Filipi 4:17 - Farefare Ninkaré

¹⁷ La dagɩ tɩ mam eerɩ la bɔ'a, mam n boorɩ sɛla de la ya yẽ yɔɔrɔ zo'oge.

ZE'ELEGO PAALEGA

¹⁷ Dagi la n eere la bo'olum la, gee mam eere la nyuurɔ seto n wan kã'ahɛ zo'e zo'e beŋe bo' ya la.

Filipi 4:17 ပူးပေါင်းရင်းမြစ်များ

Azã 15:16

Dagɩ yãma n looge mam, mam n looge ya, dɩkɛ m tõonɛ na ẽŋɛ ya nu'usum tɩ ya sẽŋɛ ka tõm tõon-sõma wʋ tɩa n wɔnnɩ biɛ la, tɩ ya tõon-sõma la wʋn bɔna wakatɛ wuu. Bɛla, bõn-sɛka woo tɩ ya wʋn sose mam Sɔ la, la mam yʋ'ʋrɛ, a wʋn bɔ ya.

Azã 15:8

Ya sãn tõm tõon-sõma zo'oge pa'alɛ tɩ yãma de la mam karẽnbiisi, bɛla ya wʋn nã'asɛ mam Sɔ.

Aromduma 15:28

Mam sãn tarɩ ligri la tɩ ba lagsɛ la sẽŋɛ ka bɔ ba kɩ'ɩlɩm, mam wʋn wa'am wa kaagɛ ya, dee tole Ɛspayẽ.

2 Korẽntɩ 11:16

Mam le yɛta mɛ tɩ nẽra da bɩsɛ mam wʋ mam de la yalma la. La ya sãn bɩsra mam wʋ yalma, ya yi sakɛ tɩ m wẽ m yõ'ogɔ fẽe, wʋ mam de la yalma la.

2 Korẽntɩ 9:5

Bɛla tɩ mam bɩsɛ tɩ la ãn sõŋa tɩ mam sose tɩ sɔbiisi la tɩ ba dẽŋɛ nẽŋa wa'am yãma zẽ'am wa bɩsɛ yɛmleego bɔ'a la tɩ ya yetɩ ya bɔ la yelle. Tɩ mam sãn wa paam, tɩ ya põn mãasʋm bɔ'a la ba'asɛ mɛ, tɩ la wʋn pa'alɛ tɩ ya bɔ la ya yɛmleego, la dagɩ mõrgrɛ.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 4:11

La dagɩ tɩ mam boorɩ la sɛla ĩyã tɩ mam yele bɛla. Mam zãsʋm mɛ ɩta sũ-yẽlga sɛla woo pʋam la bõn-sɛka tɩ mam tarɩ la.

1 Tesaloniki 2:5

Yãma mi sõŋa tɩ tõma ka dɩkɛ nõ-yẽlʋm pã'asɛ nẽrba, la tõma ka dɩkɛ kõnkomã'asʋm tɔgɛ tɩ tɩ to'oge sɛla, Nawẽnnɛ n de tõma kaset-dãana.

1 Timoti 3:3

A da dɛna nẽra n dɩkɛ a mẽŋa bɔ dãam, a da dɛna zɛbzɛbra, a dɛna sũ-bʋgsʋm dãana, da nõŋɛ girgiri, la a da nõŋɛ bõnɔ.

1 Timoti 6:10

Se'ere n soe la, ligri nõŋlʋm de la tõon-be'ero wuu yẽgrɛ. Nẽrba basɛba nõŋɛ la ligri bʋrgɛ dee basɛ Nawẽnnɛ sore, nãmsɛ ba mẽŋa la toogo buuri zozo'e.

Taitusi 1:7

Dẽnɩ tɩ nẽŋadãana n bɩsrɩ Nawẽnnɛ nẽrba yelle dɛna nẽra n ka tarɩ dõrga, la a da dɛna pa'al-m-mẽŋa dãana, bɩɩ sũ-isgre dãana, a da dɛna dã-yũura, bɩɩ zɛbzɛbra, bɩɩ nẽra n ɩtɩ sɛla n ka masɛ yẽta bõntarsõm.

Taitusi 3:14

Tõma nẽrba la masɛ mɛ tɩ ba zãsʋm tõnna tõon-sõma tɩ la sõŋɛ sɛba n boorɩ sõŋrɛ la, dee da vɔa vɔm n ka tarɩ yõorɔ.

Hiburuduma 6:10

Nawẽnnɛ de la sɩra dãana, a kãn yĩm ya tõoma, la yãma n pa'alɛ tɩ yãma nõŋɛ ẽ mɛ, tõm bɔ a nẽrba, dee ken tõnna bɔ'ɔra ba lɛɛlɛ wã.

1 Pita 5:2

Mam yetɩ ya mɛ tɩ ya bɩsra Nawẽnnɛ nẽrba la tɩ a gu'ule ya wʋ dũnsĩima la. La, la da kãn dɛna dɔk-m-zuugo yelle, la dɛna la yɛmleego wʋ Nawẽnnɛ n boorɩ se'em na. Da ɩta-ya yan boorɩ bõntarsõm ĩyã, ɩta-ya ya yɛm n boe a pʋam ĩyã.

2 Pita 2:15

Ba basɛ so-sõŋɔ la mɛ dee bʋrgɛ dɔla Abalaam n de Abozɔɔrɩ dayʋa la sore, ẽŋa nõŋɛ la ligri bɔɔra tɩ a tõm tõon-be'ero to'oge yɔɔrɔ.

2 Pita 2:3

Ban boorɩ bõntarsõm zo'oge la ĩyã tɩ ba wʋn tɔgɛ nõ-yẽlʋm yetɔga pã'asɛ ya, yẽ yõorɔ ya zẽ'am. La halɩ kʋrʋm kʋrʋm tɩ ba sɩbgrɛ põn mãasʋm gu'ura ba, ba sã'aŋɔ kãn viige.

Azudi 1:11

Ba wʋn yẽ toogo, se'ere n soe la, ba dolɩ la so-sɛka tɩ Akãɩ yʋʋn doose la, la ba kẽ'esɛ ba mẽŋa mɛ tuure pʋam yɔɔrɔ ĩyã, wʋ Abalaam n ẽŋɛ se'em ligri ĩyã la. Ban sɩ'ɩsɛ Nawẽnnɛ nõorɛ wʋ Akoore n yʋʋn sɩ'ɩsɛ Nawẽnnɛ nõorɛ se'em na, ba ki mɛ.