Efɛɛzɩ 4:2 - Farefare Ninkaré

² La masɛ mɛ tɩ ya sikra ya mẽŋa sɛla woo pʋam, tara sũ-bʋgsʋm, la sũ-mã'arɛ, la ya tara nõŋlʋm da isgra sũure la taaba.

ZE'ELEGO PAALEGA

² Voni ya ya vom za'a la sirege n mɛŋa, zulaam, gee ŋmibera la taaba nɔŋerɛ puan.

Efɛɛzɩ 4:2 ပူးပေါင်းရင်းမြစ်များ

Amatie 11:29

Dɩkɛ-ya mam sɔgrɩga sɔgɛ ya mẽŋa, zãsʋm sɛla tɩ mam wʋn pa'alɛ ya la, tɩ ya wʋn yẽ vo'osgo. Se'ere n soe la, mam de la sũ-bʋgsʋm dãana, la sik-m-mẽŋa dãana.

Amarkɩ 9:19

Tɩ Azezi yele ba yetɩ: «Zamãan-ẽna nẽrba, ya ka bɔ'ɔrɩ mam sɩra, mam wʋn bɔna la yãma mã'agɛ m mẽŋa halɩ ka paagɛ la wakat-kãna? Tarɩ-ya bia la wa'am.»

Tõoma 20:19

Mam sike m mẽŋa mɛ tõm Nawẽnnɛ tõoma la nintãm, baa nãmsgɔ sɛka tɩ mam yẽ Zifdõma n dolɩ mam nãma la pʋam.

Aromduma 15:1

Dẽnɩ tɩ tõma sɛba n tarɩ pãŋa Nawẽnnɛ doosgo pʋam na, sõŋɛ nẽr-sɛba n ka tarɩ pãŋa la, ba tɔrgɔ pʋam. La tɩ da ɛɛra sɛla n ãn tõma yẽlʋm.

1 Korẽntɩ 13:7

Sɛka n tarɩ nõŋlʋm ɩtɩ sugri mɛ sɛla woo pʋam. A bɔ sɩra mɛ sɛla woo pʋam, a tarɩ pʋtẽ'erɛ mɛ gu'ura sɛla woo tɩ a bɔ sɩra la, a tã wĩbra mɛ sɛla woo pʋam.

Galatɩ 6:2

Sõŋra-ya taaba malgra taaba yɛla, tɩ bɛla tɩ ya wʋn ẽŋɛ Krisi nõorɛ n yele se'em na.

Efɛɛzɩ 1:4

Nawẽnnɛ looge tõma la ẽŋa ĩyã, lan dẽŋɛ dũnia nãaŋɔ, tɩ tɩ welge to'ore dɛna a nẽrba, ka tara yelle a nẽŋam.

Kolɔsɩ 1:11

Nawẽnnɛ wʋn bɔ ya pãŋa sɛla woo pʋam a na'am pãn-kãtɛ la ĩyã, tɩ ya wʋn wĩbe sɛla woo pʋam la sũ-mã'asʋm.

1 Timoti 6:11

La fõn de Nawẽnnɛ nẽra la, zãagɛ fʋ mẽŋa la bõn-bãma, dee ɛ sɛla n masɛ, la Nawẽnnɛ sakrɛ, ken bɔ ẽ sɩra, ɛ nõŋlʋm, la sũ-mã'arɛ, la sũ-bʋgsʋm.

2 Timoti 2:25

La masɛ tɩ a pa'ala nẽr-sɛba n ka sakrɩ la, la sũ-bʋgsʋm, tɩ Nawẽnnɛ tã wʋn basɛ tɩ ba teege yɛm mɛ bãŋɛ sɩra,

Yemesi 1:21

Bɛla, basɛ-ya sɛla n de tõon-dẽgrɔ buuri wuu, la sɛla n de pʋtʋʋlgɔ wuu, dee sike ya mẽŋa to'oge Nawẽnnɛ yetɔga la tɩ a dɩkɛ ẽŋɛ ya sũure pʋam, n tã wʋn fãagɛ ya la.

1 Pita 3:15

Nã'asra-ya Krisi ya sũure pʋam, basɛ-ya tɩ a dɛna ya Zuudãana. Mãasʋm-ya wakatɛ wuu lɛrgra nẽr-sɛka woo n sokrɩ ya, bɔɔra tɩ a bãŋɛ yãma n tarɩ pʋtẽ'erɛ gu'ura sɛla la yelle n ãn se'em na.

1 Pita 3:8

Ba'asgɔ pʋam, mam yetɩ ya wuu tɩ ya tara pʋtẽ'erɛ ayɩla, la taaba zĩile, la sɔbiisi nõŋrɛ, la ninbãal-zʋa, la sik-m-mẽŋa.