Filipi 2:29 - Farefare Ninkaré

²⁹ To'oge-ya ẽ la sũ-yẽlga wʋ lan masɛ, ẽn de tɩ sɔbia Zuudãana sore pʋam na. Nanna-ya nẽr-bãna taaba.

ZE'ELEGO PAALEGA

²⁹ To'e ya en Daana la puan la ya pupeelum za'a, gee na'ahɛ ya nɛrebana taaba.

Filipi 2:29 ပူးပေါင်းရင်းမြစ်များ

Aluki 9:5

La zẽ'e-sɛka tɩ nẽrba ka to'oge ya, yese-ya tẽn-ẽŋa pʋam, dee pɩɩsɛ ya nãma tẽntõnnɔ basɛ. Ya sãn ẽŋɛ bɛla, la wʋn pa'alɛ ba tɩ ba ka ẽŋɛ sõŋa.»

Azã 13:20

Mam yetɩ ya la sɩra sɩra, tɩ sɛka n to'orɩ sɛka tɩ mam tõm na, a to'orɩ la mam. La sɛka n to'orɩ mam na, a to'orɩ la sɛka n tõm mam na.»

Tõoma 2:46

La daarɛ woo ba ẽn lagsra Wẽnde-kãtʋm na mɛ, la taaba yiɛ, dita dee fiisra borborɩ, tara sũ-yẽlga la yɛm ayɩla,

Tõoma 28:10

Tɩ ba daan gõŋɛ tõma sõŋa sõŋa, la tõma n daan fõrgrɩ la, ba bɔ tõma la bɔ'a n seke tõma sore la sẽnnɛ.

Tõoma 8:8

Tɩ tẽŋa la nẽrba tara sũ-yẽlga zozo'e.

Aromduma 10:15

La kõ-yẽlga la wʋn ẽŋɛ la wãne mõolɛ, Nawẽnnɛ sãn ka tõm nẽrba? Wʋ Nawẽnnɛ gõŋɔ n yele se'em na: «La de la sũ-yẽlga, fʋ sãn yẽ nẽr-sɛba n tarɩ kõ-yẽlga sẽna la.»

Aromduma 16:2

To'oge-ya ẽ sõŋa Zuudãana doosgo la pʋam, wʋ lan masɛ tɩ Nawẽnnɛ nẽrba ɩta se'em na. La sɛla sãn wa bɔna tɩ a bɔɔra ya sõŋrɛ, ya sõŋɛ ẽ. Ẽŋa mẽŋa sõŋɛ nẽrba zo'oge mɛ, la mam mẽŋa mẽ.

1 Korẽntɩ 16:10

Atimõtɩ sãn wa'am ya zẽ'am, ya to'oge ẽ sõŋa, dee ẽŋɛ-ya yan wʋn ẽŋɛ se'em tɩ a bʋraanɛ da bo'oge. Se'ere n soe la, a tõnnɩ Zuudãana tõoma la wʋ mam n tõnnɩ se'em na.

1 Korẽntɩ 16:18

Ba keŋe mam, la yãma sũure mɛ. Pẽgra-ya nẽr-bãma buuri.

2 Korẽntɩ 10:18

Se'ere n soe la, la dagɩ nẽr-sɛka n pa'alɩ a mẽŋa tɩ ẽŋa ãn sõŋa la n masɛ, la de la nẽr-sɛka tɩ Zuudãana Nawẽnnɛ yetɩ a ãn sõŋa la.

2 Korẽntɩ 7:2

Basɛ-ya tɩ tõma nõŋlʋm bɔna ya sũure pʋam. Tõma ka ẽŋɛ nẽra baa ayɩla be'em, tõma ka sã'am nẽra yelle, la tõma ka zãm nẽra to'oge a sɛla.

Filipi 2:28

Bɛla tɩ mam tõm ẽ ya zẽ'am tɔtɔ, tɩ ya sãn yẽ ẽ, ya sũure wʋn le ẽŋɛ yẽlʋm, tɩ mam mẽ sũ-sã'aŋɔ wʋn bo'oge.

Kolɔsɩ 4:10

Aristarkɩ n lagɩm na mam bɔna yʋ'a deem na pʋ'ʋsrɩ ya. Amarkɩ n de Abarnabasɩ sõogɔ la mẽ pʋ'ʋsrɩ ya. Mam põn dẽŋɛ pa'alɛ yãma, yan wʋn ẽŋɛ se'em a ĩyã mɛ, a sãn wa'am ya zẽ'am, ya to'oge ẽ sõŋa.

1 Tesaloniki 5:12

M sɔbiisi, tõma sosrɩ ya mɛ tɩ ya nanna sɛba n tõnnɩ ya tẽŋasʋka la, sɛba tɩ Zuudãana looge tɩ ba bɔna ya nẽŋa pa'ala ya Azezi sore la pʋam, dee kã'ana ya la.

1 Timoti 5:17

Wẽndeego nẽrba kẽma sãn bɩsrɩ nẽrba la yelle sõŋa, lan gãnnɩ wuu, sɛba n mõrgrɩ mõola dee zãsna Nawẽnnɛ yetɔga la, ba wʋn yẽ la nã'asgɔ bʋyi.

Hiburuduma 13:17

Sakra-ya ya nẽŋadõma nõorɛ, dee nanna ba yetɔga. La de la bãma n bɩsrɩ yãma n dolɩ Nawẽnnɛ sore la yelle, ba wʋn ka tɔgɛ pa'alɛ Nawẽnnɛ bãma n bɩsɛ ya yelle se'em mɛ. Ẽŋɛ-ya ya wʋn ẽŋɛ se'em tɩ ba tã'agɛ tõm ba tõoma la sũ-yẽlga da yõnna, tɩ bɛla ka tarɩ yõorɔ bɔ ya.

3 Zã 1:10

Bɛla, mam sãn wa wa'am, mam wʋn pa'alɛ sɛla tɩ a ẽŋɛ, la ẽn parnɩ tɔgra tõma yetɔg-be'ero la. La, la dagɩ bɛla mã'a, a ken zagsra mɛ ka tɔ'ɔsra sɔbiisi, dee mẽ gu'ura nẽr-sɛba n boorɩ tɩ ba tɔ'ɔsra ba la, digra ba Azezi nẽrba la pʋam.