Filipi 1:6 - Farefare Ninkaré

⁶ Mam mi sɩra sɩra tɩ Nawẽnnɛ n pɔsɛ tõon-sõŋɔ ẽŋa ya sũure pʋam na, wʋn ken tõm ẽ bɛla halɩ ka ba'asɛ Azezi-krisi lemŋo daarɛ.

ZE'ELEGO PAALEGA

⁶ Bala, mam tari sakerɛ la yele dina wa puan yeti, se'em daana en pi'ilum tunsunɛ dina wa ya puan la, wan tari dɛ bala ta ba'ahɛ, Yezu Kiresta lɛbega dabeherɛ la puan.

Filipi 1:6 ပူးပေါင်းရင်းမြစ်များ

Azã 6:29

Tɩ Azezi lerge ba yetɩ: «Tõon-sɛka tɩ Nawẽnnɛ boorɩ tɩ ya tõm, de la ya sakɛ sɛka tɩ a tõm na.»

Tõoma 11:18

Ban wõm bɛla la, ba sĩm mɛ dee pẽgra Nawẽnnɛ yetɩ: «Bɛla, Nawẽnnɛ botɩ bu-zãŋsɩ mẽ yẽ sore mɛ tɩ ba teege yɛm basɛ tõon-be'ero yẽ yõvore.»

Tõoma 16:14

La pɔka ayɩla n daan boe mĩ pʋ'ʋsra Nawẽnnɛ, tɩ a yʋ'ʋrɛ dɛna Alidi, a ze'ele la Tiyatiiri. A daan koosrɩ la fu-sõma n de gomusga. Tɩ a sɛlsra tõma yetɔga la, tɩ Zuudãana botɩ a bãŋɛ Apolɩ yetɔga la võorɛ dee sakɛ.

1 Korẽntɩ 1:8

Ẽŋa n wʋn basɛ tɩ ya ze'ele kãŋkãŋɛ ka paagɛ dũnia ba'asgɔ. Tɩ ba kãn tã'agɛ dõrɛ ya tɩ ya ẽŋɛ be'em tɩ Zuudãana Azezi-krisi lemŋo daarɛ.

2 Korẽntɩ 1:15

Mam n tarɩ pʋtẽ'e-ẽŋa la, mam daan boorɩ mɛ tɩ m dẽŋɛ wa'am yãma zẽ'am, tɩ ya wʋn to'oge yel-sõnnɛ nõorɛ bʋyi.

2 Korẽntɩ 2:3

Bɛla tɩ mam daan gʋlsɛ bɔ ya, mam ka boorɩ tɩ m sãn wa wa'am ya zẽ'am, m tara sũ-sã'aŋɔ la yãma n de sɛba n wʋn bɔ mam sũ-yẽlga la. Mam mi sɩra sɩra tɩ mam sãn tara sũ-yẽlga, yãma mẽ tarɩ sũ-yẽlga mɛ.

2 Korẽntɩ 7:16

Mam ɩtɩ sũ-yẽlga mɛ, mam n tã wʋn bɔ yãma sɩra sɛla woo pʋam na ĩyã.

2 Korẽntɩ 9:4

La sãn dagna bɛla, Masedʋanɩ dõma la sãn doose mam wa'am wa yẽ tɩ ya ka mãasʋm, tõma n daan bɔ yãma sɩra zo'oge se'em na, la wʋn dɛna la yãnnɛ zozo'e bɔ tõma, la, la mẽ wʋn dɛna la yãnnɛ bɔ yãma.

Galatɩ 5:10

La sãn dɛna mam, Zuudãana la ĩyã mam bɔ ya sɩra mɛ tɩ yãma tẽ'esgɔ kãn bɔna ayẽma la mam n pa'alɛ ya se'em na. Nẽr-sɛka n tarɩ ya pʋtẽ'era yuulna la, baa ẽn de nẽr-sɛka, Nawẽnnɛ wʋn sɩbgɛ ẽ.

Efɛɛzɩ 4:12

A ẽŋɛ bɛla tɩ ba mãasʋm na Nawẽnnɛ nẽrba tɩ ba tõnna Nawẽnnɛ tõoma, tɩ Krisi nẽrba n de a ĩyã la bɩta dee pa'asra,

Filipi 1:10

tɩ ya wʋn bãŋɛ sɛla n ãn sõŋa, tɩ Krisi lemŋo daarɛ ya wʋn dɛna pʋpeelem dõma ka tara dõrga,

Filipi 1:29

Se'ere n soe la, Nawẽnnɛ n ẽŋɛ ya yel-sõnnɛ na, la dagɩ ya bɔ Krisi sɩra mã'a, la de la ya ken nãmsɛ a ĩyã.

Filipi 2:12

Bɛla, m sɩr-nõŋrɩsɩ, mam n daan boe la ya lɛ la, ya daan sakrɩ mɛ wakatɛ wuu, la mam n ka boe ya zẽ'am wã, ken ɩta-ya gãnna bɛla. Tõnna-ya fãarɛ la tõoma sõŋa sõŋa la Nawẽnnɛ zʋa.

Filipi 2:13

Se'ere n soe la, Nawẽnnɛ n boe la ya lɛ tõnna, botɩ ya bɔɔra ẽŋa n boorɩ se'em, dee tãna ɩta ẽŋa n boorɩ se'em.

Filipi 2:16

wʋn pa'alɛ nẽrba yetɔga n bɔ'ɔrɩ vɔm. Ya sãn ẽŋɛ bɛla, ya wʋn botɩ mam zuugo zẽkɛ Krisi lemŋo daarɛ, pa'alɛ tɩ mam tõoma, la mam n mõrgrɩ la wuu dagɩ zãŋa.

Kolɔsɩ 2:12

Ban daan mise ya ko'om pʋam na, la ãn wʋ ba lagɩm ya mɛ la Krisi laagɛ. La yãma mẽ lagɩm na ẽ mɛ vo'oge, yãma n bɔ Nawẽnnɛ pãŋa n botɩ Krisi vo'oge sɩra la ĩyã.

1 Tesaloniki 1:3

Tõma tẽrɩ ya yelle tɩ Sɔ Nawẽnnɛ nẽŋam, yãma n bɔ sɩra tõnna se'em, la yãma n tarɩ nõŋlʋm tõnna zozo'e se'em, dee ken tẽra yãma n tarɩ pʋtẽ'erɛ gu'ura sɛla tɩ ya bɔ sɩra, zɛ kãŋkãŋɛ tɩ Zuudãana Azezi-krisi doosgo pʋam ka bigsra la yelle.

2 Tesaloniki 1:11

Bɛla ĩyã tɩ tõma pʋ'ʋsra Nawẽnnɛ wakatɛ wuu ya ĩyã, tɩ a basɛ tɩ ya ãna sõŋa masɛ wʋ ẽŋa n wi ya tɩ ya ãna se'em na. La a wʋn bɔ ya pãŋa tɩ ya ɩta bõn-sõma sɛba wuu tɩ ya boorɩ tɩ ya ẽŋɛ, dee basɛ tɩ yãma n bɔ sɩra tõnna tõon-sɛba la tõm ba'asɛ.

2 Tesaloniki 3:4

Zuudãana la ĩyã tõma bɔ yãma sɩra mɛ, tõma mi tɩ ya ɩtɩ la tõma n yele ya se'em na, la ya wʋn ken ɩta la bɛla.

Afilmõ 1:21

Mam n mi tɩ fʋ wʋn ẽŋɛ mam n boorɩ se'em na ĩyã tɩ mam gʋlsɛ bɔ fɔ, la mam mi tɩ fʋ wʋn põn ẽŋɛ gãŋɛ mam n yele fʋ se'em na mɛ.

Hiburuduma 10:35

Bɛla, da basɛ-ya sũ-ke'eŋo sɛka tɩ ya tarɩ la, tɩ ya wʋn yẽ yɔɔrɔ zozo'e.

Hiburuduma 12:2

Tɩ bɩsra-ya Azezi, ẽŋa n botɩ tɩ bɔ sɩra, dee wʋn tarɩ tɩ paagɛ a ba'asgɔ zẽ'am. A wĩbe mɛ ki dɔ-puurŋa zuo ka zoe yãnnɛ, se'ere n soe la, a yẽ sũ-yẽlga sɛka n gu'uri ẽ na mɛ, la a yãŋa zĩ la Nawẽnnɛ na'am bĩmbĩnne zʋʋgɔ.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.

2 Pita 3:10

Zuudãana la lemŋo daarɛ wʋn ãna wʋ nayiga n liŋri se'em na. Daar-ẽŋa, vool-kãtɛ n wʋn ẽŋɛ, tɩ bugum di bõn-sɛba n boe saazuum, tɩ saazuum bɔɩ. Tɩ tẽŋa, la bõn-sɛba n boe a pʋam na wuu mẽ ka le bɔna.