Efɛɛzɩ 4:4 - Farefare Ninkaré

⁴ Azezi nẽrba de la ĩyã ayɩla, tɩ Nawẽnnɛ Sɩa ayɩla mã'a bɔna, la Nawẽnnɛ n wi ya tɩ ya tara pʋtẽ'erɛ gu'ura bõn-sɛba la de la bõn-yẽnnɛ.

ZE'ELEGO PAALEGA

⁴ Se'ere en sɔi la, Iŋa kayina, la Fa'a Sia kayima ma'a en boi, wuu ban yi' ya beere putɛ'yinɛ wa puan se'em la.

Efɛɛzɩ 4:4 ပူးပေါင်းရင်းမြစ်များ

Amatie 28:19

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ.

Tõoma 15:11

La ka ãn sõŋa, tõma mi tɩ la de la Zuudãana Azezi yel-sõnnɛ na ĩyã tɩ tõma yẽ fãarɛ, wʋ bãma n mẽ yẽ fãarɛ se'em na.»

Aromduma 11:29

Nawẽnnɛ ka teerɩ pʋtẽ'erɛ la nẽr-sɛba tɩ a looge, ẽŋɛ yel-sõnnɛ bɔ ba la.

1 Korẽntɩ 10:17

Borborɩ la n de ayɩla la, tõma mẽ de la ĩyã ayɩla, baa tõma n zo'oge la. Se'ere n soe la, tɩ wuu lagɩm ɔbra la borbor-ẽŋa ayɩla.

1 Korẽntɩ 12:20

Bɛla tɩ zẽ'esɩ to'oto'ore bɔna, la ba de la ĩyã ayɩla.

2 Korẽntɩ 11:4

Se'ere n soe la, nẽra woo sãn wa'am ya zẽ'am wa mõola Azezi ayẽma yelle, tɩ la ka dɛna Azezi sɛka tɩ tõma mõolɛ bɔ ya la, yãma to'orɩ mɛ tɔtɔ, la yãma to'orɩ la sɩa ayẽma n dagɩ sɛka tɩ ya põn to'oge la, la yãma to'orɩ la kõ-yẽlga ayẽma n dagɩ sɛka tɩ yãma põn to'oge la, sakra ba sõŋa sõŋa.

Efɛɛzɩ 1:18

Mam ken sɔsra Nawẽnnɛ tɩ a botɩ ya pʋtẽ'era like tɩ ya bãŋɛ ẽn wi ya tɩ ya tara pʋtẽ'erɛ gu'ura sɛla, dee bãŋɛ bõn-sõma sɛba tɩ a bĩŋe nõorɛ tɩ a bɔ a nẽrba la n ba ãna sõŋa, dee zo'oge se'em.

Efɛɛzɩ 2:16

Krisi n ki kũm dɔ-puurŋa zuo la, a lagɩm ba tɩ ba lebge la buuri ayɩla naagɛ ba la Nawẽnnɛ botɩ ba ka le sisra taaba.

Efɛɛzɩ 2:18

Krisi ĩyã tɩ tõma wuu tara sore wʋn lɛm tɩ Sɔ Nawẽnnɛ zẽ'am, Nawẽnnɛ Sɩa ayɩla n boe la tɩ wuu lɛ la ĩyã.

Efɛɛzɩ 2:22

Yãma n lagɩm na ẽ dɛna ayɩla la, ya mẽ po bɔna la Nawẽnnɛ deego la tɩ a boe mĩ mẽta la mẽeŋa pʋam, tɩ Nawẽnnɛ mẽŋa Sɩa kẽ'era mĩ.

Efɛɛzɩ 4:1

Mam n boe yʋ'a deem Zuudãana doosgo yelle la, mam sosrɩ ya tɩ ya dɔla sorɔɔgɔ la sõŋa, wʋ lan masɛ Nawẽnnɛ n wi ya tɩ ya ãna se'em na.

Efɛɛzɩ 5:30

tõma n de a ĩyã zẽ'esɩ to'oto'ore la ĩyã.

Kolɔsɩ 1:5

yãma n tarɩ pʋtẽ'erɛ gu'ura sɛla tɩ Nawẽnnɛ bĩŋe a yire gu'ura tɩ a bɔ ya la ĩyã. La de la yãma n dẽŋɛ wõm sɩra yetɔga n de Nawẽnnɛ kõ-yẽlga la, n botɩ yãma tara pʋtẽ'erɛ ẽŋa.

Kolɔsɩ 3:15

Basɛ-ya tɩ Krisi sũ-mã'asʋm la sɔna ya sũure, Nawẽnnɛ wi ya tɩ ya tara la sũ-mã'asʋm ẽŋa, lagɩm taaba dɛna ayɩla. Mina-ya yel-sõnnɛ pʋ'ʋsgɔ.

2 Tesaloniki 2:16

Tõma pʋ'ʋsrɩ tɩ Zuudãana Azezi-krisi, la tɩ Sɔ Nawẽnnɛ n nõŋɛ tɔ dee ẽŋɛ tɩ yel-sõnnɛ bɔ tɔ bʋraanɛ n ka ba'asrɩ, dee botɩ tɩ tara pʋtẽ'erɛ gu'ura bõn-sõma sɛba tɩ tɩ sakɛ la.

1 Timoti 1:1

Mam Apolɩ n de Azezi-krisi Tõntõnna n gʋlsɛ gõŋɔ wã. La de la Nawẽnnɛ n de tɩ Fãagra, la Azezi-krisi tɩ tɩ tarɩ pʋtẽ'erɛ gu'ura la, n bɔ mam nõorɛ tɩ mam dɛna a Tõntõnna.

Taitusi 1:2

Tɩ tarɩ pʋtẽ'erɛ tɩ tɩ wʋn yẽ la vɔm n ka ba'asrɩ, tɩ Nawẽnnɛ n dagɩ põmpɔrma la daan bĩŋe nõorɛ halɩ tɩ dũnia nãn ka nãam.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Taitusi 3:7

tɩ a yel-sõnnɛ na botɩ tõma masɛ a nẽŋam, lebge a kɔma wʋn yẽ vɔm n ka ba'asrɩ tɩ tõma tarɩ pʋtẽ'erɛ gu'ura la.

1 Pita 1:21

Krisi ĩyã tɩ ya bɔ Nawẽnnɛ sɩra, Nawẽnnɛ n vo'oge Krisi, bɔ ẽ na'am pãŋa, bɛla tɩ ya dɩkɛ ya bɔ sɩra, la yan tara pʋtẽ'erɛ gu'ura sɛla la te'ege Nawẽnnɛ.

1 Zã 3:3

Nẽr-sɛka woo n tarɩ pʋtẽ'erɛ gu'ura bõn-ẽŋa Krisi ĩyã, malgrɩ a mẽŋa mɛ dɛna pʋpeelem dãana, wʋ Azezi-krisi mẽŋa n de pʋpeelem dãana se'em na.