Efɛɛzɩ 5:2 - Farefare Ninkaré

² Ɩta-ya sɛla woo la nõŋlʋm wʋ Krisi n nõŋɛ tɩ se'em dɩkɛ a vɔm bɔ tõma ĩyã, tɩ la ãna wʋ kãabgɔ n tarɩ yũuŋ-sõŋɔ paara Nawẽnnɛ yɛm na.

ZE'ELEGO PAALEGA

² gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

Efɛɛzɩ 5:2 ပူးပေါင်းရင်းမြစ်များ

Amatie 20:28

Nẽrsaala Dayʋa la ka wa'am tɩ nẽrba tõm bɔ ẽ, a wa'am tɩ a tõm mɛ bɔ, dee dɩkɛ a vɔm bɔ tɩ nẽrba zozo'e yẽ fãarɛ.»

Azã 13:34

Mam bɔ'ɔrɩ ya la nõor-paalga: Nõŋɛ-ya taaba. Wʋ mam n nõŋɛ ya se'em na, ya mẽ nõŋɛ taaba bɛla.

Azã 6:51

Mam n de di-sɛka n bɔ'ɔrɩ vɔm n ze'ele Nawẽnnɛ yire sigum, tɩ nẽra sãn di di-ẽna, a wʋn vɔa wakatɛ wuu. La di-sɛka tɩ mam wʋn bɔ dũnia dõma tɩ ba yẽ vɔm na, de la mam ĩyã.»

Aromduma 15:16

botɩ mam dɛna Azezi-krisi tõntõnna tɩ m tõnna a tõoma bɔ'ɔra bu-zãŋsɩ la ĩyã. Nawẽnnɛ tõoma tɩ mam tõnnɩ na de la m mõolɛ a kõ-yẽlga bɔ bu-zãŋsɩ, tɩ Nawẽnnɛ Sɩa botɩ ba welge to'ore dɛna bɔ'a n paarɩ Nawẽnnɛ yɛm.

Aromduma 4:25

Nawẽnnɛ daan basɛ tɩ ba kʋ Azezi la tõma tõon-be'ero ĩyã, dee vo'oge ẽ tɩ a botɩ tõma dɛna nẽrba n masɛ a zẽ'am.

Aromduma 8:3

Lɔɔ la ka tã wʋn fãagɛ nẽrsaalba basɛ, se'ere n soe la, nẽrsaalba ɩtɩ la ba mẽŋa n boorɩ se'em botɩ a ka tarɩ pãŋa. La sɛla tɩ lɔɔ la ka tã'agɛ ẽŋɛ la, Nawẽnnɛ ẽŋɛ mɛ. A tõm na a mẽŋa Dayʋa, tɩ a lebge nẽrsaala ãna wʋ nẽrsaalba n de tõon-be'ero dõma, tɩ a ki yese tõon-be'ero. A kũm na pʋam tɩ Nawẽnnɛ di tõon-be'ero sarɩya sã'am a pãŋa nẽrsaalba pʋam.

Aromduma 8:37

La yel-bãma wuu pʋam, sɛka n nõŋɛ tõma la n bɔ'ɔrɩ tõma pãŋa tɩ tõma yãŋra.

1 Korẽntɩ 16:14

Ɩta-ya sɛla woo la nõŋlʋm.

1 Korẽntɩ 5:7

Yese-ya tõon-be'e-ẽŋa n ãn wʋ dãbɩllɛ la ya tẽŋasʋka, bɛla tɩ ya wʋn ãna sõŋa wʋ zom paalga tɩ ba ka ẽŋɛ dãbɩllɛ ba pʋam. Ya põn ãna sõŋa wʋ borborɩ n ka tarɩ dãbɩllɛ la. Se'ere n soe la, Krisi daan sakɛ mɛ tɩ ba kʋ ẽ tõma ĩyã wʋ Zɔɔg-basɛ kibsa pebila la.

2 Korẽntɩ 2:14

Mam pʋ'ʋsrɩ Nawẽnnɛ n botɩ tõma dɔla Krisi poore daarɛ woo a tã'arɛ la pʋam, dee botɩ tõma ĩyã nẽrba bãŋra Krisi zẽ'a woo, wʋ yũuŋ-yẽlga n taagɛ zẽ'a wuu la.

2 Korẽntɩ 2:15

Asɩra, tõma ãn wʋ yũuŋ-yẽlga bɔ Nawẽnnɛ, tõma n mõolɩ Krisi kõa bɔ'ɔra nẽr-sɛba n yẽtɩ fãarɛ, la nẽr-sɛba n sã'anɩ la.

2 Korẽntɩ 8:9

Yãma mi tõma Zuudãana Azezi-krisi yel-sõnnɛ na mɛ: Baa la ẽŋa n daan de bõntarsõm dãana la, a daan ẽŋɛ a mẽŋa la nasa yãma ĩyã. Tɩ ẽn ẽŋɛ a mẽŋa nasa la, wʋn botɩ yãma lebge bõntatba Nawẽnnɛ zẽ'am.

Galatɩ 1:4

Azezi-krisi n dɩkɛ a mẽŋa bɔ tɩ ba kʋ ẽ tõma tõon-be'ero ĩyã, tɩ a fãagɛ tɔ dũnia wã be'em pʋam basɛ, wʋ tɩ Sɔ Nawẽnnɛ n boorɩ se'em na.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Efɛɛzɩ 1:4

Nawẽnnɛ looge tõma la ẽŋa ĩyã, lan dẽŋɛ dũnia nãaŋɔ, tɩ tɩ welge to'ore dɛna a nẽrba, ka tara yelle a nẽŋam.

Efɛɛzɩ 3:17

tɩ Krisi wʋn bɔna ya sũure pʋam, yan bɔ sɩra la ĩyã, tɩ ya wʋn ze'ele kãŋkãŋɛ tara nõŋlʋm zozo'e.

Efɛɛzɩ 3:19

la ya bãŋɛ a nõŋlʋm na n gãŋɛ tɩ nẽrba ka tãna wʋn bãŋɛ ba'asɛ la. Tɩ bõn-sɛba wuu n ze'etɩ Nawẽnnɛ zẽ'am wʋn pɩrɛ ya.

Efɛɛzɩ 4:15

La de la tɩn tɔgrɩ sɩra, la nõŋlʋm na ĩyã, tɩ tɩ bɩta sɛla woo pʋam wʋ ka paagɛ Krisi n de Zuudãana la.

Efɛɛzɩ 4:2

La masɛ mɛ tɩ ya sikra ya mẽŋa sɛla woo pʋam, tara sũ-bʋgsʋm, la sũ-mã'arɛ, la ya tara nõŋlʋm da isgra sũure la taaba.

Efɛɛzɩ 5:15

Guuse ya mẽŋa sõŋa la yan vɔa se'em na. Da ɩta-ya wʋ nẽr-sɛba n ka tarɩ yɛm, ɩta-ya wʋ yɛm dõma la.

Efɛɛzɩ 5:25

Sɩrba, nõŋɛ-ya ya pɔgba wʋ Krisi n nõŋɛ a nẽrba dɩkɛ a mẽŋa vɔm bɔ ba ĩyã la.

Filipi 4:18

Mam to'oge sɛla woo tɩ yãma bɔ mam na mɛ, la seke gãŋɛ mɛ. Mam n to'oge ya bɔ'a la tɩ A'epafroditi tarɩ wa'am na, mam tarɩ mɛ tɩ sɛla ka le pɔ'ɔgɛ mam. Bɔ'a bãma ãn wʋ sɛla yũuŋo n ãn yẽlʋm tɩ ya kãabɛ bɔ Nawẽnnɛ, tɩ a to'oge la sũ-yẽlga.

Kolɔsɩ 3:14

Lan gãnnɩ wuu, tara-ya nõŋlʋm, tɩ ẽŋa n wʋn botɩ ya lagɩm taaba tara nõ-yẽnnɛ sõŋa sõŋa.

1 Tesaloniki 4:9

La sãn dɛna yãma n wʋn nõŋɛ sɔbiisi se'em yelle, la ka le dɛna tɩ gʋlsɛ bɔ ya. Nawẽnnɛ põn zãsʋm yãma ya wʋn nõŋɛ taaba se'em mɛ.

1 Timoti 2:6

La de la ẽŋa n dɩkɛ a vɔm yɔ to'oge nẽrba wuu basɛ, bɛla de la kaseto n pa'alɛ tɩ Nawẽnnɛ n boorɩ tɩ a fãagɛ nẽrba wuu, a pa'alɛ bɛla la wakat-sɛka tɩ a looge la.

1 Timoti 4:12

Da basɛ tɩ nẽra zɛɛn fɔ, fõn de bõnbɩ'a la ĩyã, basɛ tɩ fʋ yetɔga, la fʋ yel-ɩrɛ, la fʋ nõŋlʋm, la fõn bɔ Nawẽnnɛ sɩra se'em, la fʋ pʋpeelem ãna sõŋa, tɩ la pa'alɛ Nawẽnnɛ nẽrba, bãma n wʋn vɔa se'em.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Hiburuduma 8:3

Ba loorɩ kãabgɔ kẽma nẽŋadãana woo tɩ a bɔ'ɔra la Nawẽnnɛ bɔ'a, la a kãabra bɔ'ɔra ẽ. Bɛla tɩ la mẽ masɛ tɩ ẽŋa tara sɛla bɔ Nawẽnnɛ.

Hiburuduma 9:14

Krisi zɩɩm na tarɩ pãŋa mɛ gãnna bɛla zozo'e. Ẽŋa ka tarɩ tuure, la doose la Nawẽnnɛ Sɩa n boe wakatɛ wuu tɩ a dɩkɛ a mẽŋa bɔ Nawẽnnɛ, peege tɩ tõon-be'ero n sẽm na kũm na, tɩ tɩ sũure ãna sõŋa, tɩ tɩ tõnna bɔ'ɔra vɔm dãana Nawẽnnɛ.

Hiburuduma 9:23

Lan yʋʋn masɛ tɩ ba dɩkɛ dũnsi zɩɩm malgɛ bõn-sɛba n mãmsrɩ sɛla n boe Nawẽnnɛ yire la, tɩ ba le ãna sõŋa bɛla la, la sãn dɛna bõnɔ la mẽŋa n boe Nawẽnnɛ yire la, dẽnɩ tɩ la dɛna kãabgɔ n ãn sõŋa gãnna bɛla.

Hiburuduma 9:26

La sãn dagɩ nɩ bɛla, a daan wʋn nãmsɛ nɩ mɛ nõorɛ faa, halɩ lan pɔsɛ dũnia pĩ'iluŋo wa paam zĩna. La sɛla n de sɩra, a wa'am na nõorɛ ayɩla mã'a dũnia ba'asgɔ wakatɛ wã, tɩ a yese tõon-be'ero, ẽn dɩkɛ a mẽŋa kãabɛ la ĩyã.

1 Pita 4:8

Sɛla n gãnnɩ wuu de la ya nõŋɛ taaba zozo'e, se'ere n soe la, nõŋlʋm n botɩ tɩ basra taaba tõon-be'ero zozo'e taalɛ.

1 Zã 3:16

La de la bõn-ẽna wã n botɩ tõma bãŋɛ nõŋlʋm n ãn se'em: Azezi ki mɛ bɔ tõma, bɛla, tõma mẽ de la tɩ dɩkɛ tɩ vɔm bɔ tɩ sɔbiisi ĩyã.

1 Zã 3:23

Ẽŋa n bɔ a nõorɛ se'em n wãna: La de la tɩ bɔ a Dayʋa Azezi-krisi sɩra, dee nõŋɛ taaba wʋ ẽŋa n bɔ tɩ a nõorɛ se'em na.

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.