Efɛɛzɩ 5:1 - Farefare Ninkaré

¹ Yãma n de Nawẽnnɛ kɔma tɩ a nõŋɛ la, ãna-ya wʋ ẽŋa n ãn se'em na.

ZE'ELEGO PAALEGA

¹ Dina zuo, tɔgehi ya Yinɛ wuu kɔma ti a nini tigɛ la ya la,

Efɛɛzɩ 5:1 ပူးပေါင်းရင်းမြစ်များ

Amatie 5:45

Ya sãn ẽŋɛ bɛla, ya wʋn dɛna ya Sɔ Nawẽnnɛ n boe saazuum na kɔma, se'ere n soe la, ẽŋa n botɩ wʋntɛɛŋa yẽkra bɔ'ɔra nẽr-sõma la nẽr-be'ero, dee botɩ saaga niira bɔ'ɔra sɛba ɩrgɔ n masɛ, la sɛba ɩrgɔ n ka masɛ.

Amatie 5:48

Bɛla, dɛna-ya nẽrba tɩ ya ɩrgɔ wuu wʋn masɛ, wʋ ya Sɔ Nawẽnnɛ n boe saazuum ɩrgɔ wuu n masɛ se'em na.»

Azã 1:12

La sɛba wuu n to'oge ẽ bɔ ẽ sɩra la, a bɔ ba nõorɛ mɛ tɩ ba lebge Nawẽnnɛ kɔma.

Efɛɛzɩ 4:32

Ɩta-ya taaba sõŋa, la ya tara taaba zĩile, basra-ya taaba tõon-be'ero taalɛ, wʋ Nawẽnnɛ n basɛ ya tõon-be'ero taalɛ Krisi ĩyã la.

Filipi 2:15

Tɩ ya wʋn dɛna nẽrba n ka tarɩ yelle, ãna sõŋa ka tara dẽgrɔ. Tɩ ya wʋn dɛna Nawẽnnɛ kɔma n ka tarɩ dõrga n boe nẽr-bɛ'ɛsɩ la nẽr-yaalsɩ tẽŋasʋka, yẽgra wʋ peelem dũnia wã zuo,

Kolɔsɩ 3:12

Yãma de la nẽr-sɛba tɩ Nawẽnnɛ looge, a nõŋɛ ya mɛ, welge ya to'ore tɩ ya dɛna a nẽrba. Bɛla, zɔta-ya taaba ninbãalga, ɩta taaba sõŋa, sikra ya mẽŋa, dee tara sũ-bʋgsʋm, la sũ-mã'arɛ.

1 Zã 4:11

M sɩr-nõŋrɩsɩ, Nawẽnnɛ n nõŋɛ tɩ bɛla la, dẽnɩ tɩ tõma mẽ nõŋɛ taaba.