Filipi 2:7 - Farefare Ninkaré

⁷ A sike a mẽŋa mɛ, basɛ ẽŋa n ãn se'em na, dee lebge nẽrsaala, ẽŋɛ a mẽŋa tõntõnna, wa bɔna la nẽrsaalba lɛ.

ZE'ELEGO PAALEGA

⁷ gee a daa bihɛ a mɛŋa la zaŋa, dikɛ a mɛŋa lebege yameŋa, ti ba dɔgɛ en ti a dɛna asaala. Tara asaala naanɛ,

Filipi 2:7 ပူးပေါင်းရင်းမြစ်များ

Amatie 12:18

A yʋʋn yetɩ: «Mam tõntõnna tɩ mam looge n wãna: Nẽr-sɛka tɩ mam nõŋɛ, a paagɛ la mam yɛm. Mam wʋn basɛ tɩ m Sɩa pãŋa bɔna la ẽ, tɩ a mõolɛ sɩra, la sɛla n masɛ mam yɛm bɔ buuri wuu.

Amatie 20:28

Nẽrsaala Dayʋa la ka wa'am tɩ nẽrba tõm bɔ ẽ, a wa'am tɩ a tõm mɛ bɔ, dee dɩkɛ a vɔm bɔ tɩ nẽrba zozo'e yẽ fãarɛ.»

Amarkɩ 9:12

Tɩ a lerge ba yetɩ: «Asɩra, A'eli n wʋn dẽŋɛ wa'am wa malgɛ sɛla woo. La bẽm tɩ la gʋlsɛ Nẽrsaala Dayʋa la yelle yetɩ, a wʋn nãmsɛ mɛ zozo'e dee yẽ pɔ'ɔrɛ?

Aluki 22:27

La ãne n de nẽr-keko gãnna, sɛka n zĩ dita la bɩɩ, sɛka n tõnnɩ bɔ'ɔra ẽ na? La dagɩ sɛka n zĩ dita la? La mam boe ya pʋam wʋ tõntõnna la.

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Aromduma 1:3

La de la Nawẽnnɛ Dayʋa n de tɩ Zuudãana Azezi-krisi la yelle. Ẽŋa n lebge nẽrsaala la, a de la naba Adavidi yɩɩŋa.

Aromduma 15:3

Azezi-krisi ka ɛ sɛla n ãn a mẽŋa sũure yẽlʋm, wʋ lan gʋlsɛ Nawẽnnɛ gõŋɔ pʋam yetɩ: «Tʋʋrɛ sɛba tɩ ba tʋʋrɩ Nawẽnnɛ na, sige la mam zuo.»

Aromduma 15:8

Mam yetɩ ya mɛ tɩ Krisi lebge la Zifdõma tõntõnna, tɩ a ẽŋɛ Nawẽnnɛ n yʋʋn bĩŋe a nõorɛ la tɩ yaabdõma se'em na, pa'alɛ tɩ Nawẽnnɛ de la sɩra dãana.

Aromduma 8:3

Lɔɔ la ka tã wʋn fãagɛ nẽrsaalba basɛ, se'ere n soe la, nẽrsaalba ɩtɩ la ba mẽŋa n boorɩ se'em botɩ a ka tarɩ pãŋa. La sɛla tɩ lɔɔ la ka tã'agɛ ẽŋɛ la, Nawẽnnɛ ẽŋɛ mɛ. A tõm na a mẽŋa Dayʋa, tɩ a lebge nẽrsaala ãna wʋ nẽrsaalba n de tõon-be'ero dõma, tɩ a ki yese tõon-be'ero. A kũm na pʋam tɩ Nawẽnnɛ di tõon-be'ero sarɩya sã'am a pãŋa nẽrsaalba pʋam.

2 Korẽntɩ 13:4

Asɩra, a ẽŋɛ a mẽŋa la tarma, tɩ ba ka ẽ dɔ-puurŋa zuo. La a vɔa mɛ la Nawẽnnɛ pãŋa. Tõma n de ayɩla la Krisi la, tõma mẽ de la tarɩmdõma, la tõma vɔa la Krisi lɛ, wʋn tõnna yãma zẽ'am la Nawẽnnɛ pãŋa.

2 Korẽntɩ 8:9

Yãma mi tõma Zuudãana Azezi-krisi yel-sõnnɛ na mɛ: Baa la ẽŋa n daan de bõntarsõm dãana la, a daan ẽŋɛ a mẽŋa la nasa yãma ĩyã. Tɩ ẽn ẽŋɛ a mẽŋa nasa la, wʋn botɩ yãma lebge bõntatba Nawẽnnɛ zẽ'am.

Galatɩ 4:4

La wakat-sɛka tɩ Nawẽnnɛ looge la n paagɛ la, a tõm na a mẽŋa Dayʋa, tɩ pɔka dɔgɛ ẽ, tɩ a dɔla Zifdõma lɔɔ la,

Filipi 2:6

Azezi-krisi la Nawẽnnɛ n de ayɩla la, a ka tẽ'esɛ tɩ ẽŋa n zõn na Nawẽnnɛ na, de la sɛla tɩ ẽŋa wʋn gʋrɛ kãŋkãŋɛ.

Hiburuduma 12:2

Tɩ bɩsra-ya Azezi, ẽŋa n botɩ tɩ bɔ sɩra, dee wʋn tarɩ tɩ paagɛ a ba'asgɔ zẽ'am. A wĩbe mɛ ki dɔ-puurŋa zuo ka zoe yãnnɛ, se'ere n soe la, a yẽ sũ-yẽlga sɛka n gu'uri ẽ na mɛ, la a yãŋa zĩ la Nawẽnnɛ na'am bĩmbĩnne zʋʋgɔ.

Hiburuduma 13:3

Tẽra-ya sɛba n boe yʋ'a deem na yelle, wʋ yãma mẽ po bɔna la yʋ'a deem na. Tẽra-ya sɛba tɩ ba nãmsrɩ ba la yelle, wʋ yãma mẽŋa n nãmsrɩ la.

Hiburuduma 4:15

Tɩ tarɩ la kãabgɔ kẽma nẽŋadãana n tarɩ tɩ zĩile tɩ tɔrgɔ pʋam, se'ere n soe la, a yẽ nãmsgɔ mɛ sɛla woo pʋam wʋ tõma la, la a ka tõm tõon-be'ero.