Filipi 1:15 - Farefare Ninkaré

¹⁵ La de la sɩra tɩ nẽrba basɛba mõolɩ Krisi kõ-yẽlga la sũure ĩyã, la gẽelgɔ, la basɛba mõolɩ la pʋtẽ'e-sõŋɔ.

ZE'ELEGO PAALEGA

¹⁵ Sɛba muuli Kiresta mɛ, nintɛrega la nyuure zuo, gee sɛba me muulegɔ mɛ la putɛ'sunɛ.

Filipi 1:15 ပူးပေါင်းရင်းမြစ်များ

Amatie 23:5

Ba tõnnɩ ba tõoma la wuu tɩ nẽrba n bɩsra ba, bɛla tɩ ba dɩkɛ gãna gʋlsɛ Nawẽnnɛ yetɔga ba pʋam dɩkɛ lʋ ba dĩa bɩɩ ba kẽnkãnsɩ. Dee pɛ fu-wogro ẽŋɛ bisa tɩ ba wɔgɛ tɩ nẽrba nã'asra ba.

Tõoma 10:36

Tɔ. Ya mi tɩ Nawẽnnɛ tõm a yetɔga la bɔ la Ɩsrayɛlɩ dõma, a de la kõ-yẽlga n pa'alɩ tɩ tɩ wʋn tara sũ-mã'asʋm la Nawẽnnɛ Azezi-krisi ĩyã, ẽŋa n de nẽrsaalba wuu Zuudãana.

Tõoma 11:20

La ba bʋraasɩ basɛba daan ze'ele la Sipri, la Sirɛnɩ so'olʋm sẽŋɛ Antɩyɔsɩ mẽ ka mõolɛ bu-zãŋsɩ, tɔgɛ Zuudãana Azezi kõ-yẽlga la bɔ ba.

Tõoma 5:42

La daarɛ woo ba boe la Wẽnde-kãtʋm na, la ba yiɛ pʋam, ken zãsna nẽrba, dee mõola Azezi kõ-yẽlga yetɩ, ẽŋa n de Krisi tɩ Nawẽnnɛ tõm.

Tõoma 8:35

Tɩ Afilipi yãŋa dɩkɛ Nawẽnnɛ gõŋɔ la zẽ'e-sɛka tɩ a karẽŋɛ la pa'alɛ a võorɛ, dee doose bilam tɔgɛ Azezi kõ-yẽlga bɔ ẽ.

Tõoma 8:5

Afilipi daan sẽŋɛ la Samaari tẽŋa ayɩla pʋam ka mõolɛ Krisi kõ-yẽlga la bɔ ba.

Tõoma 9:20

darɛ kẽ Zifdõma wẽndetʋm mõola Nawẽnnɛ yetɔga yetɩ, Azezi de la Nawẽnnɛ Dayʋa.

Aromduma 2:8

La nẽr-sɛba n ka sakɛ bɔ, sɩ'ɩsra sɩra, dee ɩta sɛla n ka masɛ la, wʋn yẽ Nawẽnnɛ sũ-isgre, la sɩbgrɛ.

1 Korẽntɩ 1:23

Tõma nõo mõolɩ la Krisi n ki kũm dɔ-puurŋa zuo la kõ-yẽlga, kõ-yẽlga ẽŋa tɩ Zifdõma dɩkɛ tɩ a dɛna pɔ'ɔrɛ yetɔga, tɩ sɛba n dagɩ Zifdõma la dɩkɛ tɩ la dɛna yalnɛ.

1 Korẽntɩ 13:3

La mam sãn dɩkɛ mam n tarɩ sɛla wuu pʋɩ nasdõma, la baa mam sãn sakɛ tɩ ba yõ mam ĩyã bugum, dee ka tara nõŋlʋm, bɛla ka tarɩ yõorɔ bɔ mam.

2 Korẽntɩ 1:19

Se'ere n soe la, Azezi-krisi n de Nawẽnnɛ Dayʋa tɩ mam, la Atimõtɩ, la Asilvẽ daan mõolɛ a kõa yãma zẽ'am na, dagɩ «ẽe», la «ayɛɩ», ẽŋa zẽ'am la de la «ẽe» wakatɛ wuu.

2 Korẽntɩ 11:13

Nẽr-bãma de la põmpɔrŋɔ Tõntõnɩba, ba pã'asrɩ la nẽrba, ɩta ba mẽŋa ãna wʋ ba de la Krisi Tõntõnɩba.

2 Korẽntɩ 12:20

Mam zotɩ mɛ tɩ m wʋn wa paam ya zẽ'am yẽ tɩ ya ka ãn wʋ mam n boorɩ se'em na, tɩ yãma mẽ yẽ tɩ mam ka ãn wʋ yãma n boorɩ se'em na. Mam zotɩ mɛ tɩ zɛbrɛ, la ɩta sũure la taaba, la sũ-isgre, la gẽelgɔ, la pɔ'ɔg-taaba, la ya'anzũm, la zẽk-m-mẽŋa, la ɩr-yooro wʋn bɔna ya tẽŋasʋka.

2 Korẽntɩ 4:5

La dagɩ tõma mẽŋa yelle tɩ tõma mõolɩ, la de la Azezi-krisi n de Zuudãana la kõa tɩ tõma mõolɩ. La sãn dɛna tõma, tõma de la yãma tõntõnɩba Azezi ĩyã.

Galatɩ 2:4

Nẽrba basɛba n daan pã'asɛ tɩ bãma de la Azezi karẽnbiisi, li'ise kẽ tõma tẽŋasʋka bɔɔra tɩ ba bãŋɛ tõma n lagɩm na Azezi-krisi dɛna ayɩla la, tõma n to'oge tɩ mẽŋa se'em, bãma daan boorɩ tɩ ba basɛ tɩ tõma le dɛna la Zifdõma lɔɔ yamsɩ.

Filipi 2:3

Da ɩta-ya sɛla sɛla gẽela taaba la pa'al-m-mẽŋa, sikra ya mẽŋa tẽ'esra tɩ nẽrba basɛba la gãnnɩ ya.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.