mam yel-sõn-ẽŋa tɩ m mõolɛ Krisi kõ-yẽlga la bɔ bu-zãŋsɩ tɩ ba bãŋɛ bõn-sõma n zo'oge gãŋɛ tɩ nẽrba ka tãna wʋn bãŋɛ ba'asɛ la,

Filipi 4:7

Tɩ Nawẽnnɛ wʋn bɔ ya sũ-mã'asʋm n gãnnɩ nẽrsaalba bãŋrɛ wuu, tɩ a gu'ura ya sũure, la ya tẽ'esgɔ Azezi-krisi doosgo pʋam.

Kolɔsɩ 1:27

Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

Kolɔsɩ 3:16

Basɛ-ya tɩ Krisi yetɔga la bɔna la ya lɛ sõŋa sõŋa. Tɩ ya tara yɛm zozo'e zãsna taaba, dee kã'ana taaba. Yõona-ya Nawẽnnɛ yõoma, yõona-ya yõom-sõma buuri wuu tɩ Nawẽnnɛ Sɩa bɔ ya la ya sũure wuu, pʋ'ʋsra Nawẽnnɛ a yel-sõnnɛ.

1 Tesaloniki 2:12

Tõma keŋe ya sũure mɛ, bɔ ya bʋraanɛ, pa'alɛ ya yetɩ ya dɔla so-sɛka n masɛ Nawẽnnɛ yɛm, ẽŋa n wi ya tɩ ya kẽ a so'olʋm pʋam po dita na'am.

1 Timoti 6:17

Kã'an nẽr-sɛba n tarɩ dũnia wã bõntarsõm na yetɩ, ba da zẽkra ba mẽŋa, la ba da dɩkɛ ba te'ere te'ege bõntarsõm tɩ ba ka mĩ ban wʋn ãna se'em, ba te'ege Nawẽnnɛ, tɩ ẽŋa n bɔ'ɔrɩ tɔ sɛla woo tɩ la sɛkra sõŋa sõŋa tɩ tɩ ɩta sũ-yẽlga.

Afilmõ 1:4

Mam pʋ'ʋsrɩ Nawẽnnɛ daarɛ woo a yel-sõnnɛ mɛ, dee tẽra fʋ yelle m pʋ'ʋsgɔ pʋam ka basra.

1 Pita 5:1

Mam yetɩ m kã'an na sɛba n de Nawẽnnɛ nẽrba kẽma bɔna ya pʋam na. Mam mẽ de la kẽema, dee dɛna Krisi nãmsgɔ la kaset-dãana, la mam wʋn po yẽ a na'am pãŋa n wʋn wa puke la mɛ.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.