Efɛɛzɩ 5:20 - Farefare Ninkaré

²⁰ Pʋ'ʋsra-ya tɩ Sɔ Nawẽnnɛ a yel-sõnnɛ sɛla woo pʋam wakatɛ wuu, la tɩ Zuudãana Azezi-krisi yʋ'ʋrɛ.

ZE'ELEGO PAALEGA

²⁰ Bo'ori ya Yinɛ n de Sɔ la fara saŋa woo puan, la sɛla woo puan tu Daana Yezu Kiresta yu'urɛ la puan.

Efɛɛzɩ 5:20 ပူးပေါင်းရင်းမြစ်များ

Azã 15:16

Dagɩ yãma n looge mam, mam n looge ya, dɩkɛ m tõonɛ na ẽŋɛ ya nu'usum tɩ ya sẽŋɛ ka tõm tõon-sõma wʋ tɩa n wɔnnɩ biɛ la, tɩ ya tõon-sõma la wʋn bɔna wakatɛ wuu. Bɛla, bõn-sɛka woo tɩ ya wʋn sose mam Sɔ la, la mam yʋ'ʋrɛ, a wʋn bɔ ya.

Tõoma 5:41

Tɩ Tõntõnɩba la yese sarɩyadia zẽ'am na sũ-yẽlga, ban masɛ tɩ ba yẽ nãmsgɔ Azezi ĩyã la.

Aromduma 1:8

Pɔspɔsɩ, Azezi-krisi ĩyã mam pʋ'ʋsrɩ mam Zuudãana Nawẽnnɛ a yel-sõnnɛ yãma wuu ĩyã, se'ere n soe la, ba tɔgrɩ yãma n bɔ Azezi sɩra se'em mɛ dũnia wã wuu.

1 Korẽntɩ 1:4

Mam pʋ'ʋsrɩ Nawẽnnɛ wakatɛ wuu ya ĩyã, ẽn bɔ ya a yel-sõnnɛ Azezi-krisi ĩyã la.

1 Korẽntɩ 15:24

Bɛla poorʋm, Krisi wʋn sã'am sɛba wuu n soe ke'eŋo, la na'am, la pãŋa wuu, dee yãŋa dɩkɛ so'olʋm na lebse bɔ a Sɔ Nawẽnnɛ, dee tɩ sɛla woo ba'asɛ.

Efɛɛzɩ 5:4

La ken ka masɛ tɩ ya tɔgra yetɔg-yooro, la yetɔg-be'ero, la yetɔg-gãlsɩ, la de la ya pʋ'ʋsra Nawẽnnɛ a yel-sõnnɛ.

Filipi 1:3

Mam pʋ'ʋsrɩ Nawẽnnɛ mɛ a yel-sõnnɛ ya ĩyã wakatɛ sɛka woo tɩ mam tẽegɛ ya yelle.

Filipi 4:6

Da fabla-ya sɛla sɛla yelle, la sɛla woo pʋam pʋ'ʋsra-ya sɔsra Nawẽnnɛ, la ya pʋ'ʋsra ẽ a yel-sõnnɛ, pa'alɛ-ya ẽ yãma n boorɩ sɛla.

Kolɔsɩ 3:17

Bõn-sɛba wuu tɩ ya ɩtɩ, la sãn dɛna la tõoma bɩɩ yetɔga, ɩta-ya la Zuudãana Azezi-krisi yʋ'ʋrɛ, dee pʋ'ʋsra tɩ Sɔ Nawẽnnɛ a yel-sõnnɛ Azezi-krisi yʋ'ʋrɛ ĩyã.

1 Tesaloniki 3:9

Tõma ka mi pʋ'ʋsgɔ sɛka tɩ tõma wʋn pʋ'ʋsɛ Nawẽnnɛ ya ĩyã, sũ-yẽlga sɛka tɩ yãma bɔ tõma a nẽŋam na ĩyã.

1 Tesaloniki 5:18

Sɛla woo pʋam pʋ'ʋsra-ya Nawẽnnɛ a yel-sõnnɛ. Nawẽnnɛ boorɩ tɩ ya ɩta la bɛla Azezi-krisi doosgo pʋam.

2 Tesaloniki 1:3

M sɔbiisi, tõma masɛ mɛ tɩ tɩ pʋ'ʋsra Nawẽnnɛ daarɛ woo a yel-sõnnɛ yãma ĩyã. La ãn sõŋa mɛ tɩ tõma ɩta bɛla, se'ere n soe la, yãma n bɔ Azezi sɩra la sẽnnɩ nẽŋa mɛ zozo'e, tɩ yãma nẽra woo nõŋlʋm taaba ĩyã pa'asra.

2 Tesaloniki 2:13

La ãn sõŋa tɩ tõma pʋ'ʋsra Nawẽnnɛ a yel-sõnnɛ wakatɛ wuu yãma n de tɩ sɔbiisi tɩ tɩ Zuudãana nõŋɛ la ĩyã. Se'ere n soe la, Nawẽnnɛ looge ya la halɩ pɔspɔsɩ, tɩ a Sɩa botɩ ya dɛna a nẽrba tara pʋpeelem, dee sakɛ sɩra yẽ fãarɛ.

Hiburuduma 13:15

Azezi ĩyã, tɩ nã'asra Nawẽnnɛ wakatɛ wuu tɩ la ãna wʋ kãabgɔ la, la boorɩ tɩ la yetɩ tɩ nõorɛ yetɔga zẽkɛ a yʋ'ʋrɛ pa'alɛ ẽn de sɛka.

1 Pita 2:5

Yãma mẽ vɔa mɛ. Basɛ-ya tɩ Nawẽnnɛ dɩkɛ ya tɩ ya ãna wʋ kuga mẽ deego tɩ a Sɩa bɔna mĩ, tɩ ya ãna wʋ kãabgɔ kẽma bɔna mĩ tõnna wʋ Nawẽnnɛ Sɩa n boorɩ se'em, tɩ la paara a yɛm, Azezi-krisi ĩyã.

1 Pita 4:11

Nẽr-sɛka n tɔgrɩ, a tɔgɛ wʋ Nawẽnnɛ n yele se'em, nẽr-sɛka n tõnnɩ sõŋrɛ tõoma, a sõŋɛ wʋ Nawẽnnɛ n bɔ ẽ pãŋa se'em. Tɩ tõon-bãma wuu wʋn nã'asɛ Nawẽnnɛ yʋ'ʋrɛ Azezi-krisi ĩyã. Ẽŋa n soe nã'asgɔ, la pãŋa wakatɛ n ka ba'asrɩ. Amina.