Filipi 2:15 - Farefare Ninkaré

¹⁵ Tɩ ya wʋn dɛna nẽrba n ka tarɩ yelle, ãna sõŋa ka tara dẽgrɔ. Tɩ ya wʋn dɛna Nawẽnnɛ kɔma n ka tarɩ dõrga n boe nẽr-bɛ'ɛsɩ la nẽr-yaalsɩ tẽŋasʋka, yẽgra wʋ peelem dũnia wã zuo,

ZE'ELEGO PAALEGA

¹⁵ bala ti ya kan tari gbelegere la taalɛ, ya wan dɛna Yinɛ kɔma en ka tari dɛkɔ nɛre ŋmɛlema, la fãareba buuri saŋa nɛreba wa tiŋasuka. Niiri ya ba puan timpaberɛ wa zuo wuu ya dela bugum la.

Filipi 2:15 ပူးပေါင်းရင်းမြစ်များ

Amatie 10:16

Azezi le yetɩ: «Bɩsɛ-ya, mam tõm ya wʋ piisi saasaadõma tẽŋasʋka. Bɛla ĩyã, dɛna-ya yɛm dõma wʋ bõnsɛ'ɛdõma, la ya ãna wʋ na'adawɛma n ka tarɩ yelle se'em na.

Amatie 17:17

Tɩ Azezi yele ba yetɩ: «Zamãan-ẽna nẽrba, ya ka bɔ'ɔrɩ mam sɩra, la ya ka ɩtɩ sõŋa. Mam wʋn bɔna la yãma, mã'agɛ m mẽŋa halɩ ka paagɛ la wakat-kãna? Tarɩ-ya bia la wa'am.»

Amatie 5:45

Ya sãn ẽŋɛ bɛla, ya wʋn dɛna ya Sɔ Nawẽnnɛ n boe saazuum na kɔma, se'ere n soe la, ẽŋa n botɩ wʋntɛɛŋa yẽkra bɔ'ɔra nẽr-sõma la nẽr-be'ero, dee botɩ saaga niira bɔ'ɔra sɛba ɩrgɔ n masɛ, la sɛba ɩrgɔ n ka masɛ.

Amatie 5:48

Bɛla, dɛna-ya nẽrba tɩ ya ɩrgɔ wuu wʋn masɛ, wʋ ya Sɔ Nawẽnnɛ n boe saazuum ɩrgɔ wuu n masɛ se'em na.»

Aluki 1:6

Bãma bayi daan de la nẽrba n ɩtɩ sõŋa Nawẽnnɛ nifum, dee sakra Nawẽnnɛ nõorɛ, la a lɔɔ la wuu sõŋa.

Aluki 6:35

La, la sãn dɛna yãma, nõŋɛ-ya ya bɛ'ɛba, dee ẽŋɛ ba sõŋa. Peŋe-ya nẽrba dee da tẽ'esra tɩ ba le bɔ ya. Ya sãn ẽŋɛ bɛla, ya yɔɔrɔ wʋn zo'oge mɛ, la ya wʋn dɛna Nawẽnnɛ n gãnnɩ sɛla wuu kɔma, se'ere n soe la, a ɩtɩ sɛba n ka mi yel-sõnnɛ, la pʋtʋʋl-dõma sõŋa mɛ.

Azã 5:35

Azã daan ãn wʋ fɩtla n laŋɛ nẽegɛ, la yãma daan sakɛ mɛ tɩ ya ẽŋɛ sũ-yẽlga wakatɛ fẽe mã'a la a peelem na.

Tõoma 2:40

Apɩyɛɛrɩ daan tɔgɛ la yetɔga basɛba zozo'e pa'alɛ ba sɩra, dee sɩgɛ ba yetɩ: «Basɛ-ya tɩ Nawẽnnɛ fãagɛ ya zamãan-ẽna nẽr-bɛ'ɛsɩ la pʋam.»

Tõoma 20:30

La nẽrba basɛba wʋn wa isge ya pʋam tɔgra põmpɔrŋɔ yetɔga, pã'asɛ karẽnbiisi la tɩ ba doose ba.

Aromduma 16:19

Nẽrba wuu bãŋɛ yãma n sakrɩ Zuudãana se'em mɛ. Bɛla, mam ɩtɩ sũ-yẽlga mɛ yãma ĩyã. La mam boorɩ mɛ tɩ ya tara yɛm mina sɛla n ãn sõŋa, la ya dɛna pʋpeelem dõma, da ɩta sɛla n de be'em.

1 Korẽntɩ 1:8

Ẽŋa n wʋn basɛ tɩ ya ze'ele kãŋkãŋɛ ka paagɛ dũnia ba'asgɔ. Tɩ ba kãn tã'agɛ dõrɛ ya tɩ ya ẽŋɛ be'em tɩ Zuudãana Azezi-krisi lemŋo daarɛ.

2 Korẽntɩ 6:17

Bɛla n soe tɩ Zuudãana Nawẽnnɛ yetɩ: «Yese-ya ba pʋam, welge-ya ya mẽŋa dee basɛ ba. La ya da kalʋm sɛla n de dẽgrɔ, tɩ mam wʋn to'oge ya.

Efɛɛzɩ 5:27

Tɩ ba da tara dẽgrɔ, la be'em, la sɛla n ka ãn sõŋa, ba tara pʋpeelem ka tara dõrga, tɩ a wʋn tarɩ ba sẽŋɛ a zẽ'am la nã'asgɔ.

Filipi 1:10

tɩ ya wʋn bãŋɛ sɛla n ãn sõŋa, tɩ Krisi lemŋo daarɛ ya wʋn dɛna pʋpeelem dõma ka tara dõrga,

Filipi 3:6

Mam daan mõ'ogɛ nifo mɛ lɔɔ la yelle halɩ daan nãmsɛ Azezi nẽrba. La sãn dɛna lɔɔ la sakrɛ, mam daan ka tarɩ dõrga.

1 Tesaloniki 5:23

Nawẽnnɛ n de sũ-mã'asʋm dãana la mẽŋa wʋn basɛ tɩ ya dɛna ẽŋa mã'a nẽrba tara pʋpeelem. A wʋn gu ya ĩyã, la ya sɩa, la ya yɛm wuu tɩ ya kãn tara dõrga tɩ Zuudãana Azezi-krisi lemŋo daarɛ.

1 Timoti 3:10

Dẽnɩ tɩ ba dẽŋɛ makɛ ba bɩsɛ, ba sãn ka tara dõrga, tɩ ba yãŋa tõm yel-bɩsrɩba tõoma la.

1 Timoti 3:2

La dẽnɩ tɩ nẽŋadãana dɛna nẽra n ka tarɩ dõrga, la a dɛna pɔg-yẽŋa dãana, la a dɛna nẽra n tarɩ a mẽŋa sõŋa, dee tara pʋtẽ'e-sõŋɔ, a dɛna nẽra tɩ ba nannɩ, la a dɛna nẽra n ɩtɩ nẽrba sãanɔ, dee tãna wʋn zãsʋm nẽrba.

1 Timoti 5:14

Bɛla, mam boorɩ tɩ pɔkõ-sɛba n ka kʋrgɛ la le ele dɔgɛ kɔma, bɩsra ba yir-dõma yelle, da basɛ tɩ bɛ'ɛba yẽ folle tɔgɛ tɩ be'em.

1 Timoti 5:20

La kẽma sãn tõm tõon-be'ero, fʋ kã'an ẽ Wẽndeego la pʋam nẽrba wuu nẽŋam, tɩ nẽrba basɛba la zoe dabeem.

1 Timoti 5:7

Kã'an ba bɛla, tɩ nẽra da zɛrgɛ ba.

Taitusi 1:6

Kẽema masɛ tɩ a dɛna la nẽra n ka tarɩ dõrga, la a dɛna pɔg-yẽŋa dãana, tɩ a kɔma bɔ Azezi-krisi sɩra, ka ɩta yooryooro, dee nanna nẽrba.

Taitusi 2:10

la ba da zũura ba lɔgrɔ. Ba tõnna tõon-sõma pa'alɛ tɩ bãma de la sɩra dõma, bɛla tɩ Nawẽnnɛ n de tɩ Fãagra zãsŋɔ la wʋn yẽta pẽka sɛla woo pʋam.

Taitusi 2:15

La de la bɛla tɩ fʋ wʋn zãsʋm ba, bɔ ba bʋraanɛ, dee kã'an ba. Ẽŋɛ bɛla la nõorɛ sɛka tɩ fʋ tarɩ la. Da basɛ tɩ nẽra pɔ'ɔgɛ fɔ.

Hiburuduma 7:26

La de la kãabgɔ kẽma nẽŋadãana n ãn wãna n masɛ tɩ tɩ tara: A de la pʋpeelem dãana, ka tara yelle, ka tara dõrga, a welge a mẽŋa mɛ la tõon-be'ero dõma, tɩ Nawẽnnɛ zẽkɛ ẽ sẽŋɛ saazuum-zuum.

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.

2 Pita 3:14

Bɛla, m sɩr-nõŋrɩsɩ, yãma n gu'uri bɛla la, nargɛ-ya pãŋa ãna sõŋa, tɩ ya da tara dõrga Nawẽnnɛ nifum, tɩ ya wʋn bɔna la ẽ la sũ-mã'asʋm.

Lilegere 2:5

Tẽegɛ-ya yãma n daan ɩtɩ se'em dee basɛ la. Teege-ya yɛm basɛ tõon-be'ero, dee ɩta yãma n daan ɩtɩ se'em pɔspɔsɩ la. Sãn dagna bɛla, mam wʋn wa'am ya zẽ'am wa dɩkɛ ya fɩtla la a dɔglgɔ zẽ'am mɛ, ya sãn ka teege yɛm basɛ tõon-be'ero.

Lilegere 3:9

Mam n wʋn ẽŋɛ nẽr-sɛba n dolɩ Asũtãana la se'em n wãna: Nẽr-bãma yetɩ bãma de la Zifdõma, la dagɩ bɛla, ba de la põmpɔrndõma. Mam wʋn basɛ mɛ tɩ ba wa'am wa ka dũma ya nẽŋam, la ba wʋn bãŋɛ tɩ mam nõŋɛ ya.