Filipi 1:20 - Farefare Ninkaré

²⁰ Mam n boorɩ sɛla, dee tara pʋtẽ'erɛ gu'ura sɛla la, de la mam kãn ẽŋɛ sɛla baa ayɩla tɩ yãnnɛ yõkɛ mam. La de la mam tara bʋraanɛ lɛɛlɛ wã la wakatɛ wuu, basɛ tɩ Krisi yẽ nã'asgɔ mam ĩyã, la sãn dɛna mam vɔa mɛ, bɩɩ mam sãn ki mɛ.

ZE'ELEGO PAALEGA

²⁰ La dela sɛla ti mam kɔ'ɔm ana kɛli, gee me tari puti'irɛ, ti vi kan di mam sadɔɔ seko woo puan, gee doohe mam en muuli la sukpe'ene wa zuo, Kiresta yu'urɛ wan nyɛ pɛka nananawa, wuu la ni pun ani se'em mam iŋa wa puan la, mam vom bii n kum la.

Filipi 1:20 ပူးပေါင်းရင်းမြစ်များ

Azã 21:19

Azezi daan yele bɛla pa'alɛ la kũm sɛka buuri tɩ Apɩyɛɛrɩ wʋn ki tɩ la nã'asɛ Nawẽnnɛ. La ẽn yele bɛla la, a yele ẽ yetɩ: «Dɔla mam!»

Tõoma 20:24

La mam ka geele m mẽŋa yõvore la tɩ a tarɩ yõorɔ bɔ mam, sɛla n tarɩ yõorɔ bɔ mam de la mam yãŋɛ tõm m tõonɛ na tɩ Zuudãana Azezi bɔ mam na ba'asɛ. Tõon-ẽŋa de la mam mõolɛ Nawẽnnɛ yel-sõnnɛ na kõ-yẽlga.

Tõoma 21:13

Tɩ a lerge tõma yetɩ: «Bẽm tɩ ya kaasrɩ sã'ana m sũure? Mam sakɛ mɛ tɩ ba lʋ ma, la dagɩ bɛla mã'a, baa mam sãn wʋn ki Zerizalɛm Zuudãana Azezi yʋ'ʋrɛ ĩyã, mam ken sakɛ mɛ.»

Tõoma 4:31

Ban pʋ'ʋsɛ Nawẽnnɛ ba'asɛ la, zẽ'e-sɛka tɩ ba lagsɛ la mĩim mɛ. Tɩ Nawẽnnɛ Sɩa bɔ ba wuu pãŋa, tɩ ba tɔgɛ Nawẽnnɛ yetɔga la bʋraanɛ.

Aromduma 12:1

M sɔbiisi, Nawẽnnɛ n zoe tõma ninbãalga bɛla la, mam kã'anɩ ya tɩ ya dɩkɛ ya mẽŋa bɔ ẽ tɩ la ãna wʋ kãabgɔ n vɔɩ, tɩ ya welge to'ore dɛna a nẽrba n paarɩ a yɛm. Bɛla n de pʋ'ʋsgɔ sore n masɛ bɔ Nawẽnnɛ.

Aromduma 5:5

Pʋtẽ'e-ẽŋa tɩ tɩ tarɩ la kãn ẽŋɛ tɩ yãnnɛ, se'ere n soe la, Nawẽnnɛ Sɩa la tɩ a bɔ tõma la ẽŋɛ la a nõŋlʋm tɩ sũa pʋam.

Aromduma 6:13

Da dɩkɛ-ya ya ĩyã zẽ'esɩ to'oto'ore tɩ ba dɛna tõon-be'ero tõoma lɔgrɔ tɩ ya tara ba tõnna be'em. Dɩkɛ-ya ya mẽŋa bɔ Nawẽnnɛ wʋ nẽrba n ki dee vo'oge. Dɩkɛ-ya ya ĩyã zẽ'esɩ to'oto'ore la wuu bɔ Nawẽnnɛ tɩ a tara ba tõnna sɛla n masɛ.

Aromduma 6:19

Mam dɩkɛ la nẽrsaalba yelle makɛ bɔ ya, yãma n ka wõnnɩ sɛla võorɛ tɔtɔ la ĩyã. Yãma n daan dɩkɛ ya ĩyã zẽ'esɩ wuu bɔ tõon-dẽgrɔ, la tõon-be'ero tɩ ba tara ba tõnna tõon-be'ero la, bɛla mẽ, lɛɛlɛ wã, dɩkɛ-ya ya mẽŋa wuu bɔ, tõnna sɛla n masɛ, welge to'ore dɛna pʋpeelem dõma.

Aromduma 8:19

Bɛla n soe tɩ sɛla wuu tɩ Nawẽnnɛ nãam na gu'ura bɔɔra tɩ ba yẽ Nawẽnnɛ kɔma nã'asgɔ n wʋn puke la tɔtɔ.

Aromduma 9:33

wʋ lan gʋlsɛ Nawẽnnɛ gõŋɔ pʋam yetɩ: «Bɩsɛ ya! Mam bĩŋri la kugre n wẽ'erɩ nãma Siyõ, a de la kugre n botɩ nẽrba wẽ'era nãma luta. La nẽr-sɛka n bɔ ẽ sɩra, yãnnɛ kãn di ẽ.»

1 Korẽntɩ 15:31

M sɔbiisi, mam põsrɩ m yõorɛ mɛ daarɛ woo, mam n yetɩ ya se'em na de la sɩra. La de la sɩra wʋ mam n ɩtɩ sũ-yẽlga ya yelle yãma n dolɩ Zuudãana Azezi-krisi ĩyã se'em na.

1 Korẽntɩ 6:20

Nawẽnnɛ da ya la da'aga n de toogo, bɛla, dɩkɛ-ya ya ĩyã, nã'asra Nawẽnnɛ.

1 Korẽntɩ 7:34

Bɛla, a pʋtẽ'erɛ n boorɩ se'em na pʋɩ mɛ. La pɔka bɩɩ pugla n mẽ ka tarɩ sɩra dɩkrɩ a pʋtẽ'erɛ wuu tõnna la Zuudãana la tõoma, a eerɩ la ẽŋa n wʋn ẽŋɛ se'em, tɩ a ĩyã, la a sɩa wʋn wa dɛna Nawẽnnɛ bõnɔ. La sɛka n tarɩ sɩra, dũnia yɛla n pakɛ ẽ, a eerɩ la ẽŋa n wʋn ẽŋɛ se'em, tɩ la ãna a sɩra sũure yẽlʋm.

2 Korẽntɩ 10:8

La mam sãn wẽ m yõ'ogɔ zo'oge fẽe la ke'eŋo sɛka tɩ Zuudãana bɔ tõma la, yãnnɛ ka tarɩ mam, la de la Zuudãana n bɔ tõma ke'eŋo tɩ tɩ sõŋɛ ya tɩ ya sẽŋɛ nẽŋa Nawẽnnɛ doosgo pʋam, la dagɩ tɩ sã'am ya.

2 Korẽntɩ 3:12

Tõma n tarɩ pʋtẽ'e-ẽŋa gu'ura la ĩyã, tõma tarɩ bʋraanɛ zo'oge mɛ.

2 Korẽntɩ 4:10

Tõma tarɩ nãmsgɔ mɛ tɩ ĩyã pʋam wʋ Azezi kũm nãmsgɔ la daarɛ woo ka gɔ'ɔra, tɩ nẽrba wʋn yẽ Azezi vɔm tõma pʋam.

2 Korẽntɩ 5:15

A ki nẽrba wuu ĩyã tɩ nẽr-sɛba n vɔa la, da le vɔa ba mẽŋa n boorɩ se'em, ba vɔa wʋ sɛka n ki ba ĩyã dee vo'oge la n boorɩ se'em.

2 Korẽntɩ 7:14

La sãn dɛna mam n pẽgɛ yãma Atiti zẽ'am na, yãma ka ẽŋɛ mam yãnnɛ. Tõma n ẽn tɔgra sɩra bɔ'ɔra ya daarɛ woo la, bɛla tõma n pẽgɛ yãma Atiti zẽ'am na mẽ de la sɩra.

2 Korẽntɩ 7:4

Mam bɔ ya sɩra mɛ, la mam yẽsnɩ mɛ yãma ĩyã. Baa tõma toogo la wuu pʋam, mam tarɩ bʋraanɛ, la sũ-yẽlga zo'oge mɛ.

Filipi 1:14

La tɩ sɔbiisi zozo'e yẽ bʋraanɛ mɛ Zuudãana doosgo la pʋam, mam n boe yʋ'a deem na ĩyã, tɩ ba sũure kɛŋra pa'asra, tɩ ba mõola Nawẽnnɛ kõ-yẽlga la ka zɔta dabeem.

Filipi 2:17

Ba sãn kʋ mam, la wʋn ãna wʋ kãabgɔ pa'asɛ yãma n bɔ Nawẽnnɛ sɩra tɩ la ãna wʋ kãabgɔ bɔ ẽ na pʋam. Baa la sãn dɛna bɛla, mam sũure ãn yẽlʋm mɛ, la mam wʋn ẽŋɛ sũ-yẽlga la yãma wuu.

Kolɔsɩ 1:24

Lɛɛlɛ wã, mam sũure ãn yẽlʋm mɛ, mam n nãmsrɩ bɔ'ɔra yãma la ĩyã. Mam n nãmsrɩ wã de la Krisi nãmsgɔ n deege dɛna mam nãmsɛ bɔ a nẽrba n de a ĩyã la.

1 Tesaloniki 5:23

Nawẽnnɛ n de sũ-mã'asʋm dãana la mẽŋa wʋn basɛ tɩ ya dɛna ẽŋa mã'a nẽrba tara pʋpeelem. A wʋn gu ya ĩyã, la ya sɩa, la ya yɛm wuu tɩ ya kãn tara dõrga tɩ Zuudãana Azezi-krisi lemŋo daarɛ.

1 Pita 4:16

La nẽra sãn nãmsra ẽŋa n de Krisi nẽra ĩyã, a da zɔta yãnnɛ. A nã'asra Nawẽnnɛ, ban wi'iri ẽ Krisi nẽra la ĩyã.

1 Zã 2:28

Ẽe, m kɔma, bɔna-ya la ẽ lɛ, tɩ a sãn wa puke daarɛ tɩ tɩ tara sũ-ke'eŋo, tɩ yãnnɛ da yõkɛ tɔ a nẽŋam a lemŋo la daarɛ.