Filipi 2:13 - Farefare Ninkaré

¹³ Se'ere n soe la, Nawẽnnɛ n boe la ya lɛ tõnna, botɩ ya bɔɔra ẽŋa n boorɩ se'em, dee tãna ɩta ẽŋa n boorɩ se'em.

ZE'ELEGO PAALEGA

¹³ Se'ere en sɔi la, la dela Yinɛ en boi ya puan tuna la ninmu'urɛ, bɔ'ɔra ya paŋa ti ya tana sakera gee tuna bɔ'ɔra a yu'urɛ la.

Filipi 2:13 ပူးပေါင်းရင်းမြစ်များ

Aluki 12:32

«M nẽrba, ya ka zo'oge, la da zɔta-ya dabeem, se'ere n soe la, la paagɛ ya Sɔ Nawẽnnɛ yɛm mɛ tɩ a yetɩ a bɔ ya a so'olʋm.

Aluki 2:14

«Nawẽnnɛ n boe saazuum n soe pẽka, la nẽr-sɛba tɩ a nõŋɛ la tarɩ sũ-mã'asʋm dũnia zuo.»

Azã 3:27

Tɩ Azã lerge ba yetɩ: «Nẽra ka tã wʋn to'oge sɛla tɩ la sãn dagna Nawẽnnɛ n bɔ ẽ.

Azã 6:45

La gʋlsɛ Nawẽnnɛ nõtɔ'ɔsrɩba gõnnɔ pʋam yetɩ: ‹Nawẽnnɛ n wʋn pa'alɛ ba wuu.› La sɛka woo n selse mam Sɔ la, dee to'oge a pa'algɔ la, sẽm mam zẽ'am mɛ.

Azã 6:65

Tɩ a le yele ba yetɩ: «Bɛla n soe tɩ mam yetɩ, nẽra ka tã wʋn wa'am mam zẽ'am, tɩ la sãn dagna mam Sɔ la n bɔ ẽ sore.»

Tõoma 11:21

La Zuudãana pãŋa daan boe la ba mɛ. Tɩ nẽrba zozo'e daan bɔ Zuudãana sɩra dɔla ẽ.

Aromduma 12:3

Nawẽnnɛ yel-sõnnɛ tɩ a ẽŋɛ bɔ mam na ĩyã, mam yetɩ ya wuu mɛ, tɩ ya da tẽ'esɛ tẽ'esgɔ n gãnnɩ ya mẽŋa. La tara ya tẽ'esgɔ n masɛ, tɩ la doose wʋ Nawẽnnɛ bɔ'a tɩ a bɔ ya nẽra woo, yãma n bɔ ẽ sɩra la.

Aromduma 9:11

Wakat-sɛka tɩ a yʋʋn nãn ka dɔgɛ ba la, ba nãn ka ẽŋɛ sɛla n de sõŋa bɩɩ be'em, tɩ Nawẽnnɛ yʋʋn yele yetɩ: «Kẽema la n wʋn lebge a yɩbga la tõntõnna, tõnna bɔ'ɔra ẽ.» La a yele bɛla tɩ ẽn looge yɛm se'em na n sẽŋɛ nẽŋa. Nawẽnnɛ n looge nẽr-sɛka la, la dagɩ a tõoma ĩyã, la de la Nawẽnnɛ n looge yɛm wi ẽ.

Aromduma 9:16

Bɛla, la dagɩ nẽrsaala n boorɩ se'em, bɩɩ ẽn mõrgrɩ se'em, la de la Nawẽnnɛ n zotɩ ninbãalga.

1 Korẽntɩ 12:6

Tõoma la n tõnnɩ se'em na de la to'oto'ore, la, la de la Nawẽnnɛ ayɩla n tõnnɩ ba wuu nẽrba wuu pʋam.

1 Korẽntɩ 15:10

La Nawẽnnɛ yel-sõnnɛ ĩyã tɩ mam dɛna mam n de se'em lɛɛlɛ wã. Yel-sõnnɛ na tɩ Nawẽnnɛ bɔ mam na dagɩ zãŋa. Mam tõm gãnna Tõntõnɩba basɛba la wuu mɛ. La, la dagɩ mam mẽŋa n tõnnɩ bɛla, Nawẽnnɛ yel-sõnnɛ na ĩyã tɩ mam yãŋɛ tõnna bɛla.

2 Korẽntɩ 3:5

La ka boorɩ tɩ la yetɩ tõma tã wʋn tõm tõon-ẽŋa la tõma mẽŋa pãŋa, tõma pãŋa ze'ele la Nawẽnnɛ zẽ'am.

Efɛɛzɩ 1:11

Nawẽnnɛ n basɛ tɩ sɛla woo ɩta wʋ ẽn boorɩ se'em na, n dẽŋɛ looge tõma tɩ tɩ dɛna a nẽrba Krisi ĩyã.

Efɛɛzɩ 1:5

A nõŋlʋm na ĩyã tɩ a dẽŋɛ looge tõma tɩ tɩ lebge a kɔma Azezi-krisi ĩyã, wʋ a mẽŋa yɛm n boorɩ se'em na.

Efɛɛzɩ 1:9

Nawẽnnɛ basɛ tɩ tõma bãŋɛ ẽn boorɩ tɩ a ẽŋɛ se'em n daan sʋgɛ tɩ a looge yɛm tɩ a ẽŋɛ Krisi ĩyã la mɛ.

Efɛɛzɩ 2:8

La de la Nawẽnnɛ yel-sõnnɛ la ĩyã tɩ ya yẽ fãarɛ, yan bɔ Krisi sɩra la ĩyã, la dagɩ ya mẽŋa pãŋa, la de la Nawẽnnɛ bɔ'a.

2 Tesaloniki 1:11

Bɛla ĩyã tɩ tõma pʋ'ʋsra Nawẽnnɛ wakatɛ wuu ya ĩyã, tɩ a basɛ tɩ ya ãna sõŋa masɛ wʋ ẽŋa n wi ya tɩ ya ãna se'em na. La a wʋn bɔ ya pãŋa tɩ ya ɩta bõn-sõma sɛba wuu tɩ ya boorɩ tɩ ya ẽŋɛ, dee basɛ tɩ yãma n bɔ sɩra tõnna tõon-sɛba la tõm ba'asɛ.

2 Timoti 1:9

Ẽŋa n fãagɛ tɔ, wi to tɩ tɩ dɛna a nẽrba, la dagɩ tɩn tõm tõon-sõma ĩyã, la de la a mẽŋa n boorɩ se'em, la a yel-sõnnɛ tɩ a ẽŋɛ bɔ tɔ Azezi-krisi ĩyã, halɩ lan dẽŋɛ dũnia pĩ'iluŋo.

Hiburuduma 13:21

Nawẽnnɛ wʋn basɛ tɩ ya tã'agɛ ɩta sɛla woo n ãn sõŋa, dɔla a yɛm n boorɩ se'em. A wʋn basɛ tɩ sɛla n ãn a sũure yẽlʋm ẽŋɛ tɩ pʋam, Azezi-krisi ĩyã, ẽŋa n de sɛka n masɛ nã'asgɔ wakatɛ n ka ba'asrɩ. Amina.

1 Pita 1:3

Tɩ pʋ'ʋsɛ-ya Nawẽnnɛ n de tɩ Zuudãana Azezi-krisi Sɔ la a yel-sõnnɛ. A ninbãal-zʋa n zo'oge la ĩyã tɩ a botɩ tɩ yẽ vɔm paalga, Azezi-krisi n ki dee vo'oge la ĩyã. Bɛla tɩ tɩ tara pʋtẽ'erɛ wakatɛ wuu gu'ura sɛla tɩ tɩ bɔ sɩra la,