Filipi 3:20 - Farefare Ninkaré

²⁰ La sãn dɛna tõma, tõma de la Nawẽnnɛ yire nẽrba, tõma gu'uri la Zuudãana Azezi-krisi n de tɩ Fãagra tɩ a ze'ele bilam wa'am.

ZE'ELEGO PAALEGA

²⁰ Gee tumam timbiine la boi la saazuo ha. Bilam ti tu gura ti tu faara la wan ze'ele na, tu Daana Yezu Kiresta la.

Filipi 3:20 ပူးပေါင်းရင်းမြစ်များ

Amatie 19:21

Tɩ Azezi yele ẽ yetɩ: «Fʋ sãn bɔɔra tɩ fʋ masɛ sɛla woo pʋam, sẽŋɛ ka koose fõn tarɩ sɛla la wuu dɩkɛ bɔ nasdõma, tɩ fʋ wʋn yẽ bõntarsõm Nawẽnnɛ yire, dee wa'am wa dɔla mam.»

Aluki 12:21

La Azezi le yetɩ: «La de la bɛla la nẽr-sɛka woo n lagsrɩ bõntarsõm bĩŋra a mẽŋa ĩyã, dee ka tara sɛla sɛla Nawẽnnɛ zẽ'am.»

Aluki 14:14

Fʋ sãn ẽŋɛ bɛla, fʋ wʋn tara zu-yẽlga, se'ere n soe la, ba kãn yãŋɛ ẽŋɛ lebse fo. Bɛla, wakat-sɛka tɩ Nawẽnnɛ wʋn botɩ nẽr-sɛba n ẽŋɛ sɛla n masɛ a yɛm na vo'oge la, fʋ wʋn yẽ yɔɔrɔ.»

Tõoma 1:11

dee soke ba yetɩ: «Galile nẽrba, bẽm tɩ yãma zɛ bɩsra saazuum? Azezi n yese ya zẽ'am wɛ Nawẽnnɛ yire wã, a wʋn le leme wʋ yãma n yẽ ẽ tɩ a wɛ'ɛsa se'em wã.»

1 Korẽntɩ 1:7

Bɛla, yãma ka koŋe bɔ'a baa ayɩla, yãma n gu'uri tɩ tɩ Zuudãana Azezi-krisi wa'am wa puke a mẽŋa la.

1 Korẽntɩ 15:48

Dũnia nẽrba wuu ãn wʋ nẽr-sɛka tɩ Nawẽnnɛ yʋʋn dɩkɛ tẽŋa tẽntõnnɔ nãam na. Tɩ Nawẽnnɛ yire nẽrba mẽ ãna wʋ nẽr-sɛka n ze'ele Nawẽnnɛ yire wa'am na.

2 Korẽntɩ 4:18

Tõma pʋtẽ'erɛ n boe la sɛla la, dagɩ sɛla tɩ nini yẽtɩ. A de la sɛla tɩ nini ka yẽtɩ. Bõn-sɛka tɩ nini yẽtɩ tollɩ mɛ. La sɛla tɩ nini ka yẽtɩ la boe la wakatɛ n ka ba'asrɩ.

2 Korẽntɩ 5:8

Tõma tarɩ bʋraanɛ mɛ zo'oge, dee boorɩ nɩ tɩ tɩ basɛ dũnia ĩyã wã, dee sẽŋɛ ka bɔna Zuudãana la zẽ'am.

Galatɩ 4:26

La Zerizalɛm sɛka n boe saazuum na ka boe yamnɛ pʋam, tõma de la tẽn-ẽŋa nẽrba, wʋ Asaara kɔma n dagɩ yamsɩ la.

Efɛɛzɩ 2:19

Bɛla, ya ka le dɛna sãama, bɩɩ nẽrba n ze'ele zẽ'a ayẽma, ya de la buuri ayɩla la Nawẽnnɛ nẽrba, ya de la a yire nẽrba.

Efɛɛzɩ 2:6

La de la tõma n lagɩm na Azezi-krisi dɛna ayɩla la ĩyã, tɩ Nawẽnnɛ lagɩm tõma la Krisi vo'oge, basɛ tɩ tɩ lagɩm na ẽŋa zĩ'ire Nawẽnnɛ yire.

Filipi 1:10

tɩ ya wʋn bãŋɛ sɛla n ãn sõŋa, tɩ Krisi lemŋo daarɛ ya wʋn dɛna pʋpeelem dõma ka tara dõrga,

Filipi 1:27

La bõn-sɛka n gãnnɩ wuu, de la ya basɛ tɩ ya yel-ɩrɛ ãna wʋ Krisi kõ-yẽlga la n pa'alɩ se'em na. Tɩ mam sãn wa'am ya zẽ'am bɩɩ m sãn ka wa'am, m wʋn wõm tɩ ya ze la kãŋkãŋɛ, tara yɛm ayɩla, lagɩm taaba la pʋtẽ'erɛ ayɩla mõrgra tõnna tɩ nẽrba bɔ'ɔra kõ-yẽlga la sɩra.

Kolɔsɩ 1:5

yãma n tarɩ pʋtẽ'erɛ gu'ura sɛla tɩ Nawẽnnɛ bĩŋe a yire gu'ura tɩ a bɔ ya la ĩyã. La de la yãma n dẽŋɛ wõm sɩra yetɔga n de Nawẽnnɛ kõ-yẽlga la, n botɩ yãma tara pʋtẽ'erɛ ẽŋa.

1 Tesaloniki 1:10

dee gu'ura a Dayʋa Azezi n wʋn ze'ele Nawẽnnɛ yire wa'am. La de la ẽŋa n daan ki, tɩ Nawẽnnɛ botɩ a vo'oge, ẽŋa n yetɩ a fãagɛ tɔ Nawẽnnɛ sũ-isgre n sẽm na pʋam.

1 Tesaloniki 4:16

Se'ere n soe la, nõorɛ n wʋn bɔ, tɩ malɛkadõma naba tɔgɛ ke'enke'em, tɩ Nawẽnnɛ benkonne peebe, tɩ Zuudãana mẽŋa ze'ele Nawẽnnɛ yire sige, tɩ sɛba n dolɩ Azezi dee ki la dẽŋɛ vo'oge.

2 Timoti 4:8

Lɛɛlɛ wã, tã'arɛ yɔɔrɔ gã mɛ gu'ura mam, tɩ Zuudãana n diti sarɩya wʋ lan masɛ la, wʋn dɩkɛ bɔ mam daarɛ ẽŋa daarɛ. La, la dagɩ mam mã'a, la de la nẽr-sɛba wuu n nõŋɛ ẽ bɔɔra tɩ a leme wa'am na.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Hiburuduma 12:22

La yãma lɛm na tãŋa tɩ ba wi'iri tɩ Siyõ tãŋa n de vɔm dãana Nawẽnnɛ tẽŋa, ẽŋa n de Zerizalɛm mẽŋa mẽŋa n boe Nawẽnnɛ yire, tɩ malɛkadõma tʋsa tʋsa bɔna mĩ.

Hiburuduma 9:28

Bɛla mẽ, Krisi dɩkɛ a mẽŋa bɔ la nõorɛ ayɩla yese nẽrba zozo'e tõon-be'ero basɛ. A wʋn le leme wa'am mɛ nõorɛ bʋyi pʋam, la, la kãn dɛna tõon-be'ero yɛsga ĩyã, la de la nẽr-sɛba n gu'uri ẽ tɩ ba yẽ fãarɛ la ĩyã.

Lilegere 1:7

Bɩsɛ-ya, a boe la sawara pʋam sẽna. Nẽrsaalba wuu wʋn yẽ ẽ, baa la nẽr-sɛba n daan lʋ ẽ na. Buuri wuu nẽrba n boe dũnia wʋn kɛlla mɛ fabla a yelle. Ẽe, la de la bɛla. Amina.