Filipi 1:11 - Farefare Ninkaré

¹¹ tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

ZE'ELEGO PAALEGA

¹¹ Yan diŋɛ wam tuuntɔɔ wala sɛ'a en ze'eti Yezu Kiresta zi'an na, tara na'ahegɔ la pɛka bɔ'ɔra Yinɛ la.

Filipi 1:11 ပူးပေါင်းရင်းမြစ်များ

Amatie 5:16

Bɛla, basɛ-ya tɩ ya peelem nẽegɛ nẽrba tẽŋasʋka, tɩ ba yẽ ya tõon-sõma nã'asɛ ya Sɔ Nawẽnnɛ n boe saazuum.»

Azã 15:16

Dagɩ yãma n looge mam, mam n looge ya, dɩkɛ m tõonɛ na ẽŋɛ ya nu'usum tɩ ya sẽŋɛ ka tõm tõon-sõma wʋ tɩa n wɔnnɩ biɛ la, tɩ ya tõon-sõma la wʋn bɔna wakatɛ wuu. Bɛla, bõn-sɛka woo tɩ ya wʋn sose mam Sɔ la, la mam yʋ'ʋrɛ, a wʋn bɔ ya.

Azã 15:2

Wil-sɛka n puse mam zuo dee ka wɔnna biɛ, a wãarɩ ẽ mɛ basra. La wil-sɛka woo n wɔnnɩ biɛ, a yorsrɩ ẽ mɛ tɩ a ãna sõŋa malɩn wɔnna biɛ zɔ'ɔra.

Azã 15:8

Ya sãn tõm tõon-sõma zo'oge pa'alɛ tɩ yãma de la mam karẽnbiisi, bɛla ya wʋn nã'asɛ mam Sɔ.

Aromduma 15:28

Mam sãn tarɩ ligri la tɩ ba lagsɛ la sẽŋɛ ka bɔ ba kɩ'ɩlɩm, mam wʋn wa'am wa kaagɛ ya, dee tole Ɛspayẽ.

Aromduma 6:22

La lɛɛlɛ wã, Nawẽnnɛ yese ya tõon-be'ero pʋam mɛ, tɩ ya lebge Nawẽnnɛ yamsɩ. Ya yõorɔ de la ya welge to'ore malgra ya mẽŋa dɛna pʋpeelem dõma. Bõn-ẽŋa ba'asgɔ de la vɔm n ka ba'asrɩ.

1 Korẽntɩ 10:31

Lan de se'em na, ya sãn dita mɛ, bɩɩ ya yũuri mɛ, bɩɩ sɛla woo tɩ ya ɩtɩ, ɩta-ya ba wuu nã'asra Nawẽnnɛ.

2 Korẽntɩ 9:10

Nawẽnnɛ n bɔ'ɔrɩ ka-kɔɔra bõnbuuri, dee bɔ'ɔra ẽ dia tɩ a dita la, wʋn bɔ ya sɛla tɩ ya tãna wʋn tõm tõon-sõma zozo'e wʋ bõnbuuri n wɔm zo'oge se'em, tɩ ya tõoma n masɛ wʋn zɔ'ɔra pa'asra.

Efɛɛzɩ 1:12

Tɩ tõma n dẽŋɛ tara pʋtẽ'erɛ la Krisi la, wʋn basɛ tɩ nẽrba pẽgɛ ẽ a na'am pãŋa la ĩyã.

Efɛɛzɩ 1:14

A Sɩa la n de sɛla n pa'alɛ tɩ tɩ wʋn yẽ sɛla woo tɩ a bĩŋe nõorɛ tɩ a bɔ tɔ la, halɩ ka paagɛ wakat-sɛka tɩ a wʋn fãagɛ tõma wuu n de a nẽrba la ba'asɛ la, bõn-ẽŋa n wʋn basɛ tɩ tɩ pẽgɛ ẽ, a na'am pãŋa la ĩyã.

Efɛɛzɩ 2:10

La de la Nawẽnnɛ n nãam tɔ, botɩ tɩ lagɩm na Azezi-krisi dɛna ayɩla, tõnna tõon-sõma tɩ a põn dẽŋɛ mãasʋm tɩ tɩ wa tõm na.

Efɛɛzɩ 5:9

Peelem tõoma de la sɛla woo n ãn sõŋa, la sɛla n masɛ, la sɩra.

Filipi 4:17

La dagɩ tɩ mam eerɩ la bɔ'a, mam n boorɩ sɛla de la ya yẽ yɔɔrɔ zo'oge.

Kolɔsɩ 1:10

Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

Kolɔsɩ 1:6

Kõ-yẽlga ẽŋa paagɛ yãma zẽ'am mɛ, wʋ ẽn paagɛ dũnia zẽ'esɩ wuu se'em na, la a ɩtɩ nẽrba sõŋa mɛ, tɩ ba sakra zozo'e, tɩ ba kãllɛ pa'asra. A mẽ ɩtɩ la bɛla yãma zẽ'am lan sẽŋɛ la daar-sɛka tɩ yãma wõm, dee bãŋɛ Nawẽnnɛ yel-sõnnɛ sɩra sɩra la.

2 Tesaloniki 1:12

Bɛla tɩ tɩ Zuudãana Azezi yʋ'ʋrɛ wʋn yẽ nã'asgɔ ya zẽ'am, tɩ yãma mẽ yẽ nã'asgɔ a zẽ'am. Bɛla wuu de la Nawẽnnɛ, la tɩ Zuudãana Azezi-krisi yel-sõnnɛ.

Taitusi 3:14

Tõma nẽrba la masɛ mɛ tɩ ba zãsʋm tõnna tõon-sõma tɩ la sõŋɛ sɛba n boorɩ sõŋrɛ la, dee da vɔa vɔm n ka tarɩ yõorɔ.

Hiburuduma 12:11

Wakatɛ sɛka tɩ ba sɩbgrɩ tõma la, la de la sũ-sã'aŋɔ, la ka de sũ-yẽlga. La bɛla poorʋm nẽr-sɛba n yẽ sɩbgrɛ ẽŋa la yẽtɩ a yõorɔ mɛ, n de sũ-mã'asʋm, la vɔm n masɛ ãna sõŋa.

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 2:5

Yãma mẽ vɔa mɛ. Basɛ-ya tɩ Nawẽnnɛ dɩkɛ ya tɩ ya ãna wʋ kuga mẽ deego tɩ a Sɩa bɔna mĩ, tɩ ya ãna wʋ kãabgɔ kẽma bɔna mĩ tõnna wʋ Nawẽnnɛ Sɩa n boorɩ se'em, tɩ la paara a yɛm, Azezi-krisi ĩyã.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.

1 Pita 4:14

Ba sãn tʋʋra ya yãma n de Krisi nẽrba la ĩyã, ya tarɩ zu-yẽlga, se'ere n soe la, Nawẽnnɛ Sɩa la n tarɩ nã'asgɔ zozo'e la boe la ya lɛ mɛ.