Efɛɛzɩ 5:3 - Farefare Ninkaré

³ Yãma n de Nawẽnnɛ nẽrba la, la ka masɛ tɩ yalsɩ, la tõon-dẽgrɔ buuri wuu, la bõnɔ zozo'e yɛmleego yelle pʋrɛ ya tẽŋasʋka.

ZE'ELEGO PAALEGA

³ Gee yaluntuuma la dɛgerɔ tuuma woo, bii nyika tuuma da pun puta ya puan, wuu la nari se'em nɛresunduma tiŋasuka la.

Efɛɛzɩ 5:3 ပူးပေါင်းရင်းမြစ်များ

Amatie 15:19

Se'ere n soe la, pʋtẽ'e-yooro ze'etɩ la nẽrsaala sũure pʋam botɩ a bɔɔra tɩ a ẽŋɛ be'em: Nẽr-kʋa, la yalsɩ, la taaba pɔgba la taaba sɩrba gã'a, la nayigum, la põmpɔrŋɔ, la pɔ'ɔrɛ yetɔga.

Aluki 12:15

Dee yele nẽrba la wuu yetɩ: «Guusra-ya ya mẽŋa, da ɛɛra bõntarsõm zozo'e, se'ere n soe la, la dagɩ nẽra n tarɩ bõntarsõm zo'oge ĩyã tɩ a tarɩ yõvore.»

Aluki 16:14

Farisi dõma n nõŋɛ ligri la n wõm bɛla la, ba la'arɩ Azezi mɛ.

Tõoma 15:20

Tɩ gʋlsɛ gõŋɔ bɔ ba yetɩ, ba da di di-sɛba tɩ ba kãabɛ bɔ baga la, tɩ ba wʋn dẽgɛ ba, ba da tõnna yalsɩ tõoma, ba da di sɛla tɩ ba tẽgɛ kʋ, la ba da di zɩɩm.

Tõoma 20:33

Mam daan ka tarɩ yɛmleego la nẽra nẽra ligri, la a sãlma, bɩɩ a futo.

Aromduma 1:29

Sɛla n ka masɛ wuu n boe ba sũa pʋam. La de la be'em, la nõŋɛ bõnɔ zozo'e, la pʋtʋʋlgɔ, la ɩta sũure la tadãana bõnɔ, la nẽr-kʋa, la zɛbrɛ, la yɛm be'ero, la sũ-toogo. Ba wã'arɩ la taaba,

Aromduma 16:2

To'oge-ya ẽ sõŋa Zuudãana doosgo la pʋam, wʋ lan masɛ tɩ Nawẽnnɛ nẽrba ɩta se'em na. La sɛla sãn wa bɔna tɩ a bɔɔra ya sõŋrɛ, ya sõŋɛ ẽ. Ẽŋa mẽŋa sõŋɛ nẽrba zo'oge mɛ, la mam mẽŋa mẽ.

Aromduma 6:13

Da dɩkɛ-ya ya ĩyã zẽ'esɩ to'oto'ore tɩ ba dɛna tõon-be'ero tõoma lɔgrɔ tɩ ya tara ba tõnna be'em. Dɩkɛ-ya ya mẽŋa bɔ Nawẽnnɛ wʋ nẽrba n ki dee vo'oge. Dɩkɛ-ya ya ĩyã zẽ'esɩ to'oto'ore la wuu bɔ Nawẽnnɛ tɩ a tara ba tõnna sɛla n masɛ.

1 Korẽntɩ 10:8

Tɩ da ɩta yalsɩ wʋ bãma basɛba n yʋʋn ẽŋɛ se'em, tɩ ba nẽrba tʋspisyi la atã ki daarɛ ayɩla la.

1 Korẽntɩ 5:1

Ba tɔgrɩ tɩ ya ɩtɩ la yalsɩ, halɩ yalsɩ sɛka buuri tɩ baa sɛba n ka dolɩ Nawẽnnɛ ka sakɛ ɩta. Mam wõm tɩ ba yetɩ nẽra ayɩla n boe ya pʋam gã la a sɔ pɔga.

1 Korẽntɩ 6:13

Yãma yetɩ, dia boe la pʋʋrɛ ĩyã, tɩ pʋʋrɛ mẽ bɔna dia ĩyã. La de la sɩra, la Nawẽnnɛ wʋn sã'am bãma bayi la wuu mɛ. La nẽrsaala ĩyã ka boe yalsɩ ĩyã, a boe la Zuudãana ĩyã. Tɩ Zuudãana mẽ sɔna ĩyã la.

1 Korẽntɩ 6:18

Zoe-ya yalsɩ. Tõon-be'e-sɛba wuu tɩ nẽrsaala ɩtɩ la ka boe a ĩyã pʋam. La tõon-be'e-sɛka n de yalsɩ la boe la nẽrsaala ĩyã pʋam.

2 Korẽntɩ 12:21

Mam zotɩ mɛ tɩ mam sãn wa wa'am yãma zẽ'am, mam dãana Nawẽnnɛ wʋn botɩ yãnnɛ yõkɛ mam yãma ĩyã, tɩ m sũure sã'am la ya nẽr-sɛba n daan tõm tõon-be'ero, dee ka teege yɛm basɛ tõon-dẽgrɔ, la yalsɩ, la tõon-yooro sɛba tɩ ba ẽŋɛ la.

Efɛɛzɩ 5:12

Nẽr-bãma n sʋgɛ ɩta sɛla la de la yãnnɛ halɩ, tɩ nẽra kãn saagɛ tɔgɛ a yelle.

Efɛɛzɩ 5:5

Bãŋɛ-ya sõŋa, tɩ nẽra n ɩtɩ yalsɩ, bɩɩ tõon-dẽgrɔ dãana, bɩɩ nẽr-sɛka n nõŋɛ bõnɔ zozo'e kãn yẽ sɛla sɛla Krisi, la Nawẽnnɛ so'olʋm na pʋam. La sɛka n nõŋɛ bõnɔ zozo'e ãn wʋ nẽra n kãabrɩ baga dee basɛ Nawẽnnɛ pʋ'ʋsgɔ la.

Filipi 1:27

La bõn-sɛka n gãnnɩ wuu, de la ya basɛ tɩ ya yel-ɩrɛ ãna wʋ Krisi kõ-yẽlga la n pa'alɩ se'em na. Tɩ mam sãn wa'am ya zẽ'am bɩɩ m sãn ka wa'am, m wʋn wõm tɩ ya ze la kãŋkãŋɛ, tara yɛm ayɩla, lagɩm taaba la pʋtẽ'erɛ ayɩla mõrgra tõnna tɩ nẽrba bɔ'ɔra kõ-yẽlga la sɩra.

Kolɔsɩ 3:5

Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

1 Tesaloniki 4:3

Nawẽnnɛ n boorɩ tɩ ya ãna se'em n wãna: Welge-ya to'ore dɛna pʋpeelem dõma, dee yõkɛ ya mẽŋa da tõnna yalsɩ tõoma.

1 Tesaloniki 4:7

Nawẽnnɛ ka looge to tɩ tɩ tõnna tõon-dẽgrɔ, a looge to tɩ tɩ welge la to'ore tara pʋpeelem.

1 Timoti 2:10

Ba basɛ tɩ ba yel-ɩrɛ ãna sõŋa wʋ pɔgsɩ n nannɩ Nawẽnnɛ n masɛ tɩ ba ɩta se'em.

1 Timoti 3:3

A da dɛna nẽra n dɩkɛ a mẽŋa bɔ dãam, a da dɛna zɛbzɛbra, a dɛna sũ-bʋgsʋm dãana, da nõŋɛ girgiri, la a da nõŋɛ bõnɔ.

1 Timoti 6:10

Se'ere n soe la, ligri nõŋlʋm de la tõon-be'ero wuu yẽgrɛ. Nẽrba basɛba nõŋɛ la ligri bʋrgɛ dee basɛ Nawẽnnɛ sore, nãmsɛ ba mẽŋa la toogo buuri zozo'e.

2 Timoti 3:2

Nẽrba wʋn dɛna la nõŋ-m-mẽŋa dõma, la lig-nõŋrɩba, ba wʋn dɛna la nẽrba n wẽ'erɩ ba yõ'orɔ, la pa'al-m-mẽŋa dõma, la nẽrba n tɔgrɩ sɛla n ka ãn sõŋa, la nẽrba n ka sakrɩ ba sɔdõma la ba madõma nõorɛ, la nẽrba n ka mi yel-sõnnɛ tɩ ba ẽŋɛ ba, la nẽrba toogo n ka boe la bõn-sɛba n de Nawẽnnɛ bõnɔ,

Taitusi 1:11

La masɛ tɩ fʋ gu ba tɩ ba da tɔgra bɛla, tɩ ba zãsnɩ nẽrba la sɛla n ka masɛ, wã'ara nẽrba basɛba yiɛ, ba zãsnɩ sɛla n ka masɛ ɛɛra la bõntarsõm.

Taitusi 1:7

Dẽnɩ tɩ nẽŋadãana n bɩsrɩ Nawẽnnɛ nẽrba yelle dɛna nẽra n ka tarɩ dõrga, la a da dɛna pa'al-m-mẽŋa dãana, bɩɩ sũ-isgre dãana, a da dɛna dã-yũura, bɩɩ zɛbzɛbra, bɩɩ nẽra n ɩtɩ sɛla n ka masɛ yẽta bõntarsõm.

Taitusi 2:3

Yele pɔg-yã'asɩ tɩ ba yel-ɩrɛ pʋam ba dɛna pʋpeelem dõma, la ba da dɛna gõngõ'osrɩba, ba da dɛna nẽrba n dɩkɛ ba mẽŋa bɔ dãam. Ba pa'ala sɛla n ãn sõŋa,

Hiburuduma 12:16

Da basɛ-ya tɩ ya nẽra nẽra ɩta yalsɩ, bɩɩ nẽra n pɔ'ɔrɩ sɛla n de Nawẽnnɛ bõnɔ, wʋ A'eso n yʋʋn dɩkɛ a kẽnnɔ bõnɔ teege dia laaga ayɩla la.

1 Pita 5:2

Mam yetɩ ya mɛ tɩ ya bɩsra Nawẽnnɛ nẽrba la tɩ a gu'ule ya wʋ dũnsĩima la. La, la da kãn dɛna dɔk-m-zuugo yelle, la dɛna la yɛmleego wʋ Nawẽnnɛ n boorɩ se'em na. Da ɩta-ya yan boorɩ bõntarsõm ĩyã, ɩta-ya ya yɛm n boe a pʋam ĩyã.

2 Pita 2:10

Nẽr-sɛba n dolɩ ba yɛmleego n boorɩ se'em n de tõon-dẽgrɔ, dee pɔ'ɔra Nawẽnnɛ n tarɩ nõorɛ la ba lɛ la, a wʋn sɩbgɛ la bãma gãnna. Põmpɔrŋɔ karẽnsãandõma la de la zẽk-m-mẽŋa dõma, la tɩta'alʋm dõma, ba ka zotɩ dabeem tɩ ba tʋ saazuum pãnsɩ dõma.

2 Pita 2:14

Ba yɛm boorɩ la yalsɩ tõoma mã'a, ba ka tõnnɩ tõon-be'ero tɩgra. Ba pã'asrɩ la nẽr-sɛba pʋtẽ'era n ka zo'oge Nawẽnnɛ sore doosgo pʋam na tɩ ba tõnna be'em. Ba nõŋɛ la bõnɔ zozo'e. Nawẽnnɛ kã'a-be'ero boe ba zuto.

2 Pita 2:3

Ban boorɩ bõntarsõm zo'oge la ĩyã tɩ ba wʋn tɔgɛ nõ-yẽlʋm yetɔga pã'asɛ ya, yẽ yõorɔ ya zẽ'am. La halɩ kʋrʋm kʋrʋm tɩ ba sɩbgrɛ põn mãasʋm gu'ura ba, ba sã'aŋɔ kãn viige.

Lilegere 2:14

La baa bɛla, mam tarɩ la yelle fẽe la ya. Yãma tarɩ la nẽrba n boe ya pʋam dɔla Abalaam zãsŋɔ. Abalaam yʋʋn zãsʋm na Abalakɩ ẽn wʋn ẽŋɛ se'em bẽrɛ Ɩsrayɛlɩ dõma botɩ ba obe baga nẽnnɔ, dee tõm yalsɩ tõoma.

Lilegere 2:21

Mam bɔ ẽ na wakatɛ tɩ a teege yɛm basɛ tõon-be'ero, la a ka boorɩ tɩ a teege yɛm basɛ a yalsɩ tõoma la.

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Lilegere 22:15

La nẽr-sɛba n tõnnɩ tõon-dẽgrɔ, la sɛba n tõnnɩ tɩɩm tõoma, la sɛba n tõnnɩ yalsɩ tõoma, la nẽr-kʋʋrba, la sɛba n nã'asrɩ bõndõma tɩ ba mãalɛ, la nẽr-sɛba wuu n nõŋɛ põmpɔrŋɔ dee parna la, wʋn weege la yẽŋa, ba kãn kẽ tẽŋa la pʋam.

Lilegere 9:21

Ba ken ka teege yɛm basɛ ba nẽr-kʋa, la ba tɩɩm tõoma, la ba yalsɩ tõoma, la ba nayigum na.