Efɛɛzɩ 5:5 - Farefare Ninkaré

⁵ Bãŋɛ-ya sõŋa, tɩ nẽra n ɩtɩ yalsɩ, bɩɩ tõon-dẽgrɔ dãana, bɩɩ nẽr-sɛka n nõŋɛ bõnɔ zozo'e kãn yẽ sɛla sɛla Krisi, la Nawẽnnɛ so'olʋm na pʋam. La sɛka n nõŋɛ bõnɔ zozo'e ãn wʋ nẽra n kãabrɩ baga dee basɛ Nawẽnnɛ pʋ'ʋsgɔ la.

ZE'ELEGO PAALEGA

⁵ Mini ya dina suŋa suŋa, ti se'em n tuni yaluntuuma, bii galeŋɔ daana, bii se'em n bɛ' (de vuurɛ dela bagekaambera), kan tara tɔtɛ kɛ̃' Kiresta la Yinɛ sɔ'ɔlum la puan.

Efɛɛzɩ 5:5 ပူးပေါင်းရင်းမြစ်များ

Tõoma 20:32

La lɛɛlɛ wã, mam dɩkɛ ya ẽŋɛ la Nawẽnnɛ nu'usum, la a yel-sõnnɛ yetɔga la pʋam. Ẽŋa n tã wʋn sõŋɛ ya tɩ ya yẽ pãŋa pa'asɛ, dee wʋn botɩ ya po lagɩm to'oge bõn-sõma tɩ a bĩŋe tɩ a bɔ a nẽrba la.

Tõoma 8:21

Fʋ nẽŋa ka boe yel-bãna pʋam, la fʋ ka tarɩ pʋrɛ mĩ, se'ere n soe la, fʋ sũure ka masɛ Nawẽnnɛ nifum.

Galatɩ 5:19

Nẽrsaala mẽŋa yɛmleego n boorɩ se'em na de la vẽelga vẽelga. La de la yalsɩ, la tõon-dẽgrɔ, la tõon-yooro,

Galatɩ 5:21

La nõŋɛ bõnɔ, la dãam buka, la pʋyã'an-yooro, la bõnɔ basɛba n wõn na bõn-bãma. Mam dẽŋɛ kã'ana ya mɛ, wʋ mam n daan põn yele ya se'em na, tɩ nẽr-sɛka woo n ɩtɩ bõn-bãma kãn yẽ zẽ'am Nawẽnnɛ so'olʋm pʋam.

Efɛɛzɩ 5:3

Yãma n de Nawẽnnɛ nẽrba la, la ka masɛ tɩ yalsɩ, la tõon-dẽgrɔ buuri wuu, la bõnɔ zozo'e yɛmleego yelle pʋrɛ ya tẽŋasʋka.

Kolɔsɩ 1:13

Nawẽnnɛ fãagɛ tɩ mɛ lika pãŋa pʋam, tarɩ tɩ sẽŋɛ a Bi-nõŋrɛ so'olʋm pʋam.

Kolɔsɩ 3:5

Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

1 Timoti 6:10

Se'ere n soe la, ligri nõŋlʋm de la tõon-be'ero wuu yẽgrɛ. Nẽrba basɛba nõŋɛ la ligri bʋrgɛ dee basɛ Nawẽnnɛ sore, nãmsɛ ba mẽŋa la toogo buuri zozo'e.

1 Timoti 6:17

Kã'an nẽr-sɛba n tarɩ dũnia wã bõntarsõm na yetɩ, ba da zẽkra ba mẽŋa, la ba da dɩkɛ ba te'ere te'ege bõntarsõm tɩ ba ka mĩ ban wʋn ãna se'em, ba te'ege Nawẽnnɛ, tɩ ẽŋa n bɔ'ɔrɩ tɔ sɛla woo tɩ la sɛkra sõŋa sõŋa tɩ tɩ ɩta sũ-yẽlga.

Hiburuduma 13:4

Basɛ-ya tɩ pɔgdire tara nã'asgɔ, dee da basɛ tɩ dẽgrɔ tõoma bɔna mĩ, se'ere n soe la, Nawẽnnɛ wʋn di nẽr-sɛba n ɩtɩ yalsɩ, la nẽr-sɛba n tũuli la sarɩya mɛ.

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Lilegere 22:15

La nẽr-sɛba n tõnnɩ tõon-dẽgrɔ, la sɛba n tõnnɩ tɩɩm tõoma, la sɛba n tõnnɩ yalsɩ tõoma, la nẽr-kʋʋrba, la sɛba n nã'asrɩ bõndõma tɩ ba mãalɛ, la nẽr-sɛba wuu n nõŋɛ põmpɔrŋɔ dee parna la, wʋn weege la yẽŋa, ba kãn kẽ tẽŋa la pʋam.