Efɛɛzɩ 6:20 - Farefare Ninkaré

²⁰ La de la kõ-yẽlga ẽŋa tɩ Nawẽnnɛ tõm mam tɩ m mõolɛ, bɛla ĩyã tɩ mam bɔna yʋ'a deem. Pʋ'ʋsra-ya Nawẽnnɛ tɩ m wʋn tã'agɛ mõolɛ la bʋraanɛ wʋ lan masɛ se'em.

ZE'ELEGO PAALEGA

²⁰ sebo zuo ti mam sooe Kiresta na'arɛ ti ba ba' mam la bãhi. Pu'uheri ya Yinɛ bɔ'ɔra mam ti n ta'am muulɛ dɛ la sukpe'ene, wuu lan de n tɔgɛ se'em la.

Efɛɛzɩ 6:20 ပူးပေါင်းရင်းမြစ်များ

Tõoma 21:33

Tɩ sʋdaasɩ kɛ'ɛndõma kɛ'ɛma la paagɛ yõkɛ Apolɩ, dee bɔ sʋdaasɩ la nõorɛ yetɩ, ba ba ẽ na bãnsɩ bayi. Dee tɩ a soke bãŋɛ ẽn de nẽr-sɛka, la ẽŋa n ẽŋɛ sɛla.

Tõoma 26:29

Tɩ Apolɩ yetɩ: «La sãn yuuge, bɩɩ la sãn ka yuuge, mam pʋ'ʋsrɩ Nawẽnnɛ mɛ tɩ fõn la sɛba wuu n selsrɩ mam zĩna wã wʋn lebge ãna wʋ mam ãn se'em na, sãn dagna bãnsɩ la mã'a tɩ mam ka boorɩ tɩ ba ba ya.»

Tõoma 28:20

Bɛla tɩ mam wi ya tɩ ya wa'am tɩ sõsɛ la taaba. Ban lʋ mam na bãnsɩ wã, la de la sɛka tɩ Ɩsrayɛlɩ dõma tarɩ a pʋtẽ'erɛ gu'ura ẽ na ĩyã.»

Tõoma 28:31

mõola Nawẽnnɛ so'olʋm yelle, dee zãsna ba Zuudãana Azezi-krisi yɛla. A daan tɔgrɩ la bʋraanɛ, tɩ nẽra ka gu'ura ẽ tɩ a da tɔgɛ.

Tõoma 5:29

Tɩ Apɩyɛɛrɩ la a Tõntõn-taaba la lerge ba yetɩ: «La masɛ mɛ tɩ tõma sakɛ Nawẽnnɛ nõorɛ gãnna nẽrsaalba nõorɛ.

2 Korẽntɩ 3:12

Tõma n tarɩ pʋtẽ'e-ẽŋa gu'ura la ĩyã, tõma tarɩ bʋraanɛ zo'oge mɛ.

2 Korẽntɩ 5:20

Bɛla, Krisi n tõm tõma tɩ tõma sɔɔgɛ a zẽ'am tɔgra la yãma wʋ Nawẽnnɛ mẽŋa n tɔgrɩ kã'ana ya tõma yetɔga la pʋam. Krisi ĩyã tõma sosrɩ ya mɛ tɩ ya naagɛ la Nawẽnnɛ.

Efɛɛzɩ 3:1

Bɛla tɩ mam Apolɩ pʋ'ʋsra Nawẽnnɛ. Mam boe la yʋ'a deem Azezi-krisi yelle, mam n mõolɛ a kõ-yẽlga bɔ yãma bu-zãŋsɩ la ĩyã.

Efɛɛzɩ 4:1

Mam n boe yʋ'a deem Zuudãana doosgo yelle la, mam sosrɩ ya tɩ ya dɔla sorɔɔgɔ la sõŋa, wʋ lan masɛ Nawẽnnɛ n wi ya tɩ ya ãna se'em na.

Efɛɛzɩ 6:19

La ya mẽ pʋ'ʋsra mam ĩyã tɩ m sãn yetɩ m tɔgɛ, a wʋn ẽŋɛ yetɔga m nõorʋm tɩ m tã'agɛ mõolɛ a kõ-yẽlga n sʋgɛ la, la bʋraanɛ tɩ nẽrba bãŋɛ a võorɛ.

Filipi 1:20

Mam n boorɩ sɛla, dee tara pʋtẽ'erɛ gu'ura sɛla la, de la mam kãn ẽŋɛ sɛla baa ayɩla tɩ yãnnɛ yõkɛ mam. La de la mam tara bʋraanɛ lɛɛlɛ wã la wakatɛ wuu, basɛ tɩ Krisi yẽ nã'asgɔ mam ĩyã, la sãn dɛna mam vɔa mɛ, bɩɩ mam sãn ki mɛ.

Filipi 1:7

La masɛ mɛ tɩ mam tẽ'esɛ bɛla ya wuu ĩyã, se'ere n soe la, mam yɛm boe la ya lɛ mɛ. Bẽm ĩyã, la sãn dɛna mam n boe yʋ'a deem wã, bɩɩ mam n tɔgrɩ pa'ala nẽrba tɩ kõ-yẽlga la de la sɩra la, ya wuu lagɩm na mam mɛ yẽ Nawẽnnɛ yel-sõnnɛ.

Kolɔsɩ 4:3

Pʋ'ʋsra-ya tõma mẽ ĩyã, tɩ Nawẽnnɛ bɔ tɔ sore tɩ tɩ mõolɛ a kõ-yẽlga la pa'alɛ nẽrba Krisi yelle n daan sʋgɛ la. La de la yel-ẽŋa ĩyã tɩ mam bɔna yʋ'a deem.

Kolɔsɩ 4:4

Pʋ'ʋsra-ya Nawẽnnɛ tɩ m tã'agɛ tɔgɛ yel-ẽŋa vẽelga vẽelga wʋ lan masɛ tɩ m tɔgɛ se'em na.

1 Tesaloniki 2:2

La ya ken mina tɩ ba daan nãmsɛ tõma mɛ dee tʋ tõma Filipi tẽŋa, dee tɩ tõma yãŋa wa'am yãma zẽ'am Tesaloniki. La Nawẽnnɛ daan bɔ tõma bʋraanɛ mɛ, tɩ tõma mõolɛ a kõ-yẽlga la bɔ ya, baa nãmsgɔ la n daan zo'oge la.

2 Timoti 1:16

Tɩ Zuudãana wʋn zoe A'onezifɔɔrɩ la a yir-dõma ninbãalga, se'ere n soe la, a ẽn bɔ'ɔra mam bʋraanɛ mɛ, dee ka zoe yãnnɛ la ban ba mam la bãnsɩ la.

2 Timoti 2:9

La de la kõ-yẽlga ẽŋa ĩyã tɩ mam nãmsra, halɩ tɩ ba ba mam na bãnsɩ, wʋ mam de la tõon-be'ero dãana la. La ba ka ba Nawẽnnɛ yetɔga la.

Afilmõ 1:10

Mam sosrɩ fʋ la A'onezim tɩ mam boe yʋ'a deem tɩ a sakɛ Azezi lebge mam bia la ĩyã.

Afilmõ 1:9

mam sosrɩ fʋ la nõŋlʋm. La de la mam Apolɩ n de bʋra-yã'aŋa, mam boe la yʋ'a deem lɛɛlɛ wã Azezi-krisi yelle.

1 Zã 3:16

La de la bõn-ẽna wã n botɩ tõma bãŋɛ nõŋlʋm n ãn se'em: Azezi ki mɛ bɔ tõma, bɛla, tõma mẽ de la tɩ dɩkɛ tɩ vɔm bɔ tɩ sɔbiisi ĩyã.

Azudi 1:3

M sɩr-nõŋrɩsɩ, mam daan boorɩ mɛ tɩ m gʋlsɛ ya la m sũure wuu tɔgɛ fãarɛ la tɩ tɩ wuu lagɩm yẽ la yelle. Mam bɩsɛ mɛ tɩ la de la pẽrgrɛ tɩ mam gʋlsɛ kã'an ya, tɩ ya mõrgɛ zɛbɛ ze'ele kãŋkãŋɛ yetɔga la tɩ ya bɔ sɩra la pʋam. Nawẽnnɛ dɩkɛ yetɔg-bãma bɔ a nẽrba la nõorɛ ayɩla mã'a wakatɛ wuu ĩyã.