Filipi 4:11 - Farefare Ninkaré

¹¹ La dagɩ tɩ mam boorɩ la sɛla ĩyã tɩ mam yele bɛla. Mam zãsʋm mɛ ɩta sũ-yẽlga sɛla woo pʋam la bõn-sɛka tɩ mam tarɩ la.

ZE'ELEGO PAALEGA

¹¹ Dagi mam n yeti ŋwana wa dela, n boti la sɛla ya zi'an. Se'ere en sɔi la, mam zamehɛ mɛ ti sadɔɔ seko woo puan, n nini tigɛ la sɛla ti n tara mɛ.

Filipi 4:11 ပူးပေါင်းရင်းမြစ်များ

Aluki 3:14

Tɩ sʋdaasɩ mẽ soke ẽ yetɩ: «Dee tõma, tɩ wʋn ẽŋɛ la wãne?» Tɩ a yele ba yetɩ: «Da to'oge-ya nẽra bõnɔ la pãŋa bɩɩ dõrɛ nẽrba to'oge sɛla. Basɛ-ya tɩ ya yɔɔrɔ la seke ya.»

2 Korẽntɩ 11:27

Mam daan tõm tõon-ke'eno nãmsɛ mɛ. La nõorɛ faa mam ka gĩse. Kɔm, la koyũuro yõkɛ mam mɛ. Mam gã'arɛ kɔm mɛ wakatɛ basɛba. Wakatɛ basɛba ɔɔrɔ yõkɛ mam mɛ, tɩ mam ka tara fuugo wʋn pile.

2 Korẽntɩ 6:10

Ba bɩsrɩ tõma wʋ tõma tarɩ la sũ-sã'aŋɔ, la tõma tarɩ la sũ-yẽlga daarɛ woo. Ba bɩsrɩ tõma wʋ nasdõma, dee tɩ tõma botɩ nẽrba zozo'e tara bõntarsõm. Ba bɩsrɩ tõma wʋ nẽrba n ka tarɩ sɛla, dee tɩ tõma tara sɛla woo.

2 Korẽntɩ 8:9

Yãma mi tõma Zuudãana Azezi-krisi yel-sõnnɛ na mɛ: Baa la ẽŋa n daan de bõntarsõm dãana la, a daan ẽŋɛ a mẽŋa la nasa yãma ĩyã. Tɩ ẽn ẽŋɛ a mẽŋa nasa la, wʋn botɩ yãma lebge bõntatba Nawẽnnɛ zẽ'am.

2 Korẽntɩ 9:8

La Nawẽnnɛ tarɩ ke'eŋo mɛ tãna wʋn bɔ ya bõn-sõma buuri wuu, tɩ ya wʋn tara yãma n boorɩ sɛla la wuu daarɛ woo tɩ la seke, dee tara sɛla wʋn tõm tõon-sõma wuu.

Filipi 3:8

Mam n bãŋɛ Azezi-krisi n de m Zuudãana n ãn sõŋa gãnna wuu la, mam bɩsɛ bõn-bãma wuu wʋ sɛla n ka tarɩ yõorɔ. Krisi ĩyã mam basɛ bõn-bãma mɛ, bɩsɛ ba wʋ sɔgrɔ tɩ m tã'agɛ yẽ Krisi,

Hiburuduma 10:34

La yãma zoe sɛba n boe yʋ'a deem na ninbãalga mɛ. La ban fã yãma lɔgrɔ la, yãma sakɛ mɛ koŋe ba la sũ-yẽlga, yãma n mi tɩ yãma tarɩ la bõntarsõm sõma n gãnnɩ bɛla n kãn sã'am na ĩyã.