Efɛɛzɩ 5:26 - Farefare Ninkaré

²⁶ A ẽŋɛ bɛla tɩ a malgɛ ba la a yetɔga, tɩ ba ãna sõŋa wʋ ban sɔɔrɩ ĩyã la ko'om se'em na, botɩ ba welge to'ore dɛna Nawẽnnɛ nẽrba.

ZE'ELEGO PAALEGA

²⁶ A iŋɛ ŋwana ti lageŋɔ la dɛna la tuulum lageŋɔ doohe en duuhe ko'om en de a yelehum la,

Efɛɛzɩ 5:26 ပူးပေါင်းရင်းမြစ်များ

Azã 13:10

Tɩ Azezi yele ẽ yetɩ: «Sɛka n sɔ ĩyã ka le bɔɔra tɩ a sɔ, sãn dagna a nãma mã'a tɩ a wʋn peege, se'ere n soe la, a ĩyã wuu dẽkɛ mɛ sõŋa sõŋa. Ya dẽkɛ mɛ ãna sõŋa sõŋa, la, la dagɩ ya wuu.»

Azã 15:3

Yãma põn ãna sõŋa mɛ, yetɔg-sɛba tɩ mam tɔgɛ bɔ ya la ĩyã.

Azã 15:8

Ya sãn tõm tõon-sõma zo'oge pa'alɛ tɩ yãma de la mam karẽnbiisi, bɛla ya wʋn nã'asɛ mam Sɔ.

Azã 17:7

Lɛɛlɛ wã ba bãŋɛ tɩ fõn bɔ mam sɛla la wuu ze'ele la fõn zẽ'am.

Azã 3:5

Tɩ Azezi lerge ẽ yetɩ: «Mam yetɩ fʋ la sɩra sɩra, tɩ nẽra sãn ka dɔgɛ la ko'om, la Nawẽnnɛ Sɩa, a ka tã wʋn kẽ Nawẽnnɛ so'olʋm pʋam.

Tõoma 22:16

La lɛɛlɛ wã, bẽm tɩ fõn gʋ'ʋna? Isge pʋ'ʋsɛ la Azezi yʋ'ʋrɛ, botɩ ba mise fʋ ko'om pʋam tɩ Nawẽnnɛ basɛ fʋ tõon-be'ero taalɛ.›

Aromduma 10:8

Bɛla, la ken gʋlsɛ yetɩ bẽm? La yetɩ: «Nawẽnnɛ yetɔga la lɛm fʋ mɛ, a boe la fʋ nõorʋm, la fʋ sũurum.» La de la yetɔg-ẽŋa n bɛla tɩ tõma mõolɩ yɛta nẽrba tɩ ba bɔ sɩra.

1 Korẽntɩ 6:11

Yãma nẽrba basɛba daan ãn na bɛla. La Nawẽnnɛ Sɩa peege yãma tõon-be'ero mɛ botɩ ya lebge Nawẽnnɛ nẽrba, masɛ a zẽ'am Zuudãana Azezi-krisi yʋ'ʋrɛ ĩyã.

2 Korẽntɩ 11:2

Mam ɩtɩ la sũure yãma ĩyã, la sũure ẽŋa ze'ele la Nawẽnnɛ zẽ'am. Se'ere n soe la, mam yetɩ m dɩkɛ ya bɔ la Krisi mã'a, mam boorɩ tɩ ya tara la ya mẽŋa sõŋa tɩ m dɩkɛ ya bɔ ẽ wʋ pugla n nãn ka mi bʋraaga tɩ ba dɩkɛ bɔ sɩra.

Efɛɛzɩ 6:17

Basɛ-ya tɩ fãarɛ tɩ ya tarɩ la ãna wʋ kuto zuu-wannɛ gu'ura ya, dee dɩkɛ Nawẽnnɛ yetɔga n ãn wʋ sʋkɔbgɔ tɩ Nawẽnnɛ Sɩa bɔ ya la zɛbɛ.

Kolɔsɩ 3:16

Basɛ-ya tɩ Krisi yetɔga la bɔna la ya lɛ sõŋa sõŋa. Tɩ ya tara yɛm zozo'e zãsna taaba, dee kã'ana taaba. Yõona-ya Nawẽnnɛ yõoma, yõona-ya yõom-sõma buuri wuu tɩ Nawẽnnɛ Sɩa bɔ ya la ya sũure wuu, pʋ'ʋsra Nawẽnnɛ a yel-sõnnɛ.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Hiburuduma 10:10

Azezi-krisi ẽŋɛ la Nawẽnnɛ n boorɩ se'em, a dɩkɛ la a mẽŋa kãabɛ bɔ ẽ nõorɛ ayɩla wakatɛ wuu ĩyã, tɩ tõma welge to'ore dɛna Nawẽnnɛ nẽrba.

Hiburuduma 10:14

Bɛla, kãabgɔ bʋyɩla la mã'a tɩ a welge nẽrba to'ore tɩ ba dɛna Nawẽnnɛ nẽrba masɛ sɛla woo pʋam wakatɛ n ka ba'asrɩ.

Hiburuduma 10:22

Bɛla ĩyã, basɛ-ya tɩ tɩ lɛm Nawẽnnɛ zẽ'am la pʋpeelem, la sũure n bɔ sɩra zõnzõnnɔ, la sũure n peege tɩ tɩ mina tɩ tõon-be'ero ka le bɔna, la ĩyã n peege la ko-sõma.

Hiburuduma 10:29

La sãn dɛna bɛla, nẽr-sɛka n kɛsɛ Nawẽnnɛ Dayʋa la, kãn yẽ sɩbgrɛ n de be'em halɩ gãnna bɛla bɩɩ? Nẽr-ẽŋa bɩsɛ Azezi zɩɩm na tɩ Nawẽnnɛ bĩŋe a nõorɛ a ĩyã la zãŋa. La, la de la zɩɩm ẽŋa tɩ Nawẽnnɛ dɩkɛ botɩ nẽra la welge to'ore dɛna Nawẽnnɛ nẽra. Ẽŋa dãana ken pɔ'ɔgɛ Nawẽnnɛ Sɩa n de yel-sõnnɛ dãana la mɛ.

Hiburuduma 13:12

La de la bɛla tɩ Azezi mẽ yese tẽŋa la kẽnkɛrŋa ka ki, tɩ a mẽŋa zɩɩm malgɛ nẽrba tɩ ba ãna sõŋa Nawẽnnɛ zẽ'am.

Hiburuduma 4:12

Nawẽnnɛ yetɔga la vɔa mɛ, tara pãŋa, dee tara nõorɛ gãnna sʋkɔbgɔ n saasɛ tara nõa bayi. A kẽ'erɩ la nẽra pʋam mina a sɩa, la a sũure yɛla wuu bɔkra, dee mina a pʋtẽ'erɛ, la a yɛm wuu n ãn se'em, wʋ sʋ'a n welgrɩ kõb-suglsi paara kõb-sõom na.

Hiburuduma 9:14

Krisi zɩɩm na tarɩ pãŋa mɛ gãnna bɛla zozo'e. Ẽŋa ka tarɩ tuure, la doose la Nawẽnnɛ Sɩa n boe wakatɛ wuu tɩ a dɩkɛ a mẽŋa bɔ Nawẽnnɛ, peege tɩ tõon-be'ero n sẽm na kũm na, tɩ tɩ sũure ãna sõŋa, tɩ tɩ tõnna bɔ'ɔra vɔm dãana Nawẽnnɛ.

Yemesi 1:18

Ẽŋa mẽŋa n boorɩ tɩ a basɛ tɩ a sɩra yetɔga la bɔ tõma vɔm. A ẽŋɛ bɛla tɩ tõma dɛna la pɔspɔsɩ dõma bõn-sɛba wuu tɩ a nãam na pʋam.

1 Pita 1:2

La de la tɩ Sɔ Nawẽnnɛ n looge ya wʋ ẽŋa n dẽŋɛ looge a yɛm se'em na, tɩ a Sɩa welge ya to'ore, tɩ Azezi-krisi zɩɩm peege ya tɩ ya ãna sõŋa, sakra a nõorɛ. Nawẽnnɛ wʋn ẽŋɛ ya yel-sõnnɛ, dee bɔ ya sũ-mã'asʋm zozo'e.

1 Pita 3:21

Bɛla de la makrɛ pa'ala ko'om misga n fãarɩ ya lɛɛlɛ wã. Ko'om misga dagɩ ĩyã dẽgrɔ yɛsga yelle, la de la sɛla n pa'alɩ tɩ nẽra looge yɛm tɩ a doose Nawẽnnɛ la pʋpeelem. Ko'om misga fãarɩ ya mɛ Azezi-krisi n ki dee vo'oge la ĩyã.

2 Pita 1:9

La sɛka n ka ɩtɩ bõn-bãna wã ãn wʋ fʋa la, a ka yẽtɩ, la a yĩm mɛ tɩ Nawẽnnɛ basɛ a tõon-be'ero tɩ a ẽŋɛ kʋrʋm na taalɛ mɛ.

1 Zã 5:6

Azezi-krisi n wa'am dũnia zuo la, la doose la ko'om, la zɩɩm. La dagɩ ko'om misga la mã'a, la ken dɛna la ẽn ki tɩ a zɩɩm yese la. La de la Nawẽnnɛ Sɩa n bɔ'ɔrɩ a kaseto, Nawẽnnɛ Sɩa n de sɩra dãana la ĩyã.

Azudi 1:1

Mam Azudi n de Azezi-krisi tõntõnna, la Azakɩ yɩbga la n gʋlsɛ gõŋɔ wã bɔ'ɔra yãma sɛba tɩ tɩ Sɔ Nawẽnnɛ wi tɩ ya dɛna a nẽrba, nõŋɛ ya, tɩ Azezi-krisi gu'ura ya la.