Efɛɛzɩ 5:21 - Farefare Ninkaré

²¹ Sakra-ya taaba, yãma n nã'asrɩ Krisi la ĩyã.

ZE'ELEGO PAALEGA

²¹ Sigehe ya mɛhi bo' taaba, ti la dɛna ya na'ahegɔ n bala bɔ'ɔra Kiresta.

Efɛɛzɩ 5:21 ပူးပေါင်းရင်းမြစ်များ

1 Korẽntɩ 16:16

tɩ ya nanna nẽr-bãma, la nẽr-sɛba wuu n tõnnɩ Nawẽnnɛ tõoma wʋ bãma la.

2 Korẽntɩ 5:11

Bɛla tõma n mi tɩ zɔta Zuudãana n de se'em na, tɩ tõma mõrgra tɩ tɩ tɔgɛ yãŋɛ nẽrba tɩ ba sakɛ ẽ. Wẽnnaam mi tõma sõŋa mɛ. La mam tarɩ pʋtẽ'erɛ tɩ yãma sũure pʋam ya mẽ mi mam mɛ.

2 Korẽntɩ 7:1

Bɛla m sɩr-nõŋrɩsɩ, nõor-bĩŋre bãma wuu n de tõma bõnɔ na, basɛ-ya tɩ tɩ malgɛ tɩ mẽŋa la dẽgrɔ wuu n dẽgrɩ ĩyã, la sɩa, dee ãna sõŋa, vɔa pʋpeelem pʋam masɛ sɛla woo pʋam, zɔta Nawẽnnɛ.

Galatɩ 5:13

La sãn dɛna yãma, m sɔbiisi, Nawẽnnɛ wi ya tɩ ya sɔna la ya mẽŋa. La da basɛ-ya tɩ yan soe ya mẽŋa la basɛ tɩ ya ɩta ya mẽŋa yɛm n boorɩ se'em. Vɔa-ya la taaba la nõŋlʋm tõnna sõŋra taaba.

Efɛɛzɩ 5:22

Pɔgsɩ, sakra-ya ya sɩrba wʋ yãma n sakrɩ Zuudãana se'em na.

Efɛɛzɩ 5:24

Krisi nẽrba n sakrɩ ẽ se'em na, pɔgsɩ mẽ sakra ba sɩrba bɛla sɛla woo pʋam.

Filipi 2:3

Da ɩta-ya sɛla sɛla gẽela taaba la pa'al-m-mẽŋa, sikra ya mẽŋa tẽ'esra tɩ nẽrba basɛba la gãnnɩ ya.

1 Timoti 2:11

La masɛ tɩ zãsŋɔ wakatɛ pɔgsɩ ãna sĩm, dee sakra nõorɛ.

1 Timoti 3:4

A dɛna nẽra n bɩsrɩ a yir-dõma yelle sõŋa, tɩ a kɔma sakra a yetɔga, nã'asra ẽ sɛla woo pʋam.

Hiburuduma 13:17

Sakra-ya ya nẽŋadõma nõorɛ, dee nanna ba yetɔga. La de la bãma n bɩsrɩ yãma n dolɩ Nawẽnnɛ sore la yelle, ba wʋn ka tɔgɛ pa'alɛ Nawẽnnɛ bãma n bɩsɛ ya yelle se'em mɛ. Ẽŋɛ-ya ya wʋn ẽŋɛ se'em tɩ ba tã'agɛ tõm ba tõoma la sũ-yẽlga da yõnna, tɩ bɛla ka tarɩ yõorɔ bɔ ya.

1 Pita 2:13

Sakra-ya dũnia pãnsɩ dõma wuu Zuudãana Azezi ĩyã. Sakra-ya na-keko n soe ke'eŋo wuu,

1 Pita 2:17

Nanna-ya nẽrba wuu, nõŋɛ ya sɔbiisi, zɔta-ya Nawẽnnɛ, nanna-ya na-keko.

1 Pita 5:5

Bɛla mẽ, kɔmbɩ'ɩsɩ, sakra-ya kẽma la. La ya wuu tara sik-m-mẽŋa la taaba, tɩ la gʋlsɛ yetɩ: «Nawẽnnɛ sisri zẽk-m-mẽŋa dõma mɛ, dee ɩta sik-m-mẽsɩ dõma yel-sõnnɛ.»