Filipi 2:9 - Farefare Ninkaré

⁹ Bɛla ĩyã tɩ Nawẽnnɛ zẽkɛ ẽ halɩ, bɔ ẽ yʋ'ʋrɛ n gãnnɩ yʋ'ʋra wuu.

ZE'ELEGO PAALEGA

⁹ Ŋwana zuo ti Yinɛ me zɛkɛ en saazuo gee bo' en yu'se'ere en gani yu'ura za'a,

Filipi 2:9 ပူးပေါင်းရင်းမြစ်များ

Amatie 11:27

«Mam Sɔ dɩkɛ sɛla woo ẽŋɛ la mam nu'usum. La nẽra ka mi mam n de Nawẽnnɛ Dayʋa la n de sɛka, sãn dagna mam Sɔ la, la nẽra mẽ ka mi mam Sɔ la n de se'em, sãn dagna mam n de a Dayʋa la, la sɛba tɩ mam wʋn botɩ ba bãŋɛ ẽ na.»

Amatie 28:18

Tɩ Azezi lɛm ba, yele ba yetɩ: «Nawẽnnɛ bɔ mam pãŋa wuu n boe saazuum, la tẽŋa wã zuo mɛ.

Aluki 10:22

«Mam Sɔ dɩkɛ sɛla woo ẽŋɛ la mam nu'usum. La nẽra ka mi mam n de Nawẽnnɛ Dayʋa la n de sɛka, sãn dagna mam Sɔ la, la nẽra mẽ ka mi mam Sɔ la n de se'em, sãn dagna mam n de a Dayʋa la, la sɛba tɩ mam wʋn botɩ ba bãŋɛ ẽ na.»

Azã 13:3

La Azezi daan mi tɩ ẽŋa ze'ele la Nawẽnnɛ zẽ'am wa'am, la ẽŋa lebrɩ la Nawẽnnɛ zẽ'am, la a mi tɩ ẽŋa Sɔ Nawẽnnɛ dɩkɛ sɛla woo ẽŋɛ la ẽŋa nu'usum.

Azã 17:11

Mam ka le bɔna dũnia zuo, la bãma boe la dũnia zuo dee tɩ mam sẽna fõn zẽ'am. M Sɔ n de pʋpeelem dãana, gu'ura ba la fʋ yʋ'ʋrɛ la tɩ fʋ bɔ mam na pãŋa, tɩ ba wʋn dɛna ayɩla wʋ mam la fõn n de ayɩla se'em na.

Azã 17:12

Mam n daan boe la ba lɛ la, mam daan gu'uri ba la yʋ'ʋr-sɛka tɩ fõn bɔ mam na pãŋa. Mam bɩsɛ ba yelle mɛ sõŋa sõŋa, tɩ nẽra baa ayɩla ka bɔɩ, sãn dagna sɛka n de a sã'am, tɩ fõn gõŋɔ n yele se'em na ẽŋɛ la.

Azã 17:5

Lɛɛlɛ wã, m Sɔ, botɩ m yẽ nã'asgɔ fʋ zẽ'am, wʋ mam n daan tarɩ na'am pãŋa fʋ zẽ'am se'em, lan dẽŋɛ dũnia n daan nãn ka nãam na.

Tõoma 5:31

Nawẽnnɛ zẽkɛ ẽ mɛ zĩ'ire a zʋʋgɔ bɔba, botɩ a dɛna nẽŋam dãana la Fãagra bɔ Ɩsrayɛlɩ dõma sore tɩ ba teege yɛm basɛ tõon-be'ero tɩ Nawẽnnɛ basɛ ba tõon-be'ero taalɛ.

Efɛɛzɩ 1:10

Wakatɛ la sãn wa paagɛ, Nawẽnnɛ wʋn ẽŋɛ ẽŋa n looge yɛm tɩ a ẽŋɛ se'em na mɛ, a wʋn lagsɛ sɛla wuu n boe saazuum, la dũnia zuo, tɩ ba sakɛ Zuudãana ayɩla n de Krisi.

Kolɔsɩ 1:18

Ẽŋa n de a nẽrba n de a ĩyã la zuudãana. Ẽŋa n de sɛla woo pɔspɔsɩ dãana, ẽŋa n de pɔspɔsɩ dãana n vo'oge dee basɛ kũm tɩ a dɛna sɛla woo nẽŋadãana.

2 Tesaloniki 1:12

Bɛla tɩ tɩ Zuudãana Azezi yʋ'ʋrɛ wʋn yẽ nã'asgɔ ya zẽ'am, tɩ yãma mẽ yẽ nã'asgɔ a zẽ'am. Bɛla wuu de la Nawẽnnɛ, la tɩ Zuudãana Azezi-krisi yel-sõnnɛ.

Hiburuduma 1:4

Tɩ Nawẽnnɛ zẽkɛ ẽ tɩ a gãnna malɛkadõma halɩ zozo'e dee bɔ ẽ yʋ'ʋrɛ n gãnnɩ malɛkadõma yʋ'ʋra.

Hiburuduma 1:9

Fõn nõŋɛ la sɛla n masɛ, dee sisra be'em. Bɛla n soe tɩ fʋ Nawẽnnɛ welge fʋ to'ore, bɔ fɔ pẽka, la sũ-yẽlga gãnna basɛba wuu.»

Hiburuduma 12:2

Tɩ bɩsra-ya Azezi, ẽŋa n botɩ tɩ bɔ sɩra, dee wʋn tarɩ tɩ paagɛ a ba'asgɔ zẽ'am. A wĩbe mɛ ki dɔ-puurŋa zuo ka zoe yãnnɛ, se'ere n soe la, a yẽ sũ-yẽlga sɛka n gu'uri ẽ na mɛ, la a yãŋa zĩ la Nawẽnnɛ na'am bĩmbĩnne zʋʋgɔ.

Hiburuduma 2:9

La tõma yẽ tɩ la de la Azezi tɩ Nawẽnnɛ sike tɩ a ka paagɛ malɛkadõma wakatɛ fẽfẽe, dee yãŋa nã'asɛ ẽ, bɔ ẽ na'am pãŋa la pẽka ẽn nãmsɛ ki la ĩyã. La de la Nawẽnnɛ yel-sõnnɛ ĩyã, tɩ a ki nẽrsaalba wuu ĩyã.

1 Pita 3:22

Ẽŋa n zẽkɛ sẽŋɛ Nawẽnnɛ yire ka zĩ'ire Nawẽnnɛ zʋʋgɔ bɔba, tɩ malɛkadõma, la kɛ'ɛndõma, la pãnsɩ dõma wuu sakra ẽ.

2 Pita 1:17

La de la Nawẽnnɛ n de Sɔ la, n bɔ ẽ nã'asgɔ, la na'am pãŋa. Ẽŋa n de na'am pãŋa wuu dãana la yetɩ: «Ẽna de la mam Dayʋa tɩ mam nõŋɛ la m sũure wuu, a paagɛ la mam yɛm.»

3 Zã 1:7

Se'ere n soe la, Azezi-krisi tõoma yelle tɩ ba wɛ'ɛsa sore la, dee ka to'oge sɛla nẽr-sɛba n ka dolɩ Azezi la zẽ'am.

Lilegere 11:15

Tɩ malɛka bʋyopɔɩ dãana peebe benkonne, tɩ kõosɩ ze'ele Nawẽnnɛ yire tɔgɛ ke'enke'em yetɩ: «Dũnia so'olʋm lebge la tõma Zuudãana, la Krisi tɩ a tõm na n soe, la a na'am na boe la wakatɛ n ka ba'asrɩ.»

Lilegere 19:16

Yʋ'ʋrɛ n gʋlsɛ a fuugo zuo, la a gere zuo yetɩ: «Na'adõma Naba, la zuudãandõma Zuudãana.»

Lilegere 3:21

Nẽr-sɛka n yãŋɛ, mam wʋn botɩ a lagɩm na mam po zĩ'ire mam na'am bĩmbĩnne zuo, wʋ mam yãŋɛ po lagɩm na mam Sɔ Nawẽnnɛ zĩ'ire a na'am bĩmbĩnne zuo la.

Lilegere 5:12

Ba daan yõonɩ mɛ ke'enke'em yetɩ: «Pebila tɩ ba daan kʋ la n masɛ tɩ a to'oge ke'eŋo, la bõntarsõm, la yɛm, la pãŋa, la nã'asgɔ, la na'am pãŋa, la pẽka.»