Filipi 2:1 - Farefare Ninkaré

¹ Yãma n lagɩm na Krisi dɛna ayɩla la basɛ tɩ ya tara bʋraanɛ mɛ, tɩ a nõŋlʋm na bɛlsra ya. La yãma lagɩm na taaba la Nawẽnnɛ Sɩa, dee tara nõŋlʋm, la taaba zĩile.

ZE'ELEGO PAALEGA

¹ Han dɛna ti kpemehego seko boi Kiresta puan, ti subugehum en ze'eti nɔŋerɛ puan na bɔna, han dɛna ti Fa'a Sia la puan lageŋɔ boi, han dɛna ti nimbɔ'zɔrɛ la taaba boi, ti taaba giile tarega bɔna,

Filipi 2:1 ပူးပေါင်းရင်းမြစ်များ

Aluki 2:25

Wakat-ẽŋa tɩ bʋraa daan boe Zerizalɛm tɩ a yʋ'ʋrɛ dɛna Asimeyõ. A de la nẽr-sõŋɔ dee sakra Nawẽnnɛ sõŋa, dee gu'ura Ɩsrayɛlɩ Fãagra la n sẽm na. Tɩ Nawẽnnɛ Sɩa bɔna la ẽ.

Azã 14:18

Mam kãn basɛ ya kɩɩbsɩ, mam wʋn leme wa'am ya zẽ'am.

Azã 14:27

Mam basrɩ sũ-mã'asʋm bɔ ya, mam mẽŋa sũ-mã'asʋm tɩ mam bɔ'ɔrɩ ya. Mam ka bɔ'ɔrɩ ya wʋ dũnia n bɔ'ɔrɩ se'em na. Da basɛ-ya tɩ ya sũure sã'am, da zɔta-ya dabeem.

Azã 17:13

La lɛɛlɛ wã mam sẽm na fõn zẽ'am, la mam tɔgrɩ la wãna mam nãn ken bɔna dũnia zuo, tɩ ba wʋn tara mam sũ-yẽlga, tɩ ba sũ-yẽlga zo'oge pãɩ.

Tõoma 2:46

La daarɛ woo ba ẽn lagsra Wẽnde-kãtʋm na mɛ, la taaba yiɛ, dita dee fiisra borborɩ, tara sũ-yẽlga la yɛm ayɩla,

Tõoma 4:32

Nẽr-kʋʋŋɔ la n daan bɔ Azezi sɩra la lagɩm tara la yɛm ayɩla, la sũure ayɩla. Tɩ ba nẽra baa ayɩla ka yetɩ, ẽŋa n tarɩ sɛla la de la ẽŋa mẽŋa mã'a bõnɔ, la de la ba wuu bõnɔ.

Aromduma 5:5

Pʋtẽ'e-ẽŋa tɩ tɩ tarɩ la kãn ẽŋɛ tɩ yãnnɛ, se'ere n soe la, Nawẽnnɛ Sɩa la tɩ a bɔ tõma la ẽŋɛ la a nõŋlʋm tɩ sũa pʋam.

Aromduma 8:26

Bɛla mẽ, Nawẽnnɛ Sɩa la sẽnnɩ sõŋra tõma mɛ tɩ tɔrgɔ pʋam. Se'ere n soe la, tõma ka mi tõma n wʋn pʋ'ʋsɛ Nawẽnnɛ se'em tɩ la masɛ. La Nawẽnnɛ Sɩa mẽŋa sosrɩ Nawẽnnɛ bɔ'ɔra tõma mɛ, tɔgra yetɔga tɩ nẽra ka tã wʋn tɔgɛ.

1 Korẽntɩ 12:13

Tõma Zifdõma, la sɛba n dagɩ Zifdõma, la sɛba n de yamsɩ, la sɛba n dagɩ yamsɩ, tõma wuu n daan mise ko'om pʋam na, Nawẽnnɛ Sɩa botɩ tɩ lebge la ĩyã ayɩla. Nawẽnnɛ tõm na Sɩa ayɩla bɔ tɩ wuu.

1 Korẽntɩ 15:31

M sɔbiisi, mam põsrɩ m yõorɛ mɛ daarɛ woo, mam n yetɩ ya se'em na de la sɩra. La de la sɩra wʋ mam n ɩtɩ sũ-yẽlga ya yelle yãma n dolɩ Zuudãana Azezi-krisi ĩyã se'em na.

1 Korẽntɩ 3:16

Ya ka mi tɩ ya de la Nawẽnnɛ deego tɩ a Sɩa bɔna ya pʋam?

2 Korẽntɩ 2:14

Mam pʋ'ʋsrɩ Nawẽnnɛ n botɩ tõma dɔla Krisi poore daarɛ woo a tã'arɛ la pʋam, dee botɩ tõma ĩyã nẽrba bãŋra Krisi zẽ'a woo, wʋ yũuŋ-yẽlga n taagɛ zẽ'a wuu la.

Galatɩ 4:6

La yãma n de Nawẽnnɛ kɔma la, a tõm na a Dayʋa Sɩa tɩ a bɔna tɩ sũure pʋam, tɩ Sɩa la wi'ira Nawẽnnɛ yetɩ: «Abba, m Sɔ.»

Galatɩ 5:22

La Nawẽnnɛ Sɩa tõoma de la nõŋlʋm, la sũ-yẽlga, la sũ-mã'asʋm, la sũ-mã'arɛ, la sõŋa, la ɩr-sõŋɔ, la ẽŋɛ sɩra,

Efɛɛzɩ 4:4

Azezi nẽrba de la ĩyã ayɩla, tɩ Nawẽnnɛ Sɩa ayɩla mã'a bɔna, la Nawẽnnɛ n wi ya tɩ ya tara pʋtẽ'erɛ gu'ura bõn-sɛba la de la bõn-yẽnnɛ.

Filipi 1:8

Nawẽnnɛ n de mam kaset-dãana tɩ mam yɛm boe la ya wuu mɛ, mam nõŋɛ ya la Azezi-krisi nõŋlʋm.

Filipi 3:3

Tõma n pʋ'ʋsrɩ Nawẽnnɛ la a Sɩa pãŋa, dee ɩta sũ-yẽlga Azezi-krisi doosgo pʋam, ka te'ege nẽrsaalba n ɩtɩ sɛla la, tõma n de nẽrba n wã wãaga mẽŋa mẽŋa.

Kolɔsɩ 2:2

Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

Kolɔsɩ 3:12

Yãma de la nẽr-sɛba tɩ Nawẽnnɛ looge, a nõŋɛ ya mɛ, welge ya to'ore tɩ ya dɛna a nẽrba. Bɛla, zɔta-ya taaba ninbãalga, ɩta taaba sõŋa, sikra ya mẽŋa, dee tara sũ-bʋgsʋm, la sũ-mã'arɛ.

Hiburuduma 6:18

Nawẽnnɛ n ka parnɩ na, n ẽŋɛ bõn-bãma bayi n ka viiri. Bɛla n bɔ'ɔrɩ tõma bʋraanɛ zozo'e, tõma sɛba n basɛ sɛla woo, dee tara pʋtẽ'erɛ gu'ura sɛla tɩ a yetɩ a ẽŋɛ bɔ tɔ la.

1 Pita 1:2

La de la tɩ Sɔ Nawẽnnɛ n looge ya wʋ ẽŋa n dẽŋɛ looge a yɛm se'em na, tɩ a Sɩa welge ya to'ore, tɩ Azezi-krisi zɩɩm peege ya tɩ ya ãna sõŋa, sakra a nõorɛ. Nawẽnnɛ wʋn ẽŋɛ ya yel-sõnnɛ, dee bɔ ya sũ-mã'asʋm zozo'e.

1 Zã 3:24

Nẽr-sɛka n sakrɩ Nawẽnnɛ nõorɛ la, a boe la Nawẽnnɛ lɛ, tɩ Nawẽnnɛ mẽ bɔna la ẽ. Bõn-sɛka n basɛ tɩ tõma mina tɩ Nawẽnnɛ boe la tõma lɛ n wãna: La de la a Sɩa tɩ a bɔ tõma la.

1 Zã 4:12

Nẽra nẽra nãn ka yẽ Nawẽnnɛ. Tɩ sãn nõŋɛ taaba, Nawẽnnɛ boe la tɩ lɛ mɛ, la a nõŋlʋm n boe la tɩ lɛ la, de la nõŋlʋm zõnzõnnɔ.

1 Zã 4:16

La tõma mi mɛ, dee bɔ sɩra tɩ Nawẽnnɛ nõŋɛ tõma mɛ. Nawẽnnɛ de la nõŋlʋm dãana. Nẽr-sɛka n tarɩ Nawẽnnɛ nõŋlʋm boe la Nawẽnnɛ lɛ, tɩ Nawẽnnɛ mẽ bɔna la ẽ.