Efɛɛzɩ 4:21 - Farefare Ninkaré

²¹ Yãma n wõm Azezi-krisi yelle, dee tɩ ba zãsʋm yãma n de a nẽrba sɩra n ze'ele a zẽ'am na,

ZE'ELEGO PAALEGA

²¹ La de asira ti ya wum a yele, gee ti ba me pa'alɛ ya a yele ti yelemɛŋerɛ boi la Yezu puan.

Efɛɛzɩ 4:21 ပူးပေါင်းရင်းမြစ်များ

Amatie 17:5

La ẽn nãn ken bɔna mĩ tɔgra la, tɩ sawatɛ n yẽgrɩ wa'am wa lile ba. Tɩ kõa ze'ele sawatɛ la pʋam yetɩ: «Ẽna de la mam Dayʋa tɩ mam nõŋɛ la m sũure wuu, a paagɛ la mam yɛm. Selse-ya a yetɔga.»

Aluki 10:16

La Azezi le yele a karẽnbiisi la yetɩ: «Sɛka n selsrɩ ya yetɔga, a selsrɩ la mam yetɔga, la sɛka n zagsɛ ya, a zagsɛ la mam. La sɛka n zagsɛ mam, a zagsɛ la sɛka n tõm mam na.»

Azã 1:17

Nawẽnnɛ bɔ a lɔɔ la Amoyisi, tɩ a bɔ tõma. La, la sãn dɛna Nawẽnnɛ yel-sõnnɛ, la a sɩra la, la doose la Azezi-krisi tɩ a bɔ tõma.

Azã 10:27

Mam piisi la wõnnɩ mam kõa mɛ, mam mi ba mɛ, la ba dolɩ mam mɛ.

Azã 14:17

A de la sɩra Sɩa tɩ dũnia dõma ka tã wʋn to'oge ẽ, se'ere n soe la, ba ka tã wʋn yẽ ẽ, la ba ka mi ẽ. La yãma mi ẽ, se'ere n soe la, a boe la ya zẽ'am, la a wʋn bɔna la ya lɛ.

Azã 14:6

Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

Aromduma 10:14

La ba wʋn ẽŋɛ la wãne sose ẽ sõŋrɛ, ba sãn ka bɔ ẽ sɩra? La ba wʋn ẽŋɛ la wãne bɔ ẽ sɩra, ba sãn ka wõm a kõ-yẽlga la? La ba wʋn ẽŋɛ la wãne wõm kõ-yẽlga la, tɩ nẽra sãn ka mõolɛ?

2 Korẽntɩ 1:20

Nawẽnnɛ n bĩŋe nõorɛ tɩ a ẽŋɛ sɛla wuu la, Azezi-krisi n yetɩ «ẽe», ẽŋa wʋn ẽŋɛ. Bɛla, la de la Azezi-krisi ĩyã tɩ tõma yɛta tɩ: «Amina!» tɩ la dɛna Nawẽnnɛ nã'asgɔ.

2 Korẽntɩ 11:10

Krisi sɩra n boe mam sũure pʋam na, mam yetɩ ya mɛ tɩ nẽra ka tã wʋn botɩ mam ka wẽ yõ'ogɔ la bõn-ẽŋa yelle Akayi so'olʋm pʋam.

Efɛɛzɩ 1:13

Yãma n mẽ wõm sɩra kõ-yẽlga la, n basɛ tɩ ya bɔ Krisi sɩra yẽ fãarɛ, ẽŋa ĩyã tɩ Nawẽnnɛ bɔ ya a Sɩa wʋ ẽn bĩŋe nõorɛ se'em na, Sɩa ẽŋa de la dãalgɔ pa'alɛ tɩ ya de la a nẽrba.

Efɛɛzɩ 2:17

Krisi wa'am wa mõolɛ la sũ-mã'asʋm kõ-yẽlga bɔ yãma sɛba n daan zãagɛ, la tõma sɛba n lɛm na.

Kolɔsɩ 1:5

yãma n tarɩ pʋtẽ'erɛ gu'ura sɛla tɩ Nawẽnnɛ bĩŋe a yire gu'ura tɩ a bɔ ya la ĩyã. La de la yãma n dẽŋɛ wõm sɩra yetɔga n de Nawẽnnɛ kõ-yẽlga la, n botɩ yãma tara pʋtẽ'erɛ ẽŋa.

Kolɔsɩ 1:6

Kõ-yẽlga ẽŋa paagɛ yãma zẽ'am mɛ, wʋ ẽn paagɛ dũnia zẽ'esɩ wuu se'em na, la a ɩtɩ nẽrba sõŋa mɛ, tɩ ba sakra zozo'e, tɩ ba kãllɛ pa'asra. A mẽ ɩtɩ la bɛla yãma zẽ'am lan sẽŋɛ la daar-sɛka tɩ yãma wõm, dee bãŋɛ Nawẽnnɛ yel-sõnnɛ sɩra sɩra la.

Kolɔsɩ 2:7

zɛ kãŋkãŋɛ wʋ tɩa yẽga n kẽ tẽŋa zɛ kãŋkãŋɛ se'em na, ken bɔ-ya sɩra la ya sũure wuu wʋ ban zãsʋm ya se'em na, la ya pʋ'ʋsra Nawẽnnɛ a yel-sõnnɛ zozo'e.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.