Filipi 2:17 - Farefare Ninkaré

¹⁷ Ba sãn kʋ mam, la wʋn ãna wʋ kãabgɔ pa'asɛ yãma n bɔ Nawẽnnɛ sɩra tɩ la ãna wʋ kãabgɔ bɔ ẽ na pʋam. Baa la sãn dɛna bɛla, mam sũure ãn yẽlʋm mɛ, la mam wʋn ẽŋɛ sũ-yẽlga la yãma wuu.

ZE'ELEGO PAALEGA

¹⁷ Gee ba han pun ka'ɛ mam wuu buum kaabegɔ la bahɛ kaabegɔ bo'olum la zuo, yamam sakerɛ zuo, la de mam la pupeelum, ti n nyɛɛni la yamam za'a.

Filipi 2:17 ပူးပေါင်းရင်းမြစ်များ

Tõoma 20:24

La mam ka geele m mẽŋa yõvore la tɩ a tarɩ yõorɔ bɔ mam, sɛla n tarɩ yõorɔ bɔ mam de la mam yãŋɛ tõm m tõonɛ na tɩ Zuudãana Azezi bɔ mam na ba'asɛ. Tõon-ẽŋa de la mam mõolɛ Nawẽnnɛ yel-sõnnɛ na kõ-yẽlga.

Tõoma 21:13

Tɩ a lerge tõma yetɩ: «Bẽm tɩ ya kaasrɩ sã'ana m sũure? Mam sakɛ mɛ tɩ ba lʋ ma, la dagɩ bɛla mã'a, baa mam sãn wʋn ki Zerizalɛm Zuudãana Azezi yʋ'ʋrɛ ĩyã, mam ken sakɛ mɛ.»

Aromduma 12:1

M sɔbiisi, Nawẽnnɛ n zoe tõma ninbãalga bɛla la, mam kã'anɩ ya tɩ ya dɩkɛ ya mẽŋa bɔ ẽ tɩ la ãna wʋ kãabgɔ n vɔɩ, tɩ ya welge to'ore dɛna a nẽrba n paarɩ a yɛm. Bɛla n de pʋ'ʋsgɔ sore n masɛ bɔ Nawẽnnɛ.

Aromduma 15:16

botɩ mam dɛna Azezi-krisi tõntõnna tɩ m tõnna a tõoma bɔ'ɔra bu-zãŋsɩ la ĩyã. Nawẽnnɛ tõoma tɩ mam tõnnɩ na de la m mõolɛ a kõ-yẽlga bɔ bu-zãŋsɩ, tɩ Nawẽnnɛ Sɩa botɩ ba welge to'ore dɛna bɔ'a n paarɩ Nawẽnnɛ yɛm.

2 Korẽntɩ 12:15

La sãn dɛna mam, mam wʋn dɩkɛ sɛla wuu tɩ mam tarɩ, la m mẽŋa wuu bɔ la yɛmleego yãma sõŋrɛ ĩyã. Mam n nõŋɛ yãma zo'oge la ĩyã n basɛ tɩ yãma ka nõŋɛ mam bɩɩ?

2 Korẽntɩ 4:12

Bɛla, kũm zɩgrɩ la a kʋ tõma, tɩ yãma yẽta vɔm.

2 Korẽntɩ 6:10

Ba bɩsrɩ tõma wʋ tõma tarɩ la sũ-sã'aŋɔ, la tõma tarɩ la sũ-yẽlga daarɛ woo. Ba bɩsrɩ tõma wʋ nasdõma, dee tɩ tõma botɩ nẽrba zozo'e tara bõntarsõm. Ba bɩsrɩ tõma wʋ nẽrba n ka tarɩ sɛla, dee tɩ tõma tara sɛla woo.

2 Korẽntɩ 7:4

Mam bɔ ya sɩra mɛ, la mam yẽsnɩ mɛ yãma ĩyã. Baa tõma toogo la wuu pʋam, mam tarɩ bʋraanɛ, la sũ-yẽlga zo'oge mɛ.

Filipi 1:20

Mam n boorɩ sɛla, dee tara pʋtẽ'erɛ gu'ura sɛla la, de la mam kãn ẽŋɛ sɛla baa ayɩla tɩ yãnnɛ yõkɛ mam. La de la mam tara bʋraanɛ lɛɛlɛ wã la wakatɛ wuu, basɛ tɩ Krisi yẽ nã'asgɔ mam ĩyã, la sãn dɛna mam vɔa mɛ, bɩɩ mam sãn ki mɛ.

Filipi 2:18

Bɛla, ya mẽ tara sũ-yẽlga lagɩm na mam sɩrʋm.

Filipi 2:30

Se'ere n soe la, a daan deege la a ki Krisi tõoma ĩyã, a põsɛ a yõorɛ mɛ sõŋɛ mam la sõŋrɛ sɛka tɩ yãma ka tã'agɛ sõŋɛ mam na.

Filipi 4:18

Mam to'oge sɛla woo tɩ yãma bɔ mam na mɛ, la seke gãŋɛ mɛ. Mam n to'oge ya bɔ'a la tɩ A'epafroditi tarɩ wa'am na, mam tarɩ mɛ tɩ sɛla ka le pɔ'ɔgɛ mam. Bɔ'a bãma ãn wʋ sɛla yũuŋo n ãn yẽlʋm tɩ ya kãabɛ bɔ Nawẽnnɛ, tɩ a to'oge la sũ-yẽlga.

Kolɔsɩ 1:24

Lɛɛlɛ wã, mam sũure ãn yẽlʋm mɛ, mam n nãmsrɩ bɔ'ɔra yãma la ĩyã. Mam n nãmsrɩ wã de la Krisi nãmsgɔ n deege dɛna mam nãmsɛ bɔ a nẽrba n de a ĩyã la.

1 Tesaloniki 2:8

Tõma n nõŋɛ ya la ĩyã, tɩ tõma daan mõolɛ kõ-yẽlga la n ze'ele Nawẽnnɛ zẽ'am na bɔ ya. La, la dagɩ bɛla mã'a, tõma daan sakɛ mɛ tɩ dɩkɛ tɩ vɔm bɔ ya, tõma nõŋɛ ya mɛ halɩ zozo'e.

2 Timoti 4:6

La sãn dɛna mam, mam vɔm ãn wʋ ko'om tɩ ba ka'agɛ bɔ Nawẽnnɛ, mam daarɛ paagɛ mɛ, tɩ mam wʋn fõrgɛ.

1 Pita 2:5

Yãma mẽ vɔa mɛ. Basɛ-ya tɩ Nawẽnnɛ dɩkɛ ya tɩ ya ãna wʋ kuga mẽ deego tɩ a Sɩa bɔna mĩ, tɩ ya ãna wʋ kãabgɔ kẽma bɔna mĩ tõnna wʋ Nawẽnnɛ Sɩa n boorɩ se'em, tɩ la paara a yɛm, Azezi-krisi ĩyã.

1 Zã 3:16

La de la bõn-ẽna wã n botɩ tõma bãŋɛ nõŋlʋm n ãn se'em: Azezi ki mɛ bɔ tõma, bɛla, tõma mẽ de la tɩ dɩkɛ tɩ vɔm bɔ tɩ sɔbiisi ĩyã.