Efɛɛzɩ 6:11 - Farefare Ninkaré

¹¹ Yɛ-ya Nawẽnnɛ zɛbrɛ lɔgrɔ wuu, tɩ ya wʋn tã'agɛ ze'ele kãŋkãŋɛ, tɩ Asũtãana da yãŋɛ pã'asɛ ya.

ZE'ELEGO PAALEGA

¹¹ Bobe ya mɛhi la Yinɛ zaberɛ lɔgerɔ la za'a, la ya ta'am ze'ele zabɛ la Sagena la vuuhego la za'a.

Efɛɛzɩ 6:11 ပူးပေါင်းရင်းမြစ်များ

Amarkɩ 13:22

Nẽrba n wʋn wa'am wa parɩm tɩ bãma n de Krisi, la nẽrba n wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõm tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge doose ba.

Aromduma 13:12

Tẽŋa sʋtʋm mɛ tɩ beere deege wiire. Bɛla, basɛ-ya lika tõoma, dee dɩkɛ Nawẽnnɛ zɛbrɛ lɔgrɔ tõnna peelem tõoma.

Aromduma 13:14

Ɩta-ya tɩ Zuudãana Azezi-krisi n ẽŋɛ se'em na, da basɛ-ya tɩ nẽrsaala n boorɩ se'em yelle pakɛ ya, tɩ ya bɔɔra tɩ ya ɩta yãma mẽŋa yɛmleego n boorɩ se'em.

1 Korẽntɩ 10:13

Yel-sɛba n paarɩ ya la, la de la yel-bãma n mẽ paarɩ nẽrba basɛba. La Nawẽnnɛ de la sɩra dãana, a kãn basɛ tɩ yel-sɛka n gãnnɩ ya pãŋa paagɛ ya. La yelle pʋam, a wʋn bɔ ya pãŋa tɩ ya wĩbe, dee ẽŋɛ sore tɩ ya yese.

2 Korẽntɩ 10:4

Zɛbrɛ lɔg-sɛba tɩ tõma tarɩ zɛbra la dagɩ nẽrsaala zɛbrɛ lɔgrɔ, ba de la pãŋa n ze'ele Nawẽnnɛ zẽ'am, n tã sã'ana sɛla wuu n tarɩ ke'eŋo. Tõma tarɩ ba sã'ana la tẽ'esgɔ sɛba wuu n de põmpɔrŋɔ,

2 Korẽntɩ 11:3

La mam zotɩ la dabeem tɩ nẽr-sɛka wʋn pã'asɛ ya, tɩ ya wẽrgɛ ka le dɔla Krisi la sũure ayɩla, la pʋpeelem, wʋ Awa tɩ bõnsɛla la yʋʋn dɩkɛ yɛmkẽgsɩga pã'asɛ ẽ tɩ a tuuge la.

2 Korẽntɩ 2:11

tɩ la da botɩ Asũtãana yãŋɛ tɔ. Se'ere n soe la, tõma mi ẽn boorɩ tɩ a ẽŋɛ se'em mɛ.

2 Korẽntɩ 4:4

La de la sɛba n ka bɔ Nawẽnnɛ sɩra la. Asũtãana n de dũnia wã naba la n pĩ ba yɛm tɩ ba da bãŋɛ Krisi n de Nawẽnnɛ wõnnɛ na kõ-yẽlga na'am pãŋa.

2 Korẽntɩ 6:7

Tõma tɔgrɩ la sɩra yetɔga la Nawẽnnɛ pãŋa. Tõma n ɩtɩ sɛla n masɛ la n de tõma zɛbrɛ lɔgrɔ tɩ tõma tarɩ zɛbra dee gu'ura tɩ mẽŋa.

Efɛɛzɩ 4:14

Bɛla tɩ kãn le ãna wʋ kɔma tɩ nẽrba zãsnɩ zãsŋɔ buuri to'oto'ore pã'asra ba, ɩta yɛm tɩ ba botɩ ba tuuge, wʋ kʋsebgo, la ko-mĩ'isi n wẽ'erɩ õorŋɔ tɩ a yɛgna se'em na.

Efɛɛzɩ 4:24

Vɔa-ya vɔm paalga wʋ Nawẽnnɛ n nãam ya tɩ ya ãna wʋ a mẽŋa n ãn se'em na. Vɔm ẽŋa de la sɛla n masɛ, la pʋpeelem n ze'ele sɩra pʋam.

Efɛɛzɩ 6:13

Bɛla ĩyã, dɩkɛ-ya Nawẽnnɛ zɛbrɛ lɔgrɔ la wuu yɛ, tɩ ya wʋn tã'agɛ ze'ele zɛbɛ be'em wakatɛ. La zɛbrɛ la sãn wa ba'asɛ, ya wʋn ken zɛ kãŋkãŋɛ.

Kolɔsɩ 3:10

dee teege tara ãsʋm paalga. La de la Nawẽnnɛ n botɩ ya teege tara ãsʋm ẽŋa, dee malgra ẽ tɩ a ãna wʋ a mẽŋa la, tɩ ya wʋn tã'agɛ bãŋra ẽŋa sõŋa sõŋa pa'asra.

1 Tesaloniki 5:8

La tõma n de wʋntɛɛŋa nẽrba la, tɩ tara tɩ mẽŋa sõŋa. La tɩ bɔ Azezi sɩra, dee tara nõŋlʋm wʋ kuto fuugo tɩ sʋdaaga dɩkɛ pĩ a yõ'ogɔ tɩ la gu'ura ẽ zɛbrɛ pʋam na. Dee basɛ tɩ fãarɛ la tɩ ya tarɩ pʋtẽ'erɛ gu'ura la, ãna wʋ kuto zuu-wannɛ gu'ura ya.

Hiburuduma 7:25

La de la bɛla tɩ a tãna wʋn fãagɛ sɛba wuu n doose la ẽŋa lɛnna Nawẽnnɛ zẽ'am na, wakatɛ wuu ĩyã. Se'ere n soe la, a vɔa mɛ wakatɛ wuu yõkra Nawẽnnɛ sɩa bɔ'ɔra ba.

Yemesi 4:7

Bɛla, dɩkɛ ya mẽŋa bɔ Nawẽnnɛ, dee sɩ'ɩsɛ Asũtãana, tɩ a wʋn zoe dee basɛ ya.

1 Pita 5:8

Dɛna-ya nẽrba n yõkrɩ ya mẽŋa, dee guusra ya mẽŋa sõŋa, tɩ ya bɛ Asũtãana eerɩ ya mɛ, wʋ gɩgnɛ n kaarɩ ɛɛra sɛla tɩ a yõkɛ obe.

Azudi 1:24

Pẽgɛ-ya Nawẽnnɛ, ẽŋa n tarɩ pãŋa wʋn gu ya tɩ ya kãn basɛ a sore, dee wʋn tarɩ ya sẽŋɛ ka ze'ele a nẽŋam tɩ ya ka tara dõrga, tɩ ya yẽ a na'am pãŋa, la sũ-yẽlga zozo'e.

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 19:20

Tɩ ba yõkɛ dũŋa la, la põmpɔrŋɔ nõtɔ'ɔsa la n daan ẽŋɛ bõn-yãlma dũŋa la nifum pã'asɛ sɛba n to'oge dũŋa la dãalgɔ, dee nã'asɛ a bõnɔ tɩ ba mãalɛ la. Ba lobe dũŋa, la põmpɔrŋɔ nõtɔ'ɔsa la wuu la vɔɔsɩ basɛ bugum mõgrɛ n diti kidibre pʋam.

Lilegere 2:24

La yãma Tiyatiiri nẽr-sɛba n ka sakrɩ zãsŋɔ bãma, dee ka mina sɛla tɩ ba wi'iri tɩ Asũtãana yɛla n sʋgɛ la, mam ka tarɩ sɛla wʋn yele ya pa'asɛ.