Filipi 2:16 - Farefare Ninkaré

¹⁶ wʋn pa'alɛ nẽrba yetɔga n bɔ'ɔrɩ vɔm. Ya sãn ẽŋɛ bɛla, ya wʋn botɩ mam zuugo zẽkɛ Krisi lemŋo daarɛ, pa'alɛ tɩ mam tõoma, la mam n mõrgrɩ la wuu dagɩ zãŋa.

ZE'ELEGO PAALEGA

¹⁶ La dela yamam en tari vom yelehum wa kankaŋi la zuo, ti n wan ta ta'am ŋmɛ' nyu'ɔ Kiresta lɛbega daarɛ na, ti n daa ka zɔ bahɛ yoo bii n tum bahɛ yoo.

Filipi 2:16 ပူးပေါင်းရင်းမြစ်များ

Amatie 10:27

Mam n yele ya se'em lika pʋam wã, tɔgɛ-ya ẽ peelem pʋam. La sɛla tɩ mam waasʋm ya la, zom-ya deto zuto mõolɛ ẽ.

Aluki 12:8

«La mam yetɩ ya tɩ nẽr-sɛka woo n ze'ele nẽrba nẽŋam yetɩ ẽŋa de la mam nẽra, mam n de Nẽrsaala Dayʋa la mẽ wʋn ze'ele Nawẽnnɛ malɛkadõma nẽŋam yetɩ a de la mam nẽra.

Azã 6:63

La de la Nawẽnnɛ Sɩa n bɔ'ɔrɩ vɔm na, nẽrsaala ka tã wʋn ẽŋɛ sɛla sɛla. Yetɔg-sɛba tɩ mam tɔgɛ bɔ ya la, ze'ele la Nawẽnnɛ Sɩa zẽ'am bɔ'ɔra vɔm.

Azã 6:68

Tɩ Asimõ-pɩyɛɛrɩ lerge ẽ yetɩ: «Zuudãana, tõma wʋn basɛ fõn dee sẽŋɛ la ãn zẽ'am? Fõn tarɩ la yetɔga n bɔ'ɔrɩ vɔm n ka ba'asrɩ.

Tõoma 13:26

M sɔbiisi, yãma n de Abraham yɩɩsɩ, la yãma sɛba n po nanna Nawẽnnɛ, la de la tõma ĩyã tɩ Nawẽnnɛ tõm fãarɛ kõa wã.

1 Korẽntɩ 1:8

Ẽŋa n wʋn basɛ tɩ ya ze'ele kãŋkãŋɛ ka paagɛ dũnia ba'asgɔ. Tɩ ba kãn tã'agɛ dõrɛ ya tɩ ya ẽŋɛ be'em tɩ Zuudãana Azezi-krisi lemŋo daarɛ.

1 Korẽntɩ 9:26

Bɛla n soe tɩ mam ka zɔta yoo yoo, la mam ka zɛbrɩ yoo yoo wʋ nẽra n wẽ'erɩ kʋsebgo.

2 Korẽntɩ 1:14

wʋ yãma n dẽŋɛ bãŋɛ a võorɛ fẽe, tɩ Zuudãana lemŋo daarɛ tõma n de yãma zu-zẽkrɛ, tɩ yãma mẽ dɛna tõma zu-zẽkrɛ la.

Galatɩ 2:2

Nawẽnnɛ n daan puke pa'alɛ mam, tɩ mam sẽŋɛ. Mam daan pa'alɛ ba la kõ-yẽlga tɩ mam mõolɛ bɔ bu-zãŋsɩ la. La de la Azezi nẽrba nẽŋadõma la mã'a tɩ mam tɔgɛ bɔ ba. Mam daan ka boorɩ tɩ tõon-sɛka tɩ mam daan tõm, dee ken tõnna wã, wa dɛna zãŋa.

Galatɩ 4:11

Yãma n ɩtɩ se'em na botɩ dabeem n tara mam, tɩ mam n tõm se'em yãma ĩyã la, tã wʋn dɛna zãŋa.

Filipi 1:10

tɩ ya wʋn bãŋɛ sɛla n ãn sõŋa, tɩ Krisi lemŋo daarɛ ya wʋn dɛna pʋpeelem dõma ka tara dõrga,

Filipi 1:6

Mam mi sɩra sɩra tɩ Nawẽnnɛ n pɔsɛ tõon-sõŋɔ ẽŋa ya sũure pʋam na, wʋn ken tõm ẽ bɛla halɩ ka ba'asɛ Azezi-krisi lemŋo daarɛ.

1 Tesaloniki 2:19

La de la yãma tɩ tõma tarɩ pʋtẽ'erɛ gu'ura, yãma n wʋn bɔ tõma sũ-yẽlga, la de la yãma n wʋn botɩ tõma yẽ nã'asgɔ tõma Zuudãana Azezi nẽŋam a lemŋo daarɛ.

1 Tesaloniki 3:5

Bɛla tɩ mam ka tãna wʋn zĩ'ire, tɩ mam tõm Atimõtɩ tɩ a wa'am wa bãŋɛ yãma n ãn se'em Azezi sore doosgo la pʋam, mam zotɩ mɛ tɩ Asũtãana wʋn pã'asɛ ya tɩ tɩ tõoma la lebge zãŋa.

Hiburuduma 4:12

Nawẽnnɛ yetɔga la vɔa mɛ, tara pãŋa, dee tara nõorɛ gãnna sʋkɔbgɔ n saasɛ tara nõa bayi. A kẽ'erɩ la nẽra pʋam mina a sɩa, la a sũure yɛla wuu bɔkra, dee mina a pʋtẽ'erɛ, la a yɛm wuu n ãn se'em, wʋ sʋ'a n welgrɩ kõb-suglsi paara kõb-sõom na.

1 Pita 1:23

Ba dɔgɛ yãma la dɔg-paalga, la dagɩ nẽrsaala dɔka n bɔ'ɔrɩ vɔm sɛka n sã'anɩ la, la de la Nawẽnnɛ yetɔga n vɔa dee bɔna wakatɛ wuu la, n botɩ ya yẽ dɔg-paalga tara vɔm n ka ba'asrɩ.

1 Zã 1:1

Tõma gʋlsɛ la sɛka n boe halɩ pĩ'iluŋo wakatɛ yelle bɔ'ɔra ya. A de la sɛka tɩ tõma wõm a yetɔga, yẽ ẽ la tɩ nini, bɩsɛ ẽ sõŋa sõŋa, kalʋm ẽ na tɩ nu'usi. Ẽŋa n de yetɔga n bɔ'ɔrɩ vɔm.

Lilegere 22:17

Nawẽnnɛ Sɩa, la pɔka la n mãasʋm a mẽŋa tɩ a ele la yetɩ: «Wa'am!» Sɛka n wõm bɛla, a mẽ yetɩ: «Wa'am!» Koyũuro n tarɩ sɛka, a wa'am, sɛka n boorɩ ko'om n bɔ'ɔrɩ vɔm, a wa'am wa to'oge zãŋa.