Efɛɛzɩ 5:11 - Farefare Ninkaré

¹¹ Da po tõnna-ya tõon-sɛba tɩ nẽrba tõnnɩ lika pʋam n ka tarɩ yõorɔ la, tõn pa'alɛ-ya tɩ ba ka ãn sõŋa.

ZE'ELEGO PAALEGA

¹¹ Da lagum tuna ya lika puan tuunsɛ'a n ka tari walesuma la, gee tugum viie ya ba fihi.

Efɛɛzɩ 5:11 ပူးပေါင်းရင်းမြစ်များ

Amatie 18:15

Tɩ Azezi le yetɩ: «Fʋ sɔbia sãn ẽŋɛ be'em, sẽŋɛ ka yẽ ẽ fõn na ẽŋa mã'a, pa'alɛ ẽ a tuure la. A sãn sakɛ fʋ nõorɛ, fʋ to'oge ẽ basɛ.

Aluki 3:19

La Azã daan zɛrgɛ naba A'erɔdɩ mɛ, se'ere n soe la, a daan fãagɛ la a kẽema pɔga yʋ'ʋrɛ n de A'erodɩadɩ di, dee tõm tõon-be'ero basɛba zozo'e pa'asɛ, tɩ Azã yele ẽ yetɩ la ka ãn sõŋa.

Aromduma 13:12

Tẽŋa sʋtʋm mɛ tɩ beere deege wiire. Bɛla, basɛ-ya lika tõoma, dee dɩkɛ Nawẽnnɛ zɛbrɛ lɔgrɔ tõnna peelem tõoma.

Aromduma 16:17

M sɔbiisi, mam kã'anɩ ya tɩ ya guusra ya mẽŋa la nẽr-sɛba n tarɩ welgre sẽnna ya zẽ'am, dee sɩ'ɩsra zãsŋɔ sɛka tɩ ya to'oge, botɩ nẽrba basra Nawẽnnɛ sore la. Zãagɛ ya mẽŋa la ba lɛ.

Aromduma 6:21

Tõon-sɛba tɩ ya daan tõm na, ya yẽ la bẽm yõorɔ ba pʋam? Lɛɛlɛ wã, la de la yãnnɛ bɔ ya, tõon-bãma ba'asgɔ de la kũm.

Galatɩ 6:8

Nẽr-sɛka n ɩtɩ sɛla tɩ a mẽŋa yɛmleego boorɩ, a wʋn yẽ a yɛmleego yõorɔ n de kũm. La sɛka n ɩtɩ sɛla tɩ Nawẽnnɛ Sɩa boorɩ la, a wʋn yẽ Nawẽnnɛ Sɩa n bɔ'ɔrɩ sɛla n de vɔm n ka ba'asrɩ.

Efɛɛzɩ 4:22

dẽnɩ tɩ ya basɛ yãma n daan vɔa se'em kʋrʋm na. Basɛ-ya vɔm kɛka, la a yɛmleego la n boorɩ sɛla n de be'em n wʋn pã'asɛ ya botɩ ya sã'am na.

Efɛɛzɩ 5:12

Nẽr-bãma n sʋgɛ ɩta sɛla la de la yãnnɛ halɩ, tɩ nẽra kãn saagɛ tɔgɛ a yelle.

Efɛɛzɩ 5:7

Da lagɩm-ya la nẽr-bãma.

Kolɔsɩ 1:12

Pʋ'ʋsra-ya tɩ Sɔ Nawẽnnɛ a yel-sõnnɛ la sũ-yẽlga, ẽŋa n basɛ tɩ ya tãna wʋn po to'oge bõn-sõma tɩ a bĩŋe tɩ a bɔ a nẽrba a so'olʋm n de peelem pʋam na.

1 Tesaloniki 5:7

Sɛba n gĩsri, gĩsri la yʋ'ʋŋɔ, tɩ sɛba n yũuri dãam bugra, bugra yʋ'ʋŋɔ.

2 Tesaloniki 3:14

Nẽra sãn ka sakɛ bõn-sɛba tɩ tõma yele ya gõŋɔ wã pʋam na, ya bãŋɛ a dãana lɔkra ẽ, tɩ yãnnɛ yõkɛ ẽ.

2 Tesaloniki 3:6

M sɔbiisi, tõma yetɩ ya la Zuudãana Azezi-krisi yʋ'ʋrɛ tɩ ya zãagɛ ya mẽŋa la sɔbiisi sɛba wuu n de zẽyãgsɩ vɔa yooryooro ka dɔla pa'algɔ sɛba tɩ tõma pa'alɛ ya la.

1 Timoti 5:20

La kẽma sãn tõm tõon-be'ero, fʋ kã'an ẽ Wẽndeego la pʋam nẽrba wuu nẽŋam, tɩ nẽrba basɛba la zoe dabeem.

1 Timoti 5:22

Da kãblɛ dɩkɛ fʋ nu'usi paglɛ nẽra zuo tɩ a tõm Nawẽnnɛ tõoma, da naagɛ la nẽra a tõon-be'ero pʋam, dɛna pʋpeelem dãana.

1 Timoti 6:5

tɩ ba wẽ'era nõke'ene n ka ba'asrɩ la taaba, ban tarɩ yɛm be'ero dee ka tara yel-sɩra, dee tẽ'esra tɩ Nawẽnnɛ sore doosgo la de la sɛla n wʋn basɛ tɩ ba yẽ bõntarsõm na ĩyã.

2 Timoti 3:5

Ba ɩtɩ tɩ la ãna wʋ ba sakrɩ la Nawẽnnɛ, la ba ka sakrɩ a pãŋa la. Zãagɛ fʋ mẽŋa la nẽr-bãma buuri.

2 Timoti 4:2

tɩ fʋ mõolɛ Nawẽnnɛ yetɔga la. Nẽrba sãn sɛlsra, bɩɩ ba sãn ka sɛlsra, mõolɛ le malɩn mõolɛ wakatɛ wuu. Tɔgɛ pa'alɛ ba tɩ ba bãŋɛ ba koŋre, gi ba, dee bɔ ba bʋraanɛ tɩ ba ɩta sõŋa, ɩta bɛla wuu la sũ-mã'asʋm dee tara zãsŋɔ pʋtẽ'erɛ.

Taitusi 2:15

La de la bɛla tɩ fʋ wʋn zãsʋm ba, bɔ ba bʋraanɛ, dee kã'an ba. Ẽŋɛ bɛla la nõorɛ sɛka tɩ fʋ tarɩ la. Da basɛ tɩ nẽra pɔ'ɔgɛ fɔ.

Lilegere 18:4

Tɩ mam wõm kõa ayẽma n ze'ele saazuum yetɩ: «M nẽrba, yese-ya a pʋam fõrgɛ, tɩ ya da kãn lagɩm na ẽ tõm a tõon-be'ero la, tɩ ya da lagɩm na ẽ yẽ tooro sɛba tɩ a wʋn yẽ la.