Filipi 1:21 - Farefare Ninkaré

²¹ La sãn dɛna la mam, mam sãn vɔa, la de la Krisi ĩyã, la kũm de la yõorɔ bɔ mam.

ZE'ELEGO PAALEGA

²¹ Se'ere en sɔi la, han dɛna mam wa, mam vom dela n tuna bɔ'ɔra Kiresta, ti n kum dɛna n nyuurɔ.

Filipi 1:21 ပူးပေါင်းရင်းမြစ်များ

1 Korẽntɩ 1:30

La Nawẽnnɛ n basɛ tɩ ya lagɩm na Azezi-krisi dɛna ayɩla la, ẽŋa ĩyã tɩ tɩ tara Nawẽnnɛ yɛm, dee masɛ Nawẽnnɛ nẽŋam, welge to'ore lebge a nẽrba n yese tõon-be'ero pʋam.

1 Korẽntɩ 3:22

Mam Apolɩ, bɩɩ Apolɔsɩ, bɩɩ Apɩyɛɛrɩ, bɩɩ dũnia wã, bɩɩ yõvore, bɩɩ kũm, bɩɩ sɛla n boe lɛɛlɛ wã, bɩɩ sɛla n wʋn wa wa'am, yãma n soe ba wuu.

2 Korẽntɩ 5:1

Tõma ĩyã tɩ tɩ tarɩ dũnia wã zuo ãn wʋ fuu-deego. Tõma mi tɩ fuu-deego ẽna sãn wa sã'am, Nawẽnnɛ wʋn ẽŋɛ kẽ'a zẽ'a saazuum bɔ tɔ. A de la kẽ'a zẽ'a n boe wakatɛ wuu, a dagɩ nẽrba n ẽŋɛ ẽ.

2 Korẽntɩ 5:6

Bɛla tɩ tõma tara bʋraanɛ zozo'e daarɛ woo, dee mina tɩ tõma n ken bɔna dũnia ĩyã wã pʋam na, tõma zãagɛ la Zuudãana kẽ'a zẽ'a na mɛ.

2 Korẽntɩ 5:8

Tõma tarɩ bʋraanɛ mɛ zo'oge, dee boorɩ nɩ tɩ tɩ basɛ dũnia ĩyã wã, dee sẽŋɛ ka bɔna Zuudãana la zẽ'am.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Galatɩ 6:14

La sãn dɛna mam, mam ka wẽ'erɩ m yõ'ogɔ la sɛla yelle, sãn dagna tɩ Zuudãana Azezi-krisi n ki dɔ-puurŋa zuo la mã'a yelle. Krisi kũm na ĩyã dũnia yɛla wuu ãn wʋ ba ki mɛ ka le sɔna mam, tɩ mam mẽ ãna wʋ mam ki mɛ, ka le bɔna dũnia yɛla pʋam.

Filipi 1:20

Mam n boorɩ sɛla, dee tara pʋtẽ'erɛ gu'ura sɛla la, de la mam kãn ẽŋɛ sɛla baa ayɩla tɩ yãnnɛ yõkɛ mam. La de la mam tara bʋraanɛ lɛɛlɛ wã la wakatɛ wuu, basɛ tɩ Krisi yẽ nã'asgɔ mam ĩyã, la sãn dɛna mam vɔa mɛ, bɩɩ mam sãn ki mɛ.

Filipi 1:22

La mam sãn ken vɔa, mam wʋn tõm na tõon-sõma sõŋɛ nẽrba. Bɛla, mam ka mi mam n wʋn looge sɛka.

Filipi 1:23

Mam boe la yɛla bayi tẽŋasʋka, mam boorɩ tɩ m basɛ vɔm ẽna mɛ dee sẽŋɛ ka bɔna Krisi zẽ'am, bɛla n ãn sõŋa gãnna.

Filipi 2:21

Nẽra woo zɩgrɩ la a mẽŋa yelle, la dagɩ Azezi-krisi yelle.

Kolɔsɩ 3:4

La Krisi n de tɩ vɔm na sãn wa puke, ya wʋn po naagɛ la ẽ puke la a na'am pãŋa.

Lilegere 14:13

Tɩ mam wõm kõa n ze'ele saazuum yele mam yetɩ: «Gʋlsɛ yetɩ: ‹Lan pɔsɛ lɛɛlɛ wã, nẽr-sɛba n kiiri Zuudãana doosgo pʋam na tarɩ zu-yẽlga.› Tɩ Nawẽnnɛ Sɩa yetɩ: ‹La de la sɩra, ba wʋn vo'ose la ba tõon-tooro, ba tõon-sõma la dolɩ ba mɛ.› »