Filipi 2:3 - Farefare Ninkaré

³ Da ɩta-ya sɛla sɛla gẽela taaba la pa'al-m-mẽŋa, sikra ya mẽŋa tẽ'esra tɩ nẽrba basɛba la gãnnɩ ya.

ZE'ELEGO PAALEGA

³ Da iti ya sɛla nyika puti'irɛ puan, bii pa'alɛ n mɛŋa yooro puan, gee sigehe n mɛhi puan, tugum bihɛ ya nyɛta sɛba gana ya mɛhi.

Filipi 2:3 ပူးပေါင်းရင်းမြစ်များ

Aluki 18:14

Azezi yele bɛla dee yetɩ: «Mam yetɩ ya mɛ tɩ bʋra-ẽna wã n kule la, a yelle masɛ mɛ Nawẽnnɛ zẽ'am, dee tɩ Farisi nẽra la yelle ka masɛ. Se'ere n soe la, nẽr-sɛka woo n zẽkrɩ a mẽŋa, Nawẽnnɛ wʋn sike ẽ mɛ, la nẽr-sɛka n sikri a mẽŋa, Nawẽnnɛ wʋn zẽkɛ ẽ.»

Aromduma 12:10

Nõŋɛ-ya taaba sɔbiisi nõŋlʋm. La ya nanna taaba, tẽ'esra taaba yelle.

Aromduma 13:13

Basɛ-ya tɩ tɩ tõnna la pʋpeelem wʋ nẽrba n sẽnnɩ wʋntɛɛŋa. Tɩ basɛ-ya pʋyã'an-yooro, la dãam buka, la tũulgo, la yalsɩ, la zɛbrɛ, dee da ɩta sũure la taaba.

Aromduma 2:8

La nẽr-sɛba n ka sakɛ bɔ, sɩ'ɩsra sɩra, dee ɩta sɛla n ka masɛ la, wʋn yẽ Nawẽnnɛ sũ-isgre, la sɩbgrɛ.

1 Korẽntɩ 15:9

Mam de la pɩka Tõntõnɩba la wuu zẽ'am, dee ka nara tɩ ba wi'ira mam tɩ Tõntõnna, mam n daan nãmsɛ Nawẽnnɛ nẽrba la ĩyã.

1 Korẽntɩ 3:3

yãma n ken vɔa wʋ ya mẽŋa n boorɩ se'em na ĩyã. Ya sãn ɩta sũure zɛbra la taaba, bɛla ka pa'alɛ tɩ ya vɔa wʋ ya mẽŋa n boorɩ se'em, dee ɩta wʋ dũnia nẽrba n ɩtɩ se'em na sɩra?

2 Korẽntɩ 12:20

Mam zotɩ mɛ tɩ m wʋn wa paam ya zẽ'am yẽ tɩ ya ka ãn wʋ mam n boorɩ se'em na, tɩ yãma mẽ yẽ tɩ mam ka ãn wʋ yãma n boorɩ se'em na. Mam zotɩ mɛ tɩ zɛbrɛ, la ɩta sũure la taaba, la sũ-isgre, la gẽelgɔ, la pɔ'ɔg-taaba, la ya'anzũm, la zẽk-m-mẽŋa, la ɩr-yooro wʋn bɔna ya tẽŋasʋka.

Galatɩ 5:15

La ya sãn zɛbra la taaba, yĩ'ira dee dõnna taaba wʋ dũnsi la, guuse-ya, tɩ ya wʋn sã'am taaba mɛ ba'asɛ.

Galatɩ 5:26

Tɩ da dɛna-ya uk-m-mẽŋa dõma, tɩ da ɛɛra-ya taaba nõorɛ, bɩɩ ɩta sũure la taaba.

Efɛɛzɩ 4:2

La masɛ mɛ tɩ ya sikra ya mẽŋa sɛla woo pʋam, tara sũ-bʋgsʋm, la sũ-mã'arɛ, la ya tara nõŋlʋm da isgra sũure la taaba.

Efɛɛzɩ 5:21

Sakra-ya taaba, yãma n nã'asrɩ Krisi la ĩyã.

Filipi 2:14

Ɩta-ya sɛla woo tɩ yõŋa, la nõkɛ'ɛma wẽ'a da bɔna.

Kolɔsɩ 3:12

Yãma de la nẽr-sɛba tɩ Nawẽnnɛ looge, a nõŋɛ ya mɛ, welge ya to'ore tɩ ya dɛna a nẽrba. Bɛla, zɔta-ya taaba ninbãalga, ɩta taaba sõŋa, sikra ya mẽŋa, dee tara sũ-bʋgsʋm, la sũ-mã'arɛ.

Kolɔsɩ 3:8

La lɛɛlɛ wã, basɛ-ya bõn-bãma wuu. Basɛ-ya sũ-isgre, la sũ-yĩire, la pʋtʋʋlgɔ, la taaba tʋʋrɛ, la yetɔg-yaalsɩ mẽ ka le masɛ tɩ ba yese ya nõorʋm.

1 Timoti 6:4

a tarɩ la pa'al-m-mẽŋa zo'oge dee ka mina sɛla sɛla, la a nõŋɛ la yetɔg-yaalsɩ la nõke'ene wẽ'a. Bõn-bãma n sẽm na ɩta sũure la tadãana bõnɔ, la a ka wõm taaba, la yʋ'ʋr-sã'aŋɔ, la tẽ'esɛ be'em bɔ'ɔra nẽrba,

1 Pita 3:8

Ba'asgɔ pʋam, mam yetɩ ya wuu tɩ ya tara pʋtẽ'erɛ ayɩla, la taaba zĩile, la sɔbiisi nõŋrɛ, la ninbãal-zʋa, la sik-m-mẽŋa.

1 Pita 5:5

Bɛla mẽ, kɔmbɩ'ɩsɩ, sakra-ya kẽma la. La ya wuu tara sik-m-mẽŋa la taaba, tɩ la gʋlsɛ yetɩ: «Nawẽnnɛ sisri zẽk-m-mẽŋa dõma mɛ, dee ɩta sik-m-mẽsɩ dõma yel-sõnnɛ.»