Efɛɛzɩ 5:15 - Farefare Ninkaré

¹⁵ Guuse ya mẽŋa sõŋa la yan vɔa se'em na. Da ɩta-ya wʋ nẽr-sɛba n ka tarɩ yɛm, ɩta-ya wʋ yɛm dõma la.

ZE'ELEGO PAALEGA

¹⁵ Bala, Bihɛ ya mɛhi suŋa, yan vɔi se'em. Ya da vɔna wuu nɛreba n ka tari yɛm, gee ya vɔna wuu yɛmduma la.

Efɛɛzɩ 5:15 ပူးပေါင်းရင်းမြစ်များ

Amatie 10:16

Azezi le yetɩ: «Bɩsɛ-ya, mam tõm ya wʋ piisi saasaadõma tẽŋasʋka. Bɛla ĩyã, dɛna-ya yɛm dõma wʋ bõnsɛ'ɛdõma, la ya ãna wʋ na'adawɛma n ka tarɩ yelle se'em na.

Amatie 25:2

Banuu ka tarɩ yɛm, dee tɩ banuu dɛna yɛm dõma.

Amatie 27:24

La Apilatɩ n yẽ tɩ ẽŋa kãn yãŋɛ ẽŋɛ sɛla, dee tɩ nẽrba la gita pa'asra la, tɩ a dɩkɛ ko'om peege a nu'usi nẽr-kʋʋŋɔ la wuu nẽŋam, dee yele yetɩ: «Mam nẽŋa ka boe ẽna wã kʋa pʋam. La de la yãma yelle.»

Amatie 27:4

dee yetɩ: «Mam ẽŋɛ la be'em, mam n pa'alɛ tɩ ba yõkɛ sɛka n ka ẽŋɛ be'em tɩ ba kʋ ẽ na.» Tɩ ba yele ẽ yetɩ: «La ka pakɛ tõma. La de la fõn yelle.»

Amatie 8:4

Tɩ Azezi yele ẽ yetɩ: «Da yele nẽra nẽra. La sẽŋɛ Nawẽnnɛ kãabgɔ kẽema zẽ'am ka pa'alɛ ẽ fɔ mẽŋa tɩ a bɩsɛ, dee bɔ bõn-sɛba tɩ Amoyisi yʋʋn gʋlsɛ yetɩ ba bɔ la, tɩ la pa'alɛ ba tɩ fʋ sɩrɩ yẽ ĩmã'asʋm.»

Aluki 24:25

Tɩ Azezi yele ba yetɩ: «Yɛm-ka-like dõma, bẽm tɩ ya ka bɔ Nawẽnnɛ nõtɔ'ɔsrɩba n yʋʋn yele se'em na wuu sɩra tɔtɔ?

1 Korẽntɩ 14:20

M sɔbiisi, da ãna-ya wʋ kɔma n tẽ'esrɩ se'em na. La, la sãn dɛna be'em ɩrgɔ yelle, ãna-ya wʋ kɔm-pɩgsɩ n ka ɩtɩ be'em na. La ya tẽ'esgɔ pʋam, ãna-ya wʋ bõnkɛgsɩ la.

Galatɩ 3:1

Yãma Galatɩ dõma, ãne n botɩ yãma zuto lebge tɩ ya ka tara yɛm? Mam daan pa'alɛ ya Krisi n ki dɔ-puurŋa zuo la yelle mɛ sõŋa sõŋa, tɩ la dɛna vẽelga bɔ ya.

Galatɩ 3:3

Yãma yɛm na pɔ'ɔgɛ paagɛ la wãna? Yãma n pɔsɛ lebge Nawẽnnɛ nẽrba la a Sɩa pãŋa la, yãma yãŋa boorɩ tɩ ya ba'asɛ la ya mẽŋa pãŋa?

Efɛɛzɩ 5:2

Ɩta-ya sɛla woo la nõŋlʋm wʋ Krisi n nõŋɛ tɩ se'em dɩkɛ a vɔm bɔ tõma ĩyã, tɩ la ãna wʋ kãabgɔ n tarɩ yũuŋ-sõŋɔ paara Nawẽnnɛ yɛm na.

Efɛɛzɩ 5:33

La, la sãn dɛna yãma, nẽra woo nõŋɛ a pɔga wʋ a mẽŋa. Tɩ pɔka woo mẽ nanna a sɩra.

Filipi 1:27

La bõn-sɛka n gãnnɩ wuu, de la ya basɛ tɩ ya yel-ɩrɛ ãna wʋ Krisi kõ-yẽlga la n pa'alɩ se'em na. Tɩ mam sãn wa'am ya zẽ'am bɩɩ m sãn ka wa'am, m wʋn wõm tɩ ya ze la kãŋkãŋɛ, tara yɛm ayɩla, lagɩm taaba la pʋtẽ'erɛ ayɩla mõrgra tõnna tɩ nẽrba bɔ'ɔra kõ-yẽlga la sɩra.

Kolɔsɩ 1:9

Bɛla tɩ lan sẽŋɛ la daar-sɛka tɩ tõma wõm yãma yelle la, tɩ tõma pʋ'ʋsra Nawẽnnɛ yãma ĩyã wa paam lɛɛlɛ wã. Tõma sosrɩ ẽ tɩ a botɩ ya bãŋɛ ẽŋa n boorɩ se'em sõŋa sõŋa, la ya tara yɛm, la bãŋrɛ wuu tɩ Nawẽnnɛ Sɩa bɔ'ɔrɩ.

Kolɔsɩ 4:5

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Azezi la tẽŋasʋka, dɩkɛ-ya fol-sɛka tɩ ya tarɩ la wuu tõm sõŋa.

1 Tesaloniki 5:15

Guuse-ya tɩ nẽra da lebse a tadãana be'em, be'em ĩyã, mõrgɛ-ya ɩta taaba sõŋa, la nẽrba wuu sõŋa wakatɛ wuu.

1 Timoti 6:9

La sɛba n boorɩ tɩ ba yẽ bõntarsõm na kẽ'erɩ la yɛla pʋam, luta Asũtãana bẽrgɔ pʋam. Ba boorɩ la bõnɔ zozo'e n de yalnɛ la be'em, bõn-bãma n kẽ'esrɩ nẽrsaalba wõŋrɛ la sã'aŋɔ pʋam.

Hiburuduma 12:25

Ɩta-ya guusgo, da zagsɛ ka selse sɛka n tɔgrɩ la ya lɛ la. Sɛba n yʋʋn zagsɛ ka selse nẽr-sɛka n kã'anɩ ba tẽŋa zuo la ka põsɛ nãmsgɔ. Bɛla, tõma sãn zagsɛ ka selse sɛka n boe Nawẽnnɛ yire la yetɔga, tõma kãn yãŋɛ põsɛ.

Yemesi 3:13

Ãne n boe ya pʋam tẽ'esɛ tɩ ẽŋa tarɩ yɛm, la bãŋrɛ? A ẽŋɛ yel-ɩr-sõŋɔ, dee sike a mẽŋa pa'alɛ tɩ a tarɩ yɛm.

1 Pita 1:22

Yãma n sakɛ sɩra la, ya lebge la pʋpeelem dõma, tɩ ya nõŋɛ ya sɔbiisi la nõŋlʋm sɩra sɩra. Bɛla, nõŋɛ-ya taaba zozo'e la ya sũure wuu.

Lilegere 19:10

Tɩ mam ka dũma tẽŋa a nẽŋam tɩ m nã'asɛ ẽ, tɩ a yele mam yetɩ: «Da ẽŋɛ bɛla! Mam mẽ de la Nawẽnnɛ tõntõnna wʋ fõn, la fʋ sɔbiisi la n sakɛ sɩra tɩ Azezi pa'alɛ la. La de la Nawẽnnɛ n de fʋ nã'asɛ.» Sɩra la tɩ Azezi puke pa'alɛ la n bɛla tɩ Nawẽnnɛ Sɩa botɩ a nõtɔ'ɔsrɩba tɔ'ɔsra tɔgra.