Filipi 1:1 - Farefare Ninkaré

¹ Mam Apolɩ la Atimõtɩ n de Azezi-krisi tõntõnɩba n gʋlsɛ gõŋɔ wã bɔ'ɔra yãma sɛba wuu n bɔ Azezi-krisi sɩra dɛna Nawẽnnɛ nẽrba, la ya nẽŋadõma, la ya yel-bɩsrɩba n boe Filipi.

ZE'ELEGO PAALEGA

¹ Mam Pɔɔl la Timoti en de Kiresta Yezu yamehi la en gulehɛ gɔŋɔ wa, bɔ'ɔra Yinɛ nɛresunduma la za'a en boi Kiresta Yezu puan Filipi timpaberɛ la, la lageŋɔ nɛheduma, la kiinduma la.

Filipi 1:1 ပူးပေါင်းရင်းမြစ်များ

Amarkɩ 13:34

La wʋn ãna wʋ bʋraa n we'esɩ sore dee dɩkɛ a yire gu'ule a tõntõnɩba, bɔ tõntõnna woo a tõonɛ, dee yele zanõr-gu'ura tɩ a gu'ura.

Azã 12:26

La nẽra sãn bɔɔra tɩ a tõm bɔ mam, dẽnɩ tɩ a dɔla mam. La mam n boe zẽ'e-sɛka la, mam tõntõnna mẽ wʋn bɔna la bilam. La nẽra sãn tõnna bɔ'ɔra mam, mam Sɔ wʋn pẽgɛ ẽ.

Tõoma 1:20

Apɩyɛɛrɩ ken tɔgɛ yetɩ: «La gʋlsɛ Nawẽnnɛ yõoma gõŋɔ pʋam yetɩ: ‹A yire wʋn lebge daboogo, tɩ nẽra nẽra da le kẽ'era mĩ.› Dee ken gʋlsɛ yetɩ: ‹Nẽra wʋn sɔɔgɛ a zẽ'am tõm.›

Tõoma 20:28

Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa.

Tõoma 9:13

Tɩ Ananiyasɩ lerge yetɩ: «Zuudãana, mam põn wõm bʋraa wã yelle zozo'e mɛ, ẽŋa n tõm fʋ nẽrba be'em se'em Zerizalɛm,

Aromduma 1:1

Mam Apolɩ n de Azezi-krisi yamŋa n gʋlsɛ gõŋɔ wã. Nawẽnnɛ n wi mam tɩ m dɛna Azezi-krisi Tõntõnna, welge mam to'ore tɩ m mõolɛ a kõ-yẽlga.

Aromduma 1:7

Mam gʋlsɛ gõŋɔ wã bɔ'ɔra la yãma sɛba wuu n boe Rom, tɩ Nawẽnnɛ nõŋɛ ya, wi ya tɩ ya welge to'ore dɛna a nẽrba la. Tɩ Sɔ Nawẽnnɛ, la tɩ Zuudãana Azezi-krisi wʋn ẽŋɛ ya yel-sõnnɛ, dee bɔ ya sũ-mã'asʋm.

1 Korẽntɩ 16:10

Atimõtɩ sãn wa'am ya zẽ'am, ya to'oge ẽ sõŋa, dee ẽŋɛ-ya yan wʋn ẽŋɛ se'em tɩ a bʋraanɛ da bo'oge. Se'ere n soe la, a tõnnɩ Zuudãana tõoma la wʋ mam n tõnnɩ se'em na.

2 Korẽntɩ 1:1

Mam Apolɩ n de Azezi-krisi Tõntõnna wʋ Nawẽnnɛ n boorɩ se'em, la tɩ sɔbia Atimõtɩ n gʋlsɛ gõŋɔ wã bɔ'ɔra yãma Nawẽnnɛ nẽrba wuu n boe Korẽntɩ, la Akayi so'olʋm wuu pʋam na.

Galatɩ 1:10

Bɛla, yãma tẽ'esɛ tɩ mam boorɩ tɩ nẽrba n pẽgɛ mam bɩɩ, bɩɩ Nawẽnnɛ n pẽgɛ ma? Yãma tẽ'esɛ tɩ mam boorɩ tɩ m ẽŋɛ tɩ la paagɛ la nẽrsaalba yɛm bɩɩ? Ayɛɩ, mam sãn boorɩ nɩ tɩ m ẽŋɛ tɩ la paagɛ nẽrsaalba yɛm, mam ka de nɩ Krisi tõntõnna.

Galatɩ 3:26

Yãma n bɔ Azezi-krisi sɩra la, ya wuu de la Nawẽnnɛ kɔma.

Galatɩ 3:28

Yãma n lagɩm na Krisi la, bɔkrɛ ka le bɔna tɩ fʋ de la Zifu, bɩɩ bu-zãŋka, yamŋa bɩɩ nẽra n soe a mẽŋa, pɔka bɩɩ bʋraaga, ya wuu de la ayɩla.

Efɛɛzɩ 1:1

Mam Apolɩ n de Azezi-krisi Tõntõnna wʋ Nawẽnnɛ n boorɩ se'em na, n gʋlsɛ gõn-ẽna wã bɔ'ɔra yãma Nawẽnnɛ nẽrba n boe Efɛɛzɩ dɛna sɩra dõma Azezi-krisi doosgo pʋam na.

Efɛɛzɩ 1:15

Bɛla n soe tɩ mam n wõm yãma n bɔ tɩ Zuudãana Azezi sɩra, la yãma n tarɩ nõŋlʋm la Nawẽnnɛ nẽrba wuu se'em na,

Efɛɛzɩ 6:24

Nawẽnnɛ wʋn ẽŋɛ nẽr-sɛba wuu n nõŋɛ tɩ Zuudãana Azezi-krisi la nõŋlʋm n ka ba'asrɩ la yel-sõnnɛ.

Filipi 2:19

Mam tarɩ pʋtẽ'erɛ tɩ Zuudãana Azezi sãn sõŋɛ, la kãn yuuge dee tɩ mam tõm Atimõtɩ ya zẽ'am, tɩ m wʋn tã'agɛ bãŋɛ yãma n ãn se'em tɩ m sũure mã'agɛ.

Filipi 2:5

Tara-ya pʋtẽ'e-sɛka tɩ Azezi-krisi daan tarɩ la.

Filipi 3:12

Mam ka yetɩ mam darɛ paagɛ bõn-sɛka tɩ mam boorɩ la mɛ, bɩɩ mam darɛ masɛ mɛ sɛla woo pʋam, mam ken mõrgra mɛ tɩ m paagɛ gʋrɛ ẽ, se'ere n soe la, Krisi dẽŋɛ gʋrɛ mam mɛ.

Filipi 3:3

Tõma n pʋ'ʋsrɩ Nawẽnnɛ la a Sɩa pãŋa, dee ɩta sũ-yẽlga Azezi-krisi doosgo pʋam, ka te'ege nẽrsaalba n ɩtɩ sɛla la, tõma n de nẽrba n wã wãaga mẽŋa mẽŋa.

Filipi 3:8

Mam n bãŋɛ Azezi-krisi n de m Zuudãana n ãn sõŋa gãnna wuu la, mam bɩsɛ bõn-bãma wuu wʋ sɛla n ka tarɩ yõorɔ. Krisi ĩyã mam basɛ bõn-bãma mɛ, bɩsɛ ba wʋ sɔgrɔ tɩ m tã'agɛ yẽ Krisi,

1 Tesaloniki 1:1

Mam Apolɩ, la Asilvẽ, la Atimõtɩ n gʋlsɛ gõŋɔ wã bɔ'ɔra yãma sɛba n de tɩ Sɔ Nawẽnnɛ, la tɩ Zuudãana Azezi-krisi nẽrba n boe Tesaloniki. Nawẽnnɛ wʋn ẽŋɛ ya yel-sõnnɛ, dee bɔ ya sũ-mã'asʋm.

1 Tesaloniki 2:2

La ya ken mina tɩ ba daan nãmsɛ tõma mɛ dee tʋ tõma Filipi tẽŋa, dee tɩ tõma yãŋa wa'am yãma zẽ'am Tesaloniki. La Nawẽnnɛ daan bɔ tõma bʋraanɛ mɛ, tɩ tõma mõolɛ a kõ-yẽlga la bɔ ya, baa nãmsgɔ la n daan zo'oge la.

2 Tesaloniki 1:1

Mam Apolɩ, la Asilvẽ, la Atimõtɩ n gʋlsɛ gõŋɔ wã bɔ'ɔra yãma sɛba n de tɩ Sɔ Nawẽnnɛ, la Zuudãana Azezi-krisi nẽrba n boe Tesaloniki.

2 Tesaloniki 1:10

wakat-sɛka tɩ a wʋn wa'am na. Daar-ẽŋa, a wʋn wa'am mɛ wa to'oge pẽka la nã'asgɔ a mẽŋa nẽrba n bɔ ẽ sɩra la zẽ'am, la yãma po bɔna ba pʋam mɛ, yãma n sakɛ a kõ-yẽlga la tɩ tõma tɔgɛ bɔ ya la ĩyã.

1 Timoti 1:2

Mam gʋlsɛ gõŋɔ wã bɔ'ɔra la Atimõtɩ n lebge mam mẽŋa bia Azezi-krisi doosgo la pʋam. Tɩ Sɔ Nawẽnnɛ, la tɩ Zuudãana Azezi-krisi wʋn ẽŋɛ fʋ yel-sõnnɛ, dee zoe fʋ ninbãalga, dee bɔ fɔ sũ-mã'asʋm.

1 Timoti 3:8

Yel-bɩsrɩba mẽ masɛ mɛ tɩ ba dɛna nẽrba tɩ ba nannɩ, ba da dɛna nẽrba n tarɩ nõgõla, ba da yũura dãam bugra, ba da dɛna nẽrba n ɩtɩ sɛla n ka masɛ yẽta bõntarsõm.

Taitusi 1:1

Mam Apolɩ n gʋlsɛ gõŋɔ wã, mam de la Nawẽnnɛ yamŋa, la Azezi-krisi Tõntõnna tɩ a tõm tɩ m mõolɛ a kõ-yẽlga tɩ sɛba tɩ Nawẽnnɛ looge la bɔ sɩra, dee bãŋɛ Nawẽnnɛ sɩra n pa'alɩ ban wʋn dɔla Nawẽnnɛ sore se'em.

Taitusi 1:7

Dẽnɩ tɩ nẽŋadãana n bɩsrɩ Nawẽnnɛ nẽrba yelle dɛna nẽra n ka tarɩ dõrga, la a da dɛna pa'al-m-mẽŋa dãana, bɩɩ sũ-isgre dãana, a da dɛna dã-yũura, bɩɩ zɛbzɛbra, bɩɩ nẽra n ɩtɩ sɛla n ka masɛ yẽta bõntarsõm.

Afilmõ 1:1

Mam Apolɩ n boe yʋ'a deem Azezi-krisi yelle, la tɩ sɔbia Atimõtɩ n gʋlsɛ gõŋɔ wã bɔ'ɔra tɩ sɩr-sõŋɔ Afilmõ n de tɩ tõntõn-tadãana,

Hiburuduma 13:23

Bãŋɛ-ya tɩ ba yo'oge tɩ sɔbia Atimõtɩ basɛ mɛ, a sãn wa'am tɔtɔ, mam na ẽŋa wʋn doose taaba wa'am wa kaagɛ ya.

Yemesi 1:1

Mam Azakɩ n de Nawẽnnɛ, la tɩ Zuudãana Azezi-krisi tõntõnna n gʋlsɛ gõŋɔ wã pʋ'ʋsra Nawẽnnɛ nẽrba wuu n wɩrgɛ bɔna zẽ'a woo la.

1 Pita 2:25

Ya daan ãn wʋ piisi n bɔɩ, la lɛɛlɛ wã, ya leme na ya dũnsĩina la zẽ'am, ẽŋa n bɩsrɩ ya.

2 Pita 1:1

Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.

Azudi 1:1

Mam Azudi n de Azezi-krisi tõntõnna, la Azakɩ yɩbga la n gʋlsɛ gõŋɔ wã bɔ'ɔra yãma sɛba tɩ tɩ Sɔ Nawẽnnɛ wi tɩ ya dɛna a nẽrba, nõŋɛ ya, tɩ Azezi-krisi gu'ura ya la.

Lilegere 1:1

Gõŋɔ wã tarɩ la sɛla tɩ Azezi-krisi puke pa'alɛ. Nawẽnnɛ n daan bɔ ẽ bõn-bãma tɩ a pa'alɛ a tõntõnɩba sɛla n wʋn ẽŋɛ wakatɛ fẽfẽe pʋam. Azezi-krisi daan tõm na a malɛka a tõntõnna Azã zẽ'am tɩ a pa'alɛ ẽ bõn-bãma.

Lilegere 1:20

Wõrbiɛ bayopɔɩ tɩ fʋ yẽ mam zʋʋgɔ nu'ugo pʋam, la sãlma fɩtladõma bayopɔɩ la võorɛ n wãna: Wõrbiɛ bayopɔɩ la de la tẽnsɩ bayopɔɩ la Wẽndeto la nẽrba gu'urba, la fɩtladõma bayopɔɩ la de la tẽnsɩ bayopɔɩ la Wẽndeto nẽrba.»

Lilegere 19:10

Tɩ mam ka dũma tẽŋa a nẽŋam tɩ m nã'asɛ ẽ, tɩ a yele mam yetɩ: «Da ẽŋɛ bɛla! Mam mẽ de la Nawẽnnɛ tõntõnna wʋ fõn, la fʋ sɔbiisi la n sakɛ sɩra tɩ Azezi pa'alɛ la. La de la Nawẽnnɛ n de fʋ nã'asɛ.» Sɩra la tɩ Azezi puke pa'alɛ la n bɛla tɩ Nawẽnnɛ Sɩa botɩ a nõtɔ'ɔsrɩba tɔ'ɔsra tɔgra.

Lilegere 2:12

«Gʋlsɛ bɔ Pɛrgamɩ Wẽndeego nẽrba la gu'ura yetɩ: Sɛka n tarɩ sʋkɔbgɔ n saasɛ tara nõa ayi la n yele se'em n wãna:

Lilegere 2:8

«Gʋlsɛ bɔ Simirni Wẽndeego nẽrba la gu'ura yetɩ: Sɛka n de pĩ'iluŋo la ba'asgɔ, sɛka n daan ki dee vo'oge la n yele se'em n wãna:

Lilegere 22:9

Tɩ a yele mam yetɩ: «Da ẽŋɛ bɛla, tɩ mam mẽ de la tõntõnna wʋ fõn, la fʋ sɔbiisi n de nõtɔ'ɔsrɩba, la nẽr-sɛba wuu n sakrɩ gõn-ẽna wã yetɔga la. Nawẽnnɛ n de fʋ nã'asɛ.»