Filipi 2:22 - Farefare Ninkaré

²² Ya mi Atimõtɩ n pa'alɛ ẽŋa n masɛ se'em, lagɩm na mam wʋ bia n lagɩm na a sɔ la, tõm kõ-yẽlga la tõoma se'em.

ZE'ELEGO PAALEGA

²² Gee ya mɛhi mi' Timoti tibehum en ani se'em. A ani wuu dayua la ka Sɔ la, lagum tum la mam faarɛ yelehum tuuma wa puan la a ziim za'a.

Filipi 2:22 ပူးပေါင်းရင်းမြစ်များ

Tõoma 16:2

Tɩ Azezi karẽnbiisi n boe Listri la Ikonim tẽnsʋm na daan tɔgra a yelle sõŋa.

Aromduma 5:4

Tɩ sãn mõrgra sẽnna nẽŋa, la botɩ tɩ ɩta la sɩra yãŋra. Tɩ sãn ɩta sɩra yãŋra, la botɩ tɩ tara pʋtẽ'erɛ gu'ura la sɛla tɩ tɩ bɔ sɩra la.

1 Korẽntɩ 16:10

Atimõtɩ sãn wa'am ya zẽ'am, ya to'oge ẽ sõŋa, dee ẽŋɛ-ya yan wʋn ẽŋɛ se'em tɩ a bʋraanɛ da bo'oge. Se'ere n soe la, a tõnnɩ Zuudãana tõoma la wʋ mam n tõnnɩ se'em na.

1 Korẽntɩ 4:17

Bɛla tɩ mam tõm Atimõtɩ ya zẽ'am. A de la mam bi-nõŋrɛ n de sɩra dãana Zuudãana doosgo la pʋam. Ẽŋa n wʋn tẽegɛ ya mam n vɔa se'em Krisi doosgo la pʋam, la de la bõn-bãma tɩ mam zãsnɩ Azezi nẽrba n lagsrɩ zẽ'a woo la.

2 Korẽntɩ 2:9

Mam n daan gʋlsɛ gõŋɔ la bɔ yãma la, mam daan boorɩ tɩ m bɩsɛ la ya sãn sakra mam sɛla woo pʋam.

2 Korẽntɩ 8:22

Tõma tõm na tɩ sɔbia ayẽma la bãma. Tõma makɛ ẽ mɛ nõorɛ faa bɩsɛ, la a wɩsgɛ a mẽŋa mɛ tõnna. Lɛɛlɛ wã a wɩsgɛ a mẽŋa gãnna kʋrʋm mɛ. Se'ere n soe la, a bɔ yãma sɩra zo'oge mɛ.

2 Korẽntɩ 8:24

Bɛla, ẽŋɛ-ya sɛla n pa'alɩ ba, la Wẽndeto nẽrba la tɩ ya nõŋɛ ba, tɩ ba wʋn bãŋɛ tɩ tõma n pẽgɛ yãma ba zẽ'am na, la de la sɩra.

2 Korẽntɩ 8:8

Mam n yetɩ bɛla la, la dagɩ pãŋa tɩ mam ɩtɩ ya. Mam dɩkɛ la nẽrba basɛba n ẽŋɛ se'em makɛ bɔ ya, tɩ ya pa'alɛ yãma nõŋlʋm n de nõŋlʋm sɩra sɩra se'em.

Filipi 1:12

M sɔbiisi, mam boorɩ mɛ tɩ ya bãŋɛ tɩ sɛla n ẽŋɛ mam na basɛ mɛ tɩ kõ-yẽlga la mõolgɔ sẽŋɛ nẽŋa.

Filipi 1:16

Pʋtẽ'e-sõŋɔ dõma la mõolɩ ẽ na nõŋlʋm, ba mi tɩ Nawẽnnɛ n looge mam tɩ m tɔgɛ pa'alɛ tɩ kõ-yẽlga la de la sɩra.

Filipi 1:5

yãma n sõŋɛ mam la kõ-yẽlga la tõonɛ halɩ pɔspɔsɩ daarɛ wa paam zĩna la ĩyã.

Filipi 1:7

La masɛ mɛ tɩ mam tẽ'esɛ bɛla ya wuu ĩyã, se'ere n soe la, mam yɛm boe la ya lɛ mɛ. Bẽm ĩyã, la sãn dɛna mam n boe yʋ'a deem wã, bɩɩ mam n tɔgrɩ pa'ala nẽrba tɩ kõ-yẽlga la de la sɩra la, ya wuu lagɩm na mam mɛ yẽ Nawẽnnɛ yel-sõnnɛ.

Filipi 2:20

Nẽra ka boe mam zẽ'am n tarɩ pʋtẽ'erɛ ayɩla la mam n fablɩ ya yelle, sãn dagna ẽŋa mã'a.

1 Timoti 1:18

M bia Atimõtɩ, mam zãsŋɔ n wãna tɩ mam dɩkɛ ɩta fʋ nu'usum, wʋ ban daan to'oge Nawẽnnɛ yetɔga tɔgɛ fʋ yelle se'em na: Basɛ tɩ yetɔg-bãma bɔ fʋ pãŋa, tɩ fʋ zɛbɛ zɛbrɛ sõŋa,

1 Timoti 1:2

Mam gʋlsɛ gõŋɔ wã bɔ'ɔra la Atimõtɩ n lebge mam mẽŋa bia Azezi-krisi doosgo la pʋam. Tɩ Sɔ Nawẽnnɛ, la tɩ Zuudãana Azezi-krisi wʋn ẽŋɛ fʋ yel-sõnnɛ, dee zoe fʋ ninbãalga, dee bɔ fɔ sũ-mã'asʋm.

1 Timoti 4:6

Pa'alɛ sɔbiisi la bɛla, tɩ fʋ wʋn dɛna Azezi-krisi tõntõn-sõŋɔ, n to'oge Nawẽnnɛ yetɔga tɩ fʋ bɔ sɩra la, tɩ a pa'asra fʋ pãŋa, dee dɔla zãsŋɔ n de sɩra la sõŋa.

2 Timoti 1:2

Mam gʋlsrɩ bɔ'ɔra la Atimõtɩ n lebge mam bi-nõŋrɛ la. Tɩ Sɔ Nawẽnnɛ, la tɩ Zuudãana Azezi-krisi wʋn ẽŋɛ fɔ yel-sõnnɛ, dee zoe fʋ ninbãalga, dee bɔ fɔ sũ-mã'asʋm.

2 Timoti 3:10

La fõn mi bõn-sɛba tɩ mam zãsʋm nẽrba mɛ, fʋ mi mam yel-ɩrɛ, la mam yɛm loore n ãn se'em mɛ, la fʋ mi mam n bɔ Nawẽnnɛ sɩra se'em, la mam sũ-mã'arɛ, la mam nõŋlʋm, la mam n ze'ele kãŋkãŋɛ se'em,

Taitusi 1:4

Mam n gʋlsɛ gõŋɔ wã bɔ'ɔra Atiti n lebge mam mẽŋa bia, tõma n lagɩm dɔla Azezi-krisi la ĩyã. Tɩ Sɔ Nawẽnnɛ, la tɩ Fãagra Azezi-krisi wʋn ẽŋɛ fɔ a yel-sõnnɛ, dee bɔ fɔ a sũ-mã'asʋm.