Filipi 4:12 - Farefare Ninkaré

¹² Mam tã nõŋɔ pʋam vɔa mɛ, la mam ken tãna bõntarsõm pʋam vɔa mɛ. Sɛla woo pʋam, la zẽ'a woo mam zãsʋm mɛ, tɩ la sãn dɛna mam di tɩgɛ mɛ, bɩɩ kɔm, bɩɩ mam tarɩ mɛ tɩ la seke, bɩɩ mam ka tarɩ, mam mi mam wʋn ẽŋɛ se'em mɛ.

ZE'ELEGO PAALEGA

¹² Mam mi' mam tari n mɛŋa se'em mɛ, n han ta sige, gee mina mam tari n mɛŋa se'em, n han le ta zom paaɛ paaɛ. Yele ana wa, de se'ere puan, la yɛla za'a puan, mam zamehɛ la sugelum yele se'ere en boi putigerɛ puan, la kom puan, tara zo'e zo'e puan, la ka tari puan.

Filipi 4:12 ပူးပေါင်းရင်းမြစ်များ

Amatie 11:29

Dɩkɛ-ya mam sɔgrɩga sɔgɛ ya mẽŋa, zãsʋm sɛla tɩ mam wʋn pa'alɛ ya la, tɩ ya wʋn yẽ vo'osgo. Se'ere n soe la, mam de la sũ-bʋgsʋm dãana, la sik-m-mẽŋa dãana.

Amatie 13:52

Tɩ a yele ba yetɩ: «Nẽr-sɛka woo n de lɔɔ karẽnsãama dee zãsʋm Nawẽnnɛ so'olʋm yelle pa'asɛ, ãn wʋ yidãana n loorɩ bõn-kɛgsɩ, la bõn-paalsɩ a bõntarsõm pʋam bɔ'ɔra nẽrba.»

2 Korẽntɩ 10:1

Mam Apolɩ tɩ ya yetɩ, mam sãn bɔna yãma zẽ'am, mam de la nẽr-bʋgsgɔ, la mam sãn ka bɔna yãma zẽ'am, mam tarɩ la bʋraanɛ tɔgra la, mam belnɩ ya mɛ la Krisi sũ-bʋgsʋm, la a sõŋa.

2 Korẽntɩ 10:10

Se'ere n soe la, nẽrba n yetɩ se'em n wãna: «Apolɩ gõnnɔ na yetɔga kɛ'ɛm mɛ, dee dɛna toogo. La a mẽŋa sãn bɔna tõma zẽ'am, a ka tarɩ pãŋa, tɩ a yetɔga la dɛna ninbãalga.»

2 Korẽntɩ 11:27

Mam daan tõm tõon-ke'eno nãmsɛ mɛ. La nõorɛ faa mam ka gĩse. Kɔm, la koyũuro yõkɛ mam mɛ. Mam gã'arɛ kɔm mɛ wakatɛ basɛba. Wakatɛ basɛba ɔɔrɔ yõkɛ mam mɛ, tɩ mam ka tara fuugo wʋn pile.

2 Korẽntɩ 11:7

Mam n daan mõolɛ Nawẽnnɛ kõ-yẽlga la bɔ yãma la, mam ka botɩ ya bɔ sɛla. Mam daan sike m mẽŋa mɛ, dee zẽkɛ yãma. Yãma tẽ'esɛ tɩ mam n daan ẽŋɛ se'em na de la be'em bɩɩ?

2 Korẽntɩ 11:9

La mam n daan boe ya zẽ'am bɔɔra sõŋrɛ sɛba wuu la, mam ka te'ege ya nẽra nẽra tɩ a sõŋɛ mam. La daan de la tɩ sɔbi-sɛba n ze'ele Masedʋanɩ wa'am na n daan bɔ mam sɛla wuu n pɔ'ɔgɛ mam na. Mam daan guusri m mẽŋa mɛ tɩ m da dɛna zeero bɔ ya, la mam wʋn ken ãna la bɛla.