Filipi 2:6 - Farefare Ninkaré

⁶ Azezi-krisi la Nawẽnnɛ n de ayɩla la, a ka tẽ'esɛ tɩ ẽŋa n zõn na Nawẽnnɛ na, de la sɛla tɩ ẽŋa wʋn gʋrɛ kãŋkãŋɛ.

ZE'ELEGO PAALEGA

⁶ Eŋa se'em, en daa pun dɛna Yinɛ mɛŋa naanɛ la, a daa ka bihɛ eŋa en zuni la Yinɛ la, ti la dɛna sɛla bo' en. Dɛna sɛla ti a gurɛ kankaŋi,

Filipi 2:6 ပူးပေါင်းရင်းမြစ်များ

Amatie 1:23

«Bɩsɛ-ya, pugla n nãn ka mi bʋraaga wʋn yõkɛ pʋʋrɛ dɔgɛ budibla, tɩ ba wi'ira a yʋ'ʋrɛ tɩ A'emanuwɛlɩ.» A võorɛ de la Nawẽnnɛ boe la tɩ lɛ.

Azã 1:18

Nẽra nẽra nãn ka yẽ Nawẽnnɛ. La de la Nawẽnnɛ Bi-yẽŋa la n boe la ẽ lɛ n botɩ tõma bãŋɛ ẽ, ẽŋa la Nawẽnnɛ de la bʋyɩla.

Azã 10:30

Mam, la mam Sɔ la de la ayɩla.»

Azã 10:33

Tɩ Zifdõma la lerge ẽ yetɩ: «La dagɩ tõon-sõma yelle tɩ tõma bɔɔra tɩ tɩ lobe fʋ la kuga kʋ, la de la Nawẽnnɛ yʋ'ʋr-sã'aŋɔ la ĩyã, fõn de nẽrsaala dee ẽŋɛ fʋ mẽŋa tɩ fõn de la Nawẽnnɛ na ĩyã.»

Azã 10:38

La mam sãn tõnna a tõoma, baa ya sãn ka bɔ mam sɩra, ya bɔ m tõoma la sɩra, tɩ ya tã'agɛ bãŋɛ, la ya sakɛ sɩra tɩ mam Sɔ la boe la mam lɛ mɛ, tɩ mam mẽ bɔna la ẽ.»

Azã 14:28

Ya wõm mam n yele ya tɩ mam we'esɩ mɛ, la mam wʋn leme wa'am ya zẽ'am. Ya sãn nõŋɛ nɩ mam, ya wʋn ẽŋɛ nɩ sũ-yẽlʋm mam n we'esɩ m Sɔ zẽ'am na ĩyã. Se'ere n soe la, mam Sɔ la n gãnnɩ mam.

Azã 14:9

Tɩ Azezi lerge ẽ yetɩ: «Afilipi, mam boe la ya yuuge mɛ, tɩ fõn nãn ken ka mina mam? Sɛka n yẽ mam, yẽ mam Sɔ mɛ. La ẽŋɛ la wãne tɩ fõn yetɩ, m pa'alɛ ya m Sɔ la?

Azã 17:5

Lɛɛlɛ wã, m Sɔ, botɩ m yẽ nã'asgɔ fʋ zẽ'am, wʋ mam n daan tarɩ na'am pãŋa fʋ zẽ'am se'em, lan dẽŋɛ dũnia n daan nãn ka nãam na.

Azã 20:28

Tɩ Atoma lerge ẽ yetɩ: «Fʋ de la mam Zuudãana la mam Nawẽnnɛ.»

Azã 5:18

Tɩ Zifdõma nẽŋadõma daan malɩn ɛɛra tɩ ba kʋ ẽ, la dagɩ ẽn sã'am vo'osgo daarɛ sisgo la mã'a ĩyã, la de la ẽn ken wi'ira Nawẽnnɛ tɩ ẽŋa Sɔ, ɩta a mẽŋa wʋ Nawẽnnɛ na ĩyã.

Azã 5:23

tɩ nẽrba wuu wʋn nã'asra Dayʋa la, wʋ ba nã'asrɩ a Sɔ la se'em na. La sɛka n ka nã'asrɩ Dayʋa la, a ka nã'asrɩ Sɔ la n tõm ẽ na.

Aromduma 9:5

Ba buuri la ze'ele la tɩ sɔ-yaaba Abraham, la a yɩɩsɩ la pʋam. La Krisi n lebge nẽrsaala la, de la bãma buuri nẽra. Ẽŋa n de Nawẽnnɛ n gãnnɩ sɛla woo la n soe pẽka wakatɛ n ka tarɩ ba'asgɔ. Amina.

2 Korẽntɩ 4:4

La de la sɛba n ka bɔ Nawẽnnɛ sɩra la. Asũtãana n de dũnia wã naba la n pĩ ba yɛm tɩ ba da bãŋɛ Krisi n de Nawẽnnɛ wõnnɛ na kõ-yẽlga na'am pãŋa.

2 Korẽntɩ 8:9

Yãma mi tõma Zuudãana Azezi-krisi yel-sõnnɛ na mɛ: Baa la ẽŋa n daan de bõntarsõm dãana la, a daan ẽŋɛ a mẽŋa la nasa yãma ĩyã. Tɩ ẽn ẽŋɛ a mẽŋa nasa la, wʋn botɩ yãma lebge bõntatba Nawẽnnɛ zẽ'am.

1 Timoti 1:17

Nawẽnnɛ n de naba wakatɛ wuu, n ka kiiri, tɩ nini ka yẽta ẽ, ẽŋa ayɩla mã'a sɔna pẽka la nã'asgɔ wakatɛ n ka ba'asrɩ. Amina.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Hiburuduma 1:3

Ẽŋa n tarɩ Nawẽnnɛ na'am pãŋa wa pa'alɛ tɔ, a ãn wʋ Nawẽnnɛ mẽŋa n ãn se'em na. La a yetɔga la tarɩ pãŋa mɛ botɩ sɛla woo bɔna a zẽ'a. Ẽŋa n yese nẽrsaalba tõon-be'ero tɩ ba lebge sõŋa la poorʋm, a sẽŋɛ ka zẽa la Naba Wẽnnɛ zʋʋgɔ saazuum-zuum.

Hiburuduma 1:6

La ẽn daan tõm a bi-kẽŋa la dũnia pʋam na, a yele yetɩ: «Dẽnɩ tɩ malɛkadõma wuu nã'asra ẽ.»

Hiburuduma 1:8

La a yele a Dayʋa la yelle yetɩ: «Fõn de la Nawẽnnɛ, fʋ na'am na wʋn bɔna la wakatɛ n ka ba'asrɩ. Fʋ wʋn sɔna fʋ so'olʋm na la sɩra.

Hiburuduma 13:8

Azezi-krisi de la ẽn ãn se'em zaam, la zĩna, la wakatɛ wuu.

Lilegere 21:6

Dee le yele mam yetɩ: «La ẽŋɛ ba'asɛ mɛ. Mam de la Alfa, la Omega, sɛla woo pĩ'iluŋo, la ba'asgɔ. Koyũuro n tarɩ sɛka, mam wʋn bɔ ẽ ko'om n bulli n bɔ'ɔrɩ vɔm zãŋa tɩ a yũ.